މާދަމާ އިން ފެށިގެން ސިނަމާތައް ހުޅުވުމުގެ ހުއްދަ ދީފި އެވެ.
އެޗްޕީއޭ އިން ބުނީ ސިނަމާތައް ހިންގުމާއި، ސިނަމާ ހޯލްތައް ބޭނުންކުރުމުގެ އުސޫލުގެ ދަށުން ސިނަމާތަކާއި ފިލްމު ތިއޭޓަރުތައް މާދަމާ އިން ފެށިގެން ހުޅުވައި ލުން އެންމެ ރަނގަޅު ކަމަށެވެ.
ރާއްޖޭގައި ކޮވިޑް19 ފެތުރުން ކޮންޓްރޯލު ކުރުމަށް އެޅި ފިޔަވަޅެއްގެ ގޮތުން، ސިނަމާތަކާއި ތިއޭޓަރުތައް ބަންދު ކުރީ މިދިޔަ އަހަރުގެ މާޗު 30 ވަނަ ދުވަހު އެވެ.
އަލުން ސިނަމާތަައް ހުޅުވާލުމުގެ ހުއްދަ ދިން އިރު، ރައްކާތެރިކަމުގެ ފިޔަވަޅުތަކުތަކަށް އަމަލު ކުރަން ޖެހޭނެ ކަމަށް އެޗްޕީއޭ އިން ބުންޏެވެ.
ސިނަމާތަކާއި ތިއޭޓަރުތައް ހުޅުވުމުގެ ހުއްދަ 10 މަސް ފަހުން ދިންއިރު، ރާއްޖޭގައި ކޮވިޑް ފެތުރޭ މިންވަރު އަނެއްކާވެސް ވަނީ އިތުރުވާން ފަށައިފަ އެވެ. އެގޮތުން އިއްޔެ ވެސް 55 މީހަކު ބައްޔަށް ޕޮޒިޓިވް ވެފައިވާއިރު އޭގެ ތެރޭ ގިނައީ މާލެ ސަރަހައްދުން ޕޮޒިޓިވް ވި މީހުންނެވެ.
ރާއްޖެއިން ކޮވިޑް ޖެހުނު މީހުންގެ ޖުމްލަ 14،885 އަށް އަރާފައިވާއިރު މި ބަލީގައި 50 މީހަކު ވަނީ މަރުވެފަ އެވެ. ބަލިން ރަނގަޅުވި މީހުންގެ އަދަދަކީ 13،813 އެވެ.