މަޝްހޫރު ލަވަކިޔުންތެރިކާ ޝަކީރާ އާއި އޭނާގެ ލޯބިވެރިޔާ، މަޝްހޫރު ފުޓުބޯޅަ ކުޅުންތެރިޔާ ޖެރާޑް ޕިކޭ ރާއްޖޭގައި ޗުއްޓީ ހޭދަކުރަމުން އެބަ ދެއެވެ.
ޝަކީރާ އާއި ޕީކޭގެ ދެދަރިން ކަމަށްވާ ސާޝާ އަދި މިލާން އާއެކު ރާއްޖެއަށް ޗުއްޓީ ހޭދަކުރުމަށް އައިސްފައިވަނީ އިއްޔެ އެވެ.
"ސަން" އަށް މައުލޫމާތު ލިބިފައިވާގޮތުގައި ދެމީހުންނާއި ދެ ދަރީން އެކުގައި ޗުއްޓީ ހޭދަކުރަމުން ދަނީ ވޯލްޑޯފް އެސްޓޯރިއާ މޯލްޑިވްސް އިތާފުށީގަ ެއެވެ.
މިއީ ކޮވިޑް-19 އާ ގުޅިގެން ރާއްޖޭގެ ބޯޑަރު ބަންދުކުރުމަށްފަހު އަލުން ހުޅުވާލި ފަހުން ރާއްޖެ އައި ފުރަތަމަ ސެލެބްރިޓީންތަކަށް ވުން އެކަށީގެންވެއެވެ.
ޝަކީރާވެސް އަަދި ޕީކޭ ވެސް މީގެކުރީން ވަނީ ރާއްޖެއަށް ޗުއްޓީއަށް އައިސްފައެވެ.
ޝަކީރާ އާއި ޕީކޭ ލޯބީގެ ގޮޔުން ގުޅިގެން އުޅޭކަން ހާމަކޮށްފައިވަނީ 2011 ވަނަ އަހަރުގައެވެ. އެއަށްފަހު ދެމީހުން އެކީގައި އުޅެން ފެށިއިރު ދެމީހުންނަށް ފުރަތަމަ ދަރިއެއް ލިބުނީ 2013 ވަނަ އަހަރުގައެވެ. ފުރަތަމަ މިލާން ލިބުނު އިރު ދެމީހުންނަށް ސާޝާ ލިބުނީ 2015 ވަނަ އަހަރުގައެވެ.