ބ. ކެންދޫގައި ރިޔަލު ދޯންޏެއްގައި ނުކުމެ އުޅެނިކޮށް ލޯޔަރު އަބްދުﷲ އަލީގެ ހާލު ދެރަކަމަށް އާއިލާއިން ބުނެފި އެވެ.
ކެންދޫއިން "ސަން" އަށް މައުލޫމާތު ދިން މީހަކު ބުނީ އޭނާ ގެއްލުނީ އިއްޔެ ހަވީރު ރިޔާ ނެގި ވަދު ދޯންޏެއްގައި ނުކުމެ އުޅެނިކޮށް އައި ކޮޅިގަނޑެއްގައި ޖެހިގެން ކަމަށެވެ.
އޭނާ ބުނީ ގެއްލުނު މީހާ ފެނުނީ ލޯންޗްތަކާއި ދޯނިތަކުން ކަނޑަށް ނުކުމެ ބަލައި އުޅުމުގެ ތެރޭގައި ކަމަށެވެ.
"އޭނަ ފެނުނީ މިތާ ކައިރީގައި އޮތް ފަޅުރަށް ކެޔޮދޫގެ އަތިރިމަތީގައި ހާލު ދެރަވެއޮއްވައި،" ކެންދޫން ވާހަކަ ދެއްކި މީހާ ބުންޏެވެ.
ގެއްލުނު ލޯޔަރު ފެނުނީ ރޭ 11:30 ވާން އުޅެނިކޮށެވެ. އޭނާ ވަނީ ވަގުތުން ހޮސްޕިޓަލްގައި ބާއްވައިފަ އެވެ.
ލޯޔަރުގެ އާއިލާ މީހަކު "ސަން" އަށް ބުނީ އޭނާ މިހާރު އޮތީ ކެންދޫގެ ސިއްހީ މަރުކަޒުގައި އައިވީ ގުޅާފައި ކަމަށާއި މަޑުމަޑުން މިހާރު ހަރަކާތްކުރާ ކަމަށެވެ.
ގެއްލިގެން ހޯދި ވަކީލް ކަނޑަށް ނުކުތީ ދެމީހުންނަސް ކިރިޔާ އެރޭވަރުގެ ކުޑަކުޑަ ދޯންޏެއްގަ އެވެ. އޭނާ އެ ކުޑަކު ދޯންޏެއްގައި ނުކުތީ ހިތްފަސޭހަ ކޮށްލުމަށެވެ.