ގައުމީ އަރުޝީފުގެ ޑިރެކްޓަރުގެ މަގާމަށް ގދ. ފަރެސްމާތޮޑާ ހުސްނުހީނާގެ މުހައްމަދު އާމިރު އަހުމަދު (ފަރެސް އާމިރު) އައްޔަނު ކުރައްވައިފިއެވެ.
އޭނާ މަގާމަށް އައްޔަނު ކުރެއްވީ މިއަދު އެވެ.
އާމިރުއަކީ ދިވެހި ބަހުން ޑިގްރީ ހާސިލް ކުރައްވާފައިވާ ބޭފުޅެކެވެ. އޭނާ އަކީ މީޑިއާ އަދި ލިޔުންތެރިކަމުގެ ދާއިރާއާއި ތައުލީމީ ދާއިރާގައި ގިނަ އަހަރުތަކެއް ވަންދެން ހިދުމަތް ކުރައްވާފައިވާ ބޭފުޅެކެވެ.
އޭނާ އެ މަގާމާ ހަވާލުވުމުގެ ކުރިން އަދާކުރަމުން ދިޔައީ ސަން މީޑިއާ ގްރޫޕުގެ ޑިރެކްޓާ އެޑްމިން އެންޑް އެޗްއާރުގެ މަގާމެވެ.
ގައުމީ އަރުޝީފުގެ ޑިރެކްޓަރުގެ މަގާމުގައި އެންމެ ފަހުން ހުންނެވީ މުހައްމަދު ޝާތިރެވެ.