ތ. މަޑިފުށީގެ ބަނދަރު ހެދުމުގެ މަސައްކަތް ނިންމާލައިފި އެވެ.
ކުރީގެ ސަރުކާރުން އެމްޓީސީސީއަށް ހަވާލުކުރި އެ ޕްރޮޖެކްޓުގެ އަމަލީ މަސައްކަތް ފަށާފައިވަނީ 2016 ގެ މާޗު މަހުގެ ތެރޭގައެވެ.
އެމްޓީސީސީން ބުނި ގޮތުގައި އެ ރަށުގެ ބަނދަރުގެ މަސައްކަތް، މިދިޔަ މަހުގެ 11 ވަނަ ދުވަހު ވަނީ ނިންމައިފަ އެވެ.
ބަނދަރު މަޝްރޫއުގެ ދަށުން ފަޅު ފުންކޮށް، ނެރު ކަނޑާފައިވާ އިރު، އެމްޓީސީސީން ވަނީ އެރަށުގައި 256.03 މީޓަރުގެ ބްރޭކްވޯޓާއަކާއި، 20 މީޓަރުގެ ރިވެޓްމެންޓެއް އަދި 357 މީޓަރުގެ ކުއޭ ވޯލް ބްލޮކެއް އެރަށުގައި އަޅާފަ އެވެ.
ތ. މަޑިފުށީގައި ތޮށި ލާފައި -- ފޮޓޯ/ އެމްޓީސީސީ
މީގެ އިތުރުން 1،010 އަކަމީޓަރުގެ ހާބަރު ޕޭވްމަންޓާއި ދެ ނެރުބައްތިވެސް ހަރުކޮށްފައިވާ ކަމަށް އެމްޓީސީސީން ބުންޏެވެ.
އެމްޓީސީސީން ބުނީ މި މަޝްރޫއުގެ އަގަކީ 52.96 މިލިއަން ރުފިޔާ ކަމަށެވެ.