އިންތިހާބީ އައު ރައީސް އިބްރާހިމް މުހައްމަދު ސޯލިހުގެ ވެރިކަމުގެ 100 ދުވަހުގެ ވައުދުތަކުގައި ހިމެނޭ ދުޅަހެޔޮ ސިއްހަތު ޕްރޮމޯޓް ކުރުމުގެ ގޮތުން ހުސް ބިންތަކުގައި ހެދުމަށް ހަމަޖެހިފައިވާ އައުޓްޑޯ ޖިމްތަކުގެ ތެރެއިން ފުރަތަމަ ޖިމް އިއްޔެ ހުޅުވައިފި އެވެ.
"އަމީނީ ސަންދަރެސް"ގެ ނަމުގައި އިއްޔެ ހުޅުވި މި ޖިމް ހުޅުވީ އަމީނީމަގުގައި ހުންނަ ސަލާހުއްދީން ބިލްޑިންގާ އިންވެގެން އޮންނަ ހުސް ބިމުގަ އެވެ. އެތަނަކީ ކުރިން އަންހެންވެރިން ބަށި ކުޅުމަށް ބޭނުން ކުރަމުން ދިޔަ ތަނެކެވެ.
ސަންދަރެސްގެ މާނަ އަކީ ދުޅަހެޔޮކަމަށް ޓަކައި އެއްވުމެވެ. އިއްޔެ ހުޅުވި އައުޓްޑޯ ޖިމަށް 'އަމީނީ ސަންދަރެސް' ކިޔަނީ އެ ތަން އަމީނީމަގުގައި ހުންނާތީ އެވެ.
Raees @ibusolih ge sarukaaruge furathama 100 dhuvahuge vaudhuthakuge thereygai himeney, aanmu sarahahdhuthakugai kassrathu kureveyne inthizaam ahamajessun, mi vaudhuge dhashun furathama elhigendhiya Out Door Gym ‘Ameenee Sandhares’ Acting Minister Ali Waheed hulhuvaidhehvaifi pic.twitter.com/aTzxak2NJq
— Min. Youth,Sports & Community Empowerment (@MinYouthSports) March 25, 2019
އެ ޖިމު ރަސްމީކޮށް ހުޅުވައިދެއްވަމުން ވަގުތީ ގޮތުން ޔޫތު އެންޑް ސްޕޯޓްސް މިނިސްޓްރީ ހިންގެވުމާ ހަވާލުވެ ހުންނެވި އަލީ ވަހީދު ވިދާޅުވީ އެ ޖިމުގެ އިތުރުން މާލޭގެ ހަތަރު ސަރަހައްދެއްގައި އައުޓްޑޯ ޖިމު ހެދުމުގެ މަސައްކަތް މިހާރު ކުރިއަށްދާ ކަމަށެވެ. އެ ޖިމްތައް ހުންނާނީ ސިނަމާލެ ބްރިޖް ސަރަހައްދުގަ އާއި ވެސްޓް ޕާކް ރެސްޓޯރަންޓު ހިންގި ބިމުގަ އާއި މަޖީދީމަގުން ބޮނޑިބަތް ޕާކުގެ އިތުރުން ސިޓީ ޕާކު ސަރަހައްދުގައި ކަމަށް އަލީ ވަހީދު ވިދާޅުވި އެވެ.
މި ސަރުކާރުގެ 100 ދުވަހުގެ ވައުދުތަކުގެ ތެރެއިން ޔޫތު މިނިސްޓްރީން ފުރިހަމަ ކުރަން ޖެހޭ ކަންކަން ކުރިއަށް އޮތް ދެ ދުވަހުގެ ތެރޭގައި ނިމޭނެ ކަމަށް އަލީ ވަހީދު ވަނީ ވިދާޅުވެފަ އެވެ.
މީގެ އިތުރުން ކުޅިވަރު އެސޯސިއޭޝަން ތަކުން މާފަންނު އިޖްތިމާއީ މަރުކަޒު (ސޯޝަލް ސެންޓަރު)ގައި ބޭއްވޭ ކުޅިވަރު މުބާރާތްތަކުގައި ބޭނުން ކުރާނެ އޮފީސްއެއް އަލީ ވަހީދު ވަނީ އިއްޔެ ހުޅުވައިދެއްވައިފަ އެވެ.
Kulhivaru Association thakun Maafannu Ijthimaai marukazugai baahva kulhivaru mubaarai thakugai beynunkurumah “Indoor kulhivaru office” eh Acting Minister Ali Waheed hulhuvai dhehvaifi pic.twitter.com/kQxPA1iCn6
— Min. Youth,Sports & Community Empowerment (@MinYouthSports) March 25, 2019