ދިވެހި ގައުމުގެ ސުލްހަ މަސަލަސްކަން ގާއުމުކޮށްދެނީ އަޅުގަނޑުމެންގެ މާދަރީ ބަހުން ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
މިއަދު ފާހަގަ ކުރާ މަދަރީ ބަހުގެ މުނާސަބަތުގައި ރައީސް ސޯލިހް ވަނީ ދިވެހި އެންމެހާ ރައްޔިތުންނަށް މަރުހަބާ ވިދާޅުވެފަ އެވެ.
މަދަރީ ބަހުގެ މުނާސަބަތުގައި ރައީސް ސޯލިހް މިއަދު ކުރެއްވި ޓްވީޓެއްގައި ވިދާޅުވީ، މާދަރީ ބަހުގެ މުނާސަބަތުގައި ދިވެހި މާދަރީ ބަހުގެ އަހުލުވެރިންނަށް މަރުހަބާ އާއި ތަހުނިޔާ ދަންނަވާ ކަމަށާއި ދިވެހި ގައުމުގެ ސުލްހަ މަސަލަސް ކަން ގާއިމު ކޮށްދެނީ އަޅުގަނޑުމެންގެ މާދަރީ ބަސް ކަމުގައިވާ ދިވެހި ބަހުން ކަމަށެވެ.
"އަޅުގަނޑުމެން ދިވެހީންގެ ތަރައްޤީއާއި ޞުލްޙަ މަސަލަސްކަމާއި އެއްބައިވަންތަކަން ގާއިމުކޮށްދެނީ އަޅުގަނޑުމެންގެ މާދަރީ ބަސް ދިވެހި ބަހުން،" މަދަރީ ބަހުގެ މުނާސަބަތުގައި ދިވެހި ބަހުން ރައީސް ސޯލިހް ކުރެއްވި ޓްވީޓްގައި ލިޔުއްވާފައިވެ އެވެ.
ބައިނަލްއަޤްވާމީ މާދަރީ ބަހުގެ ދުވަހުގެ މުނާސަބަތުގައި ދިވެހީންގެ މާދަރީބަހުގެ އަހުލުވެރީންނަށް މަރުޙަބާއާއި ތަހުނިޔާ ދަންނަވަމެވެ. އަޅުގަނޑުމެން ދިވެހީންގެ ތަރައްޤީއާއި ޞުލްޙަ މަސަލަސްކަމާއި އެއްބައިވަންތަކަން ޤާއިމުކޮށްދެނީ އަޅުގަނޑުމެންގެ މާދަރީ ބަސް ދިވެހި ބަހުންނެވެ.
— Ibrahim Mohamed Solih (@ibusolih) February 21, 2019
ބައިނަލްއަގުވާމީ މާދަރި ބަހުގެ ދުވަހަކީ ކޮންމެ އަހަރެއްގެ ވެސް ފެބުރުއަރީ 21 ވަނަ ދުވަހެވެ.