މޯލްޑިވްސް ކަސްޓަމްސް ސާވިސްގެ ބެލުމުގެ ދަށުގައި ހުރި ރާއްޖެ އަށް ގަވައިދާ ހިލާފަށް އެތެރެކޮށްފައިވާ ގިނަ އަދަދެއްގެ ތަކެތި ނައްތާލައިފި އެވެ.
މިއަދު ތިލަފުށީ ކުނި ނައްތާލާ ސަރަހައްދުގައި ނައްތާލި ތަކެތީގެ ތެރޭގައި ކަސްޓަމްސްގެ ބެލުމުގެ ދަށުގައި ހުރި ބަނގުރަލާއި އޫރު މަސް އަދި ސިނގިރޭޓު ހިމެނެއެވެ.
ކަސްޓަމްސް އިން މިއަދު ނައްތާލި ތަކެތީގެ ތަފްސީލު:
ސިގިރޭޓު - 15000
ބަނގުރާ ފުޅި - 120
ބަނގުރާ ހިމެނޭ ތަކެތި - 160
ނަން ނުޖަހާ ހުރި ތަކެތި - 336
އިސްލާމް ދީނާ ފުށުއަރާ ތަކެތި - 50
ކެއުމުގެ ބާވަތްތައް - 117
މަސްތުވާތަކެތި އިސްތިހާރު ކުރާ ތަކެތި - 32
އޫރު މަސް ހިމެނޭ ތަކެތި - 140
ގާނޫނުގެ ދަށުން ރާއްޖެއަށް އެތެރެ ކުރުން މަނާ ތަކެތި - 819
ކަސްޓަމްސް އިން ބުނީ، މި ތަކެތި ނައްތާލެވިފައި ވަނީ، ކަސްޓަމްސްގެ އާންމު ގަވައިދުގެ ދަށުން ރާއްޖެއަށް އެތެރެ ކުރަން އުޅެނިކޮށް ހިފެހެޓޭ މަނާތަކެތި ނައްތާލުމުގައި އަމަލު ކުރަން ޖެހޭ އުސޫލުގެ ދަށުން ކަމަށެވެ.