ރާއްޖޭގައި އިންޓަނެޓުގެ ހިދުމަތް ފޯރުކޮށްދޭ ރާއްޖެ އޮންލައިން (އާރްއޯއެލް) އިންޓަނެޓުގެ ހިދުމަތަށް ދިމާވެފައިވާ މައްސަލަ ހައްލުކޮށް، މިއަދުގެ ވަގުތެއްގައި އެ ޚިދުމަތް އަލުން ފޯރުކޮށްދެވޭނެ ކަމަށް އެ ކުންފުނިން ބުނެފިއެވެ.
އާރްއޯއެލްއިން ބުނީ ކަނޑުގެ އަޑިން އަޅާފައިވާ ސަބްމެރިން ކޭބަލް ބުރިވެ ހިދުމަތަށް ބުރޫ އެރި ނަމަވެސް މަސައްކަތް ކުރަނީ މިއަދު ކަސްޓަމަރުންނަށް އިންޓަނެޓްގެ ހިދުމަތް ދެވޭތޯ ކަމަށެވެ.
"ކޭބަލް ހެދުމުގެ މަސައްކަތް އަދި ނުނިމޭ. އެކަމަކު ވަރަށް ބާރު ސްޕީޑުގައި ކުރިއަށް އެބަދޭ. ކަސްޓަމަރުންނަށް މިއަދުގެ ވަގުތެއްގައި ހިދުމަތް ލިބިގެންދާނެ. ވަކި ގަޑިއެއް ނޭނގޭ. އެކަމުގެ ހިދުމަތް ދެވޭނެ ކަމުގެ ވަރަށް ބޮޑު އުންމީދެއް އެބޮތް،" އާރްއޯއެލް އިން ބުންޏެވެ.
މައްސަލަ ހައްލު ކުރުމަށް 72 ގަޑިއިރު ވަރު ނަގާނެ ކަމަށް އާރްއޯއެލް ކުރިން ވަނީ ބުނެފައެވެ.