މިދިޔަ ހުކުރު ދުވަހު ކ. ހުރާގައި ހަތަރު ދަރިވަރަކާއި ހިރިޔާ ސްކޫލްގެ ޕްރިންސިޕަލް ގެނބިގެން ނިޔާވި ހިތާމަވެރި ހާދިސާގައި ސިފައިންނާއި ފުލުހުން އަމަލުކޮށްފައި ވަނީ އެންމެ ރަނގަޅަށް ނޫން ކަމަށް ތުހުމަތުކޮށް، އެ ދެ މުއައްސަސާ އިން އެ ހާދިސާގައި އަމަލުކޮށްފައިވާ ގޮތް ބެލުމަށް، ސަލާމަތީ ބާރުތަކާ ބެހޭ ކޮމެޓީ ]241 ކޮމެޓީ[ގެ ޖަލްސާއެއް ބާއްވައި ދިނުމަށް އެދި ރައްޔިތުންގެ މަޖިލީހުގެ ތިން މެމްބަރަކު ސޮއިކުރައްވައި އަމީން އާންމަށް އިއްޔެ ސިޓީއެއް ފޮނުއްވައިފި އެވެ.
ރައްޔިތުންގެ މަޖިލީހުގެ ވިލުފުށީގެ ދާއިރާގެ މެމްބަރު ރިޔާޒު ރަޝީދާއި ގެމަނަ ފުށީ ދާއިރާގެ މެމްބަރު އިލްހާމް އަހުމަދު އަދި ގުރައިދޫ ދާއިރާގެ މެމްބަރު އިބުރާހިމް ރިޒާ ސޮއިކުރައްވައި މަޖިލީހަށް އިއްޔެ ފޮނުވާފައިވާ ސިޓީގައި ވަނީ އެ ހާދިސާގައި ސަލާމަތީ ބާރުތަކުން އަމަލުކޮށްފައި ވަނީ އެންމެ ފުރިހަމައަށް ނޫން ކަން ހުރާ ރައްޔިތުންގެ ފަރާތުންނާއި މީޑިޔާތަކުން ފަތުރާފައިވާ ކަމަށެވެ.
އެހެންވެ އެ މައްސަލައިގާ ސަލާމަތީ ބާރުތަކުން އެހާ ދޯދިޔާ ގޮތަކަށް އަމަލުކޮށްފައިވާ ކަމަށް ތުހުމަތުކޮށް، މަޖިލީހުގެ ގަވައިދުގެ ދަށުން 241 ކޮމެޓީގެ ބައްދަލުވުމެއް ބާއްވައި ދެއްވުން އެދޭ ކަމަށް އެސިޓީގައިވެ އެވެ.
ހުރާ ހާދިސާއާ ގުޅިގެން ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގެ ޖަލްސާއެއް ބާއްވައި ދިނުމަށް އެދި ވެސް ރައްޔިތުންގެ މަޖިލީހުގެ ތިން މެމްބަރަކު ވަނީ މަޖިލީހުގެ އަމީން އާއްމަށް ސިޓީފުޅެއް ފޮނުއްވާފަ އެވެ. އެ ސިޓީގައި ސޮއިކުރައްވާފައި ވަނީ ވިލުފުށީ ދާއިރާގެ މެމްބަރު ރިޔާޒް ރަޝީދާއި ކިނބިދޫ ދާއިރާގެ މެމްބަރުޔ މޫސާ ރަމީޒާއި ވައިކަރަދޫ ދާއިރާގެ މެމްބަރު އަލީ އާރިފެވެ.
date_range
ބުދަ 16 އޮކްޓޯބަރ 2024