ހއ. އަތޮޅު ހޮސްޕިޓަލުން ހިދުމަތް ހޯދާ ރައްޔިތުންނަށް މުޅިން އަލަށް ތިން ހިދުމަތެއް ދޭން ފަށައިފި އެވެ.
އެ ހޮސްޕިޓަލަށް 50 އަހަރުވުން ފާހަގަ ކުރުމަށް މިހާރު ކުރިއަށްގެންދާ ހަރަކާތްތަކުގެ ތެރެއިން އައު ތިން ހިދުމަތް އިފްތިތާހު ކޮށްދެއްވީ ހެލްތު މިިނިސްޓަރު އަބްދުﷲ ނާޒިމް އިބްރާހީމެވެ.
އިއްޔެ ބޭއްވި ރަސްމިއްޔާތުގައި އަލަށް ފަށާފައި ވަނީ ދަތާއި ތައިރޮއިޑްގެ ފަރުވާ އަދި ޑިޖިޓަލް އެކްސްރޭގެ ހިދުމަތެވެ. ތިން ހިދުމަތް ވެސް ފަށާފައި ވަނީ އެންމެ ފަހުގެ ޒަމާނީ ވަސީލަތްތަކާ އެކު އެވެ.
Minister of Health inaugurated new services at Ha Alif Atoll hospital, new services include Dental, Digital X-ray Services & Thyroid testing @ANazim2019 pic.twitter.com/tCbAWZZLWT
— Min of Health_mv (@MoH_mv) April 29, 2018
އުތުރުގެ އެންމެ ޒަމާންވީ ހޮސްޕިޓަލަށް 50 އަހަރު ފުރިގެންދިޔަ އިރު އެ ހޮސްޕިޓަލަށް އިއްޔެ ހަމަޖެއްސި ހިދުމަތްތަކަކީ މީގެ ކުރިން ހދ. ކުޅުދުއްފުށީ ރީޖަނަލް ހޮސްޕިޓަލަށް ގޮސްގެން ނޫނީ ކުރިން ނުލިބޭ ހިދުމަތްތެކެވެ.
ހއ. އަތޮޅު ހޮސްޕިޓަލަށް 50 އަހަރު ފުރުން ފާހަގަ ކުރުމަށް ގިނަ ހަރަކާތްތަކެއް އަންނަނީ ކުރިއަށް ގެންދަމުންނެވެ.