ގައުމީ ޔުނިވާސިޓީގެ ފެކަލްޓީ އޮފް އިންޖީނިއަރިން ސައިންސް އެންޑް ޓެކްނޮލޮޖީ އިމާރާތުގެ ބައެއް ވެއްޓުމާ ގުޅިގެން އެ އިމާރާތް ހުސް ކުރަން ނިންމައިފި އެވެ.
ހައުސިން މިނިސްޓަރު ޑރ. މުހައްމަދު މުއިއްޒު ރޭ ކުރެއްވި ޓްވީޓެއްގައި ވިދާޅުވީ އެ ފަކަލްޓީ ހުންނަ ސަލާހުއްދީން އިމާރާތް ރައްކާތެރި ނޫން ކަމަށާއި އެހެންވެ އެ އިމާރާތް ހުސްކުރަން މިއަދު ރަސްމީކޮށް އަންގަވާނެ ކަމަށެވެ.
We have done a visual inspection today of 'Salaahuddeen Bldg" and found it to be structurally unsafe to use. An official notice to vacate the bldg with immediate effect will be served tomorrow (21st March)
— Dr.Mohamed Muizzu (@MMuizzu) March 20, 2018
އެ ފެކަލްޓީގެ އިމާރާތުގެ ޝީޓުން ބައެއް ވެއްޓުނީ މަރާމާތުގެ މަސައްކަތެއް ކުރަނިކޮށެވެ. ނަމަވެސް މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
އެމްއެންޔޫގެ ވައިސް ޗާންސެލަރު ޑރ. އަލީ ފަވާޒު ޝަރީފާއި ޕިއުޓީ ވައިސް ޗާންސެލަރު އާއިޝަތު ޝާހީން ވަނީ އިއްޔެ އިންޖިނިއަރިން ފެކަލްޓީގައި ކިޔަވާ ކުދިންނާއި ބައްދަލުކޮށް އެ ފެކަލްޓީ އިމާރާތް މަރާމާތު ކުރުމާ ގުޅޭގޮތުން ވާހަކަދައްކަވާފައެވެ.