ވިހި އަހަރުން ދަށުގެ އެފްއޭ ކަޕް:
ފައިނަލުގެ ފުރަތަމަ ޖާގަ މާޒިޔާއަށް

ފަހަތުންއަރައި 2-1 ލަނޑުން ވިކްޓަރީގެ މައްޗަށް ކާމިޔާބު ހޯދައިގެން 20 އަހަރުން ދަށުގެ ސެމީ ފައިނަލުގެ ފުރަތަމަ ޖާގަ މާޒިޔާ ކަށަވަރުކޮށްފި އެވެ.

ރޭ ވިކްޓަރީއާއި މާޒިޔާ ބައްދަލުކުރި ސެމީ ފައިނަލުގެ ފުރަތަމަ ހާފުގައި ވިކްޓަރީން ވަނީ ލަނޑު ޖަހާފައެވެ. މެޗްގެ 22 ވަނަ މިނެޓްގައި ލިބުނު ޕެނަލްޓީއެއް މާޒިޔާގެ ގޯލުގެ ތެރެއަށް ވިކްޓަރީން ބޯޅަ ވައްދާލީ ޔޫސުފް ޝުއާއު އެވެ. ނަމަވެސް އޭގެ ތިން މިނެޓް ފަހުން މާޒިޔާގެ މުހައްމަދު ތަސްމީން ލަނޑެއްޖަހާ ނަތީޖާ ހަމަހަމަ ކުރިއެވެ.

ފުރަތަމަ ހާފުގެ ކުޅުން 1-1 ލަނޑުން ނިމިފައިވީއިރު ދެވަނަ ހާފުގައި މާޒިޔާގެ ފަރާތުން ފެނިގެންދިޔައީ އާދަޔާ ހިލާފު މޮޅު ކުޅުމެކެވެ. ނަތީޖާއެއްގެ ގޮތުން ދެވަނަ ހާފު ފަށައިގެން ހަތަރު ވަނަ މިނެޓްގައި އަލީ ޝާމިން މާޒިޔާއަށް ލަނޑު ޖަހައިދީ ލީޑް ހޯދައިދިނެވެ. މީގެ އިތުރުންވެސް ލަނޑުޖަހާނެ ގިނަ ފުރުސަތުތަކެއް މާޒިޔާއަށް ލިބުނެވެ.

މާޒިޔާ އަތުން ބަލިވިނަމަވެސް ފައިނަލަށް ދިއުމުގެ ފުރުސަތު އަދިވެސް ވިކްޓަރީއަށް އެބައޮތެވެ.
އެހެންނަމަވެސް މިރޭ 10:00 ނިއުއާ ވެލެންސިޔާއާ ބައްދަލުކުރާ ސެމީފައިނަލުގެ ދެ ވަނަ މެޗަށް ވިކްޓަރީ އިންތިޒާރު ކުރަންޖެހޭނެ އެވެ.

ވިކްޓަރީ ދެން ބައްދަލުކުރަން ޖެހޭނީ ސެމީ ފައިނަލުގެ ތިންވަނަ މެޗުގައި މިރޭގެ މެޗުން މޮޅުވާ ޓީމަކާއެވެ.