ޅ. ނައިފަރުގެ ދޯންޏަކުން މާވަހަރެއް ކަމަށް ބެލެވޭ އެއްޗެއް ހޮވައިފި އެވެ.
މާވަހަރު ފެނިފައި ވަނީ ނައިފަރަށް ނިސްބަތްވާ 'ފްރެޝް 4' ދޯންޏަށެވެ. އެ ދޯނީގެ ފަޅުވެރިއަކު މިއަދު ސަން އަށް ބުނީ މާވަހަރެއް ކަމަށް ބެލެވޭ އެއްޗެއް ހޮވި ކަމަށާއި ބޮޑަށް ބެލެވެނީ އެއީ ހުދަންބަރެއް ކަމަށެވެ.
އިތުރު ޓެސްޓްތަކެއް ހެދުމަށް މިއަދު "ހުދަންބަރު" ލަންކާ އަށް ފޮނުވާނެ ކަމަށާއި މާވަހަރު ކިރި އިރު އޭގައި ހަތް ކިލޯ ހުރި ކަމަށް ފަޅުވެރިޔާ ބުންޏެވެ.
"މާވަހަރު" ވިއްކާލާނެ އަގު އަދި ކަނޑައަޅާފައި ނުވާ ކަމަށާއި "ހުދަންބަރު"ގެ އިތުރު ތަހްލީލްތަކެއް ހެދުމަށް ފަހު ވިއްކާލާނެ އަގު ކަނޑައަޅާނެ ކަމަށް ވެސް އޭނާ ބުންޏެވެ.
ކ. ގުޅީ ކަންނެލި މަސްވެރިކަން ކުރާ "ލަޝްކަރު" ދޯނިން ވެސް މިދިޔަ ހަފުތާގައި ވަނީ މާވަހަރެއް ކަމަށް ބެލެވޭ އެއްޗެއް ހޮވައިފަ އެވެ.