އޭޝިއަން ސެންޓްރަލް ޒޯން ވޮލީބޯޅަ މުބާރާތުގެ ފެށުމުގެ ރަސްމިއްޔާތާއި ފުރަތަމަ މެޗުގައި ދިވެހިރާއްޖެއާއި ކިރްގިސްތާން ބައްދަލުކުރާ މެޗުގެ ލައިވް ކަވަރޭޖަށް ސަންގެ ކިޔުންތެރީންނަށް މަރުހަބާ!
- މިއަދު ހަވީރު ފެށޭ މުބާރާތުގެ ފުރަތަމަ މެޗުގައި 16:00ގައި ވާދަކުރާނީ ރާއްޖެއާއި ކިރްގިސްތާން.
- ރާއްޖެއާއި ކިރްގިސްތާނުގެ އިތުރުން ދެން މިމުބާރާތުގައި ވާދަކުރަނީ ތުރުކުމެނިސްތާނާއި ނޭޕާލް.
- ރާއްޖެއިން ވަނީ މިދިޔަ އަހަރުގެ މުބާރާތުގައި ލޯ މެޑައްޔެއް ހޯދައި، 2015 ވަނަ އަހަރުގެ މުބާރާތުގައި ރިހި މެޑައްޔެއް ހޯދާފައި.
- މިމުބާރާތުގެ ފައިނަލަށް އެއްކޮޅުން ދަތުރުކުރާނީ އެންމެ ގިނަ ޕޮއިންޓް ހޯދާ ޓީމު. އަނެއް ކޮޅުން ފައިނަލުގައި ވާދަކުރާނެ ޓީމެއް ކަށަވަރުވާނީ ދެވަނައަށް އެންމެ ގިނަ ޕޮއިންޓް ހޯދާ ޓީމާއި ތިންވަނައަށް އެންމެ ގިނަ ޕޮއިންޓް ހޯދާ ޓީމު ކުޅޭ މެޗުން މޮޅުވާ ޓީމު. ފައިނަލު އޮންނާނީ މާޗް މަހުގެ 29 ވަނަ ދުވަހު.