ޝެއިޚް ކަމާލް އިންޓަނޭޝަނަލް ކްލަބު ކަޕްގެ ފައިނަލުގައި ރާއްޖޭގެ ޓީސީ ސްޕޯޓްސް ކްލަބާއި ދެކުނު ކޮރެއާގެ ޕޮޗިއޮން އެފްސީ ބައްދަލުކުރާ މެޗުގެ ލައިވް ކަވަރޭޖަށް ސަންގެ ކިޔުންތެރީންނަށް މަރުހަބާ!
ބަނގަލްދޭޝްގައި ކުރިއަށްދާ އެ މުބާރާތުގެ ފައިނަލް މެޗަށް މިއަދު ހަވީރު ދެ ޓީމު ނުކުންނައިރު:
- ދެޓީމު ވަނީ އެ މުބާރާތުގެ ގްރޫޕް ސްޓޭޖުގައި ބައްދަލުކޮށްފައި. އެ މެޗު ނިމިގެންދިޔައީ 1-1 ލަނޑުން އެއްވަރުވެގެން.
- މުބާރާތުގައި މިހާތަނަށް ޓީސީ އަދި ޕޮޗިއޮން ކުޅުނު އެއްވެސް މެޗަކުން ބަލިވެފައެއް ނުވޭ.
- ގްރޫޕް ސްޓޭޖުގައި ޓީސީ ކުޅުނު ތިން މެޗުގެ ތެރެއިން ދެ މެޗުން މޮޅުވިއިރު، އެއް މެޗުން ވަނީ އެއްވަރުވެފައި.
- ގްރޫޕް ސްޓޭޖުގައި ޕޮޗިއޮން ކުޅުނު ތިން މެޗުގެ ތެރެއިން އެއް މެޗުން މޮޅުވިއިރު، ދެ މެޗުން ވަނީ އެއްވަރުވެފައި.
- ޓީސީ އަކީ މުބާރާތުގެ ގްރޫޕް ސްޓޭޖްގައި އެންމެ ގިނަ ޕޮއިންޓް ހޯދި ޓީމު.
- ފައިނަލުން ޓީސީއަށް ޖާގަ ލިބުނީ ސެމީގެ ފުރަތަމަ މެޗުގައި ނޭޕާލްގެ މަނަންގް މަޝިޔަންގުޑީއާ (އެމްއެމްސީ) އަތުން މޮޅުވެގެން.
- ޕޮޗިއޮންއިން ފައިނަލުގެ ޖާގައެއް ހޯދީ ސެމީގެ ދެވަނަ މެޗުގައި ބަނގްލަދޭޝްގެ ޗިޓަގޮންގް އަބަހާނީ އަތުން މޮޅުވެގެން.
- ޓީސީއަކީ ރާއްޖޭގައި މިދިޔަ އަހަރު ކުޅުނު ހުރިހާ މުބާރާތެއް ރަނަރަޕްކަން ހޯދި ޓީމު. އަދި ޕޮޗިއޮންއަކީ މިދިޔަ އަހަރުގެ ދެކުނު ކޮރެއާގެ ހަތަރުވަނަ ޑިވިޝަންގެ ޗެމްޕިއަން.
- ޓީސީ ވަނީ ފައިނަލުން ޖާގަ ހޯދައި، ބައިނަލްއަގުވާމީ މުބާރާތެއްގެ ފައިނަލަށް ދަތުރުކުރި ރާއްޖޭގެ ފުރަތަމަ ޓީމުގެ ޝަރަފު ހޯދާފައި. މިއީ ޓީސީ ވާދަކުރާ ބައިނަލްއަގުވާމީ ފުރަތަމަ މުބާރާތް.