އޭއެފްސީ ކަޕުގެ ގްރޫޕް އެފްގައި ރާއްޖޭގެ ނިއު ރޭޑިއަންޓް ސްޕޯޓްސް ކްލަބާއި ފިލިޕީންސްގެ ކާޔާ އެފްސީ ބައްދަލުކުރާ މެޗުގެ ލައިވް ކަވަރޭޖަށް މަރުހަބާ.
ގައުމީ ފުޓްބޯޅަ ދަނޑުގައި މިއަދު ހަވީރު 5:00 ގައި ކުޅޭ ގްރޫޕް އެފްގެ ފަހު މެޗަށް ނިއު އާއި ކާޔާ ނުކުންނަ އިރު:
- ގްރޫޕު އެފްގެ ދެ ވަނައިގައި ކާޔާ އެފްސީ އޮތްއިރު، ނިއު ރޭޑިއަންޓް އޮތީ ގްރޫޕުގެ އެންމެ ފުލުގައި. ނިއުއަކީ މުބާރާތާ އަލްވަދާއު ކިޔާފައިވާ ޓީމެއް. ކާޔާއަށް ކުޅުނު ކުޅުނު ފަސް މެޗުން ނުވަ ޕޮއިންޓް ލިބިފައިވާ އިރު، ނިއުއަށް ފަސް މެޗުން ލިބިފައިވަނީ ދެ ޕޮއިންޓް.
- ގްރޫޕް އެފްގެ އެއްވަނައިގައި އޮތް ހޮންކޮންގެ ކިޗީއަށް ކުޅުނު ފަސް މެޗުން ދިހަ ޕޮއިންޓް ލިބިފައިވާއިރު، ގްރޫޕްގެ ތިން ވަނައިގައި އޮތް ސިންގަޕޫރުގެ ބަލެސްޓިއާ ޚަލްސާއަށް ލިބިފައިވަނީ ހަތް ޕޮއިންޓް. ގްރޫޕުގައި ނިއު ފިޔަވާ ކޮންމެ ޓީމަކަށް ވެސް ދެވަނަ ބުރަށް ދިއުމުގެ ފުރުސަތު އެބައޮތް.
- ރަށުން ބޭރުގައި ކާޔާ އެފްސީއާ ދެކޮޅަށް ނިއު ރޭޑިއަންޓް ކުޅުނު މެޗުން ބަލިވެފައިވަނީ 1-0 ލަނޑުން. އެ މެޗުގައި ކާޔާ އެފްސީގެ ލަނޑު ފެނިގެންދިޔައީ ދެވަނަ ހާފުގެ އިތުރު ވަގުތުގެ ތެރޭގައި.
