ދިވެހި ލީގު 2014: ނިއު 7-0 އޭވައިއެލް

މެޗު ނިމިއްޖެ. ނިއު 7-0 އޭވައިއެލް.

އޭވައިއެލްގެ ޕެނަލްޓީ އޭރިޔާ ބޭރުން ލިލީ ފޮނުވާލި ބާރު ހަމަލާއެއް ގޯލްގެ ތެރެއަށް ވަނީ.

ނިއުގެ 7 ވަނަ ލަނޑު.

ނިއުއިން ބަދަލެއް. ޑޭވިޑް ގެ ބަދަލުގައި ކުޅެން އަރަނީ އަހްމަދު ހަސަން.

މެޗުގެ ފުރިހަމަ ވަގުތު ކުޅުން ނިމިއްޖެ. އިތުރު ވަގުތުގެ ގޮތުގައި 3 މިނިޓް.

އޭވައިއެލްގެ ޕެނަލްޓީ އޭރިޔާ ބޭރުން ނިއުގެ ނިޔާ ފޮނުވާލި ހަމަލާ ކީޕަރު ޔަމާން އަތަށް.

އޭވައިއެލްއިން އަނެއްކާ ވެސް ހަމަލާއެއް.

އޭވައިއެލް ކުޅުންތެރިއަކު ނިއުގެ ޕެނަލްޓީ އޭރިޔާ ބޭރުން ގޯލަށް ފޮނުވާލި ބާރު ހަމަލާ ކީޕަރު ދިފާއުކޮށް ބޭރަށް ފޮނުވާލި ވަގުތު ލިބުނީ އޭރިޔާ ތެރޭގައި ހުރި ޝަހީމް އަށް އެހެން ނަމަވެސް އޭނާއަށް ބޯޅަ ގޯލަށް އަމާުކޮށްލެވޭ ގޮތެއް ނުވި.

އޭވައިއެލްއަށް މުޅި މެޗުގައި ވެސް ލިބުނު އެންމެ ރަނގަޅު ފުރުސަތު ބޭކާރުކޮށްލީ.

ނިއު ގެ ހަވަނަ ލަނޑު ކާމިޔާބުކޮށް ދިނީ އެޓީށް ލިބުނު ޕެނަލްޓީއަކުން އުމޭރު.

ނިއުއަށް ޕެނަލްޓީއެއް. އުމޭރަށް މޫސަ ކުރި ފައުލާ ގުޅިގެން މޫސައަށް މިވަނީ ރީނދޫ ކާޑެއް ވެސްދައްކާފައި.

ނިއު އިން ވެސް ބަދަލެއް. އޮއްޕޮގެ ބަދަލުގައި ހަމްޒާ މުހައްމަދު ކުޅެން އެރީ.

އޭވައިއެލް އިން ބަދަލެއް. އަހްމަދު ސިފާއުގެ ބަދަލުގައި ކުޅެން ނުކުތީ އަބްދުﷲ މިސްބާހު.

ނިއުގެ ފަސް ވަނަ ލަނޑު އެޓީމަށް ޖަހައި ދިނީ، އޮސްޓްރޭ ލިޔާ ކުޅުންތެރިޔާ، ޑޭން މިލޮވަނޮވިޗް.

ނިއުއިން ލަނޑެއް ޖަހައިފި.

ޑޭވިޑް ވަރަށް ރީތިކޮށް އޭވައިއެލް ޕެނަލްޓީ އޭރިޔާ ތެރެއަށް ވަދެ ގޯލް ކުރިމައްޗަށް ހުރަސްކޮލި ބޯޅަ، ގޯލާ ދިމާއަށް ފޮނުވާލީ ބޮންޑާ. ހުރަސް ދަނޑި މަތިން ބޭރަށް.

އޭވައިއެލްއަށް ކޯނަރެއް.

ސެންޓޭ ނަގައިދިން ކޯނަރު، އޭވައިއެލްގެ ޕެނަލްޓީ އޭރިޔާތެރޭގައި ތިބި ނިއުގެ އެއްވެސް ކުޅުންތެރިއަކަށް ނުލިބުނު.

ނިއުއަށް އަނެއްކާ ވެސް ކޯނަރެއް.

ލިލީ، އޭވައިއެލްގެ ޕެނަލްޓީ އޭރިޔާ އަރިމަތިން އޭރިޔާ ތެރެއަށް ނަގައިދިން ރީތި ހުރަހެއް، އޮއްޕޮ ބޮލުން ޖަހައި ފޮނުވާލިނަމަވެސް ގޯލްގެ ހުރަސް ދަނޑީގެ މަތިން ބޭރަށް.

އާންމުކޮށް ނިއު ކުޅޭ މެޗުތަކާ އަޅާބަލާއިރު، މެޗު ބަލަން ލަނޑަށް ވަދެ ތިބީ ވަރަށް މަދު ބައެއް.

ނިއުއަށް ކޯނަރެއް.

އޭވައިއެލް އިން ބަދަލެއް. ހުސެެއިން އަހްސަންގެ ބަދަލުގައި ކުޅެން އެރީ ޝަހީމް އަބްދުލް ގާދިރު.

އޭވައިއެލް ޕެނަލްޓީ އޭރިޔާގެ ތެރޭގައި ހުރި އުމޭރަށް ޕާހެއް ދެވޭތޯ ސެންޓޭ މަސައްކަތް ކުރީ، އެހެން ނަމަވެސް ބޯޅަ އުމޭރަށް ލިބޭގޮތެއް ނުވި.

ސެންޓޭ ބޭކާރު ކޮށްލި ރަނގަޅު ފުރުސަތެއް.

ކީޕަރު ޔަމާނު ވަރަށް ރަނގަޅު ދެ ސޭވް ކައިރިކައިރީގައި މިހެދީ. ފުރަތަމަ ސެންޓޭ އޭވައިއެލް ޕެނަލްޓީ އޭރިޔާ ތެރެއަށް ބޯޅަ ހިފައިގެން ވަދެ ގޯލަށް ފޮނުވާލި ބާރު ހަމަލާ އޭނާ ދިފާއު ކުރީ އަނެއްކާވެސް ބޭރަށް ނުކުތް ބޯޅަ އޮއްޕޮ ގޯލަށް ފޮނުވާލީ.

އުމޭރު އޭވައިއެލް ގޯލާ ދިމާއަށް މަތިން ފޮނުވާލި ހިލޭ ޖެހުން ކީޕަރުގެ އަތުގައި ޖެހިފައި ނުކުތްވަގުތު އެޓީމުގެ ކުޅުންތެރިން ބޯޅަ ކުރިއަށް ފޮނުވާލައިފި.

އޭވައިއެލް ޕެނަލްޓީ އޭރިޔާގެ އަރިމަތިން ނިއުއަށް ހިލޭ ޖެހުމެއް.

ނިއުއިން ދެވަނަ ހާފް ފެށިތާ ކުޑައިރު ކޮޅެއްގެ ތެރޭގައި މިވަނީ ލަނޑު ޖަހާފައި. ނިއުގެ 4 ވަނަ ލަނޑު ޖަހައި ދިނީ ސެންޓޭ.

ފުރަތަމަ ހާފު ކުޅުން ނިމިއްޖެ. ނަތީޖާއަކީ ނިއު 3، އޭވައިއެލްއަށް ލަނޑެއް ނުޖެހޭ.

ފުރަތަމަ ހާފުގެ އިތުރު ވަގުތުގެ 2 މިނިޓް.

އޭވައިއެލްގެ ޕެނަލްޓީ އޭރިޔާ ބޭރުން ޑޭވިޑް ފޮނުވާލި ބާރު ހަމަލާ ގޯލްގެ ތެރެއަށް ވަދެގެން ދިޔައީ ކީޕަރު ޔަމާނަށް ބޯޅަ ސަލާމަތްކުރަން ކުޑަވެސް ފުރުސަތެއް ނުލިބި.

ނިއު އިން އަނެއްކާވެސް ލަނޑެއް ޖަހައިފި.

ނިއުގެ އަލީ ފާސިރު (ސެންޓޭ)އަށް އޭވައިއެލްގެ ޕެނަލްޓީ އޭރިޔާ ތެރެއިން ލިބުނު ބޯޅައެއް ގޯލަށް އަމާޒުކޮށް ފޮނުވާލި ނަމަވެސް ގޯލްގެ އަރިމަތީ ދަނޑީގައި ޖެހިފައި ބޯޅަ ލިބުނީ ކީޕަރު ޔަމާމަށް.

މެޗުގެ 23 މިނިޓްގެ ކުޅުން ނިމުނު އިރު ނިއުއިން މިވަނީ 2 ލަނޑު ޖަހާފައި. އަދި އެޓީމުން ދަނީ މިހާރުވެސް އޭވައިއެލް ކޮޅަށް ނުރައްކާ ކުރަމުން.

ދެވަނަ ލަނޑު 11 ވަނަ މިނިޓްގައި ޖަހައި ދިނީ، ޑޭވިޑް ތަނަވަސް ކޮށްދިން ފުރުސަތަކުން އުމޭރު.

ނިއުގެ ދެވަނަ ލަނޑު.

ނިއުއަށް ލަނޑު ޖަހައިދިނީ އެޓީމުގެ ބިދޭސީ ފޯވާޑް ޑޭވިޑް.

ނިއު އިން ލަނޑު ޖަހައިފި.

އޭވައިއެލްގެ ފުރަތަމަ 11: ހަސަން ޞަލާހު އަހްމަދު ޖިނާހް އަބްދުﷲ ޒުބައިރު މުހައްމަދު ޔަމާން އަލީ ނިޔާޒު މުހައްމަދު އާމިރު ހުސައިން އަހްސަން އަހްމަދު ޒުބައިރު އަހްމަދު ސިފާއު މޫސާ ހަސަން އަދީލް އަބްދުއްރަހްމާން

ނިއުގެ ފުރަތަމަ 11: މުހައްމަދު ޝިފާން (ކުޑައްޓޭ) އަހްމަދު އަބްދުﷲ (ލިލީ) އިބްރާހީމް ފަޒީލް (އޮއްޕޮ) ޑޭން މިލޮވަނޮވިޗް ޝަމްވީލް ޤާސިމް (ބޮންޑާ) މުހައްމަދު އުމެއިރު އަލީ ފާސިރު އަކްރަމް އަބްދުލްޣަނީ އެސްކޮބެޑޯ ކަރްމޮނާ މެނުއަލް ޑޭވިޑް މުހައްމަދު ރަޝީދު އިމްރާން މުހައްމަދު

ނިއުގެ ކުޅުންތެރިން ނޫ ޖާޒީގައި އޭވައިއެލްގެ ކުޅުންތެރިން ހުދު ޖާޒީގައި.

މެޗު ފަށައިފި.