Last Updated: 1 decade 4 year ago

އެމްޑީޕީގެ މުޒާހަރާގެ ދެވަނަަ ދުވަސް ފަށައިފި

ބުލޮގު ޚުލާސާ

ސުނާމީ ބިނާ ސަރަހައްދުގައި އެމްޑީޕީ އިން މިއަދު ބާއްވާ މުޒާހަރާ ފަށައިފި އެވެ. މުޒާހަރާ ފެށުމުގެ ގޮތުން ވާހަކަ ދައްކަވަނީ އިބްރާހީމް ރަޝީދު ]ހޯރަ އިއްބެ[ އެވެ.

މައިޒާން އަލިބެ

މުޒާހަރާ ދެވަނަ ދުވަހަކަށް ދިގު ދެމިގެން ދިއުމަށްފަހު މިހާރު ވަހަކަފުޅު ދައްކަވަނީ މާލޭ ސިޓީގެ މޭޔަރު މައިޒާން އަލިމަނިކު (މައިޒާން އަލިބެ). އޭނާ ވިދާޅުވަނީ އޭނާއަކީ އެމްޑީޕީގެ މީހުންގެ ބައްޕަ ކަމަށް. މުޒާހަރާ ކުރަން ނުކުމެފައި ވަނީ އޭނަގެ ދަރިން ކަމަށް.

ސާބަހޭ އަޅުގަނޑުގެ ދަރިންނޭ، ތީ އަޅުގަނޑުގެ ދަރިންނަކީ، ތިއީ އަޅުގަނޑު ބޭނުންވާ ގޮތަކަށް، ފަސް ދުވަސް ވިޔަސް މިތާ ތިބެގެން އަޅުގަނޑު މި އިން ތިހާބު ބައްވާނަން

08:48

މުޒާހަރާގައި ހެނދުނުއްސުރެ ވާހަކަ ދައްކަވަމުން ދަނީ މަޖިލިސް މެންބަރު މާރިޔާ އަހުމަދު ދީދީ. އެ ސަރަހައްދުގައި ނަޝީދު ވެސް އެބަހުންނެވި.

08:43

އިންސާފުގެ ދަތުރުގެ ނަމުގައި އެމްޑީޕީން އިއްޔެ މާލޭގެ ލޮނު ޒިޔާރަތްކޮޅުގައި އެތައް ހާސް ބަޔަކާއެކު ފެށި ބޮޑު މުޒާހަރާ ފުރަތަމަ ރޭ އަވަސް އިންތިހާބަހަށް ގޮވާލުމުގެ އަޑުތަކަށް ފަހު މުޒާހަރާގެ ދެވަަނަ ދުވަހެއް ވަނީ ފަށައިފަ އެވެ. މިއަދު ހެނދުނު ހެނދުނާ މުޒާހަރާގެ ބައިވެރިން ވަނީ އަނެއްކާވެސް ޖަމާވެ އެ ސަރަހައްދުގައި ތިބި މީހުންނާ ގުޅިފަ އެވެ. އޭގެ ތެރޭގައި އެމްޑީޕީގެ އިސް ލީޑަރުން ހިމެނެ އެވެ.

06:30 މުޒާހަރާގެ ތެރެއިން

އިރުއެރުމާއެކު މުޒާހަރާގެ ބައިވެރިން ހަރަކާތްތެރިވާން ފަަށައިފި. މުޒާހަރާގައި ދެންމެ ވާހަކަފުޅު ދައްކަވަމުން އަލްހާން ވިދާޅުވީ ރައީސް ނަޝީދު އިރުކޮޅެއްގެ ތެރޭގައި ވަޑައިގަންނަވާނެ ކަމަށާއި މުޒާހަރާގެ ބައިވެރިން ކެތްމަދުވެފައި ވަނީ އެމަނިކުފާނު މުޒާހަރާއާ ގުޅޭނެ ވަގުތަކަށް ކަމަށް.

03:08

މާދަމައަށް ޓެންޓް ޖެހުމުގެ މަސައްކަތް ފެއްޓި ކަމަށް ޕޯޑިއަމުން އިއުލާން ކުރި. ގިނަ ބަޔަކު ވަނީ ގެއަށް ގޮސްފައި ނިދަން. ނަމަވެސް އަދި ވެސް އެއްބަޔަކު އެ ސަރަހައްދުގައި ކުނާ ފަދަ ތަކެތި އަޅައިގެން އެބަތިބި އަދި އަނެއް ބަޔަކު ކޮޅަށް ތިބީ.

02:56

ގިނަ އިރުތަކެއް ވަންދެން ބޭފުޅަކު ވާހަކަ ނުދައްކައި މެދުކެނޑުމަށް ފަހު ރ. އިނގުރައިދޫ ކައުންސިލްގެ މެންބަރަކު ވާހަކަ ދައްކަނީ.

01:56

މިހާރު ވާހަކަ ދައްކަވަނީ ކުރީ ސަރުކާރުގެ ރައީސް އޮފީހުގެ ޑިރެކްޓަރު އަބްދުލްހަމީދު.

01:37

ރައްޔިތުންގެ މަޖިލީސް ކުރިމައްޗަށް ރައީސް ވަހީދަކަށް ވަޑައެއް ނުގެންނެވޭނެ ކަމަށް އަލްހާން ވިދާޅުވި. އަދި އޭނާ ވިދާޅުވީ އެ ދުވަހު މޭޒު މައްޗަށް ވެސް އަރާނެ ކަމަށް އަލްހާން ވިދާޅުވި، އަދި ކުރިމައްޗަށް ވެސް އަރާނަން. ލާހިކު ކުޅަދާނައެއް ނޫން ރައީސް ވަހީދަށް މަޖިލީހަށް ވަޑައިގަންނަވާކަށް. މާޗު މަހާ ހަމައަށް މި ގޮތަށް ކުރިއަަށް ގެންދާނަން. އޭގެ ފަހުން ފަހާ ވެސް ދުވާނަން. އަލްހާންގެ ވާހަކަ ނިންމާލައިފި.

01:22

7 ފެބްރުއަރީގައި ކުރީ ބަޣާވަތެއް ކަމަށް ސާބިތު ކުރާނެ ކަމަށް އަލްހާން ވިދާޅުވި. ރައީސް މުހައްމަދު ވަހީދު މިރެއިން މިރެއަށް ގެއަށް ފޮނުވުމުގެ ބާރު އެބަހުރި. ނަމަވެސް އެމްޑީޕީ އިން ނިންމީ މިގޮތަށް ތިބުމަށް ފަހު، މަޝްވަރާ މަޖިލީހަށް ދިޔުމަށް. ފުލުހުން ނަކީ މަދު ފައިސާ ކޮޅަކަށް ވިކޭ ބައެއް ކަމަށް އަލްހާން ތުހުމަތު ކުރެއްވި.

01:20

ނެގޯޝިއޭޓު ކުރުމަކީ ޓެރަރިޒަމްގެ އަމަލެއް ކަމަށް އަލްހާން ވިދާޅުވި. ކޮމާންޑާ އިން ޗީފު އަންގާ އަންގާ އެންގުން ޖެހޭނީ ތަންފީޒު ކުރަން.

01:09

ތަމަޅައިން ގޮވައިގެން އައިސް ވެސް ވެރިކަން ބަދަލުކޮށްލެވި ދާނެ ކަމަށް އަލްހާން ވިދާޅުވި. ރައްޔިތުން ބޭނުންވެގެން ވެރިކަން ވައްޓާލި ކަމަށް ބުނާ އިރު މިތާގައި މިތިބީ ރާއްޖޭގެ ރައްޔިތުން. ވެރިކަން ބަދަލު ކުރަން ޖެހޭނީ ވޯޓުން. ވެރިކަން ބަދަލު ކުރަން ޖެހޭނީ އިންތިހާބަކުން. މައުމޫންގެ 30 އަހަރު ވެސް ނިމުނީ ރީތިކޮށް އިންތިހަބަކުން. މިހެންތިބެން ވުމުން ޓޮލަރެންސް ޒީރޯއަށް ދާނެ ކަމަށް ގަބޫލު ކުރަން ޖެހޭ.

01:01

އެމްޑީޕީގެ ޕާލަމެންޓް ގްރޫޕު މެންބަރު އަދި އެމްޑީޕީގެ ނައީބު ރައީސް އަލްހާން ފަހުމީ ވާހަކަ ދައްކަވަންފައްޓަވައިފި. ވަހީދުއްދީނަށް ފާޑުވިދާޅުވި.

00:51 ކުރީގެ ރައީސް ނަޝީދު:

ރައްޔިތުންނަށް އަނިޔާ ކުރުމަކީ އާންމު މަސްލަހަތު ހިފެހެއްޓޭނެ ކަމެއް ނޫން. މަސައްކަތް ކުރަމުން މިދަނީ އަވަސް އިންތިހާބަކަށް. ރައްޔިތުން އަވަސް އިންތިހާބަކަށް އެދުމަކީ އަދި މާ އަވަހަށް މި އިންތިހާބު ބޭއްވޭނެ ސަބަބު. އަޅުގަނޑު ދަންނަވާނީ ތިޔަބޭފުޅުން ތިޔަ މަސައްކަތުގައި ތިބިހާ ދުވަހަކު އަޅުގަނޑު ހުންނާނަމޭ. ރަށްރަށުން ދަތުރަށް އަރާ މީހުން ގާތު އަޅުގަނޑު ދަންނަވާން އޮތީ މާދަމާ ވެސް އަންނާށޭ، މި މާލެ ފުރެން އެބަޖެހެއޭ. ދިފާއި ބާރުތަކަށް އަޅުގަނޑު ދަންނަވާނީ މިތަނަށް އައިސް ބާރުގެ ބޭނުން ނުކުރައްވައްޗޭ. ތިޔަބޭފުޅުންނަށް ވެސް އަޅުގަނޑު ދަންނަވާނީ އުފާވެރިކަން ނޫން ކަމެއް ނުގެންގުޅުއްވައްޗޭ

00:49 ކުރީގެ ރައީސް ނަޝީދު:

ރާއްޖޭގައި ހިންގާ މިއުޅެނީ ގާނޫނީ ވެރިކަމެއް. އެވެރިކަން ހިނގާ އުޅޭއިރު ފަނޑިޔާރުގެއަށް ނުގޮސް ކަން ކުރުމަކީ ވާނެ ކަމެއް ނޫން. މިހާރު ގެ ރަށްރަށް ހިނގުމުގައި ބޭނުން މހިންމު ގާނޫނުތަކެއް އެބަހުރި. އަރަބިތާނައިން ސަނަދު ނަގައިގެން ތިބި ގާޒީން ތިބެގެން މިކަމެއް ނުވާނެ... ޝަރުއީ ދާއިރާގައި ތިއްބެވީ ކުރީގެ ރައީސް މައުމޫން އައްޔަންކުރައްވާފައި ތިއްބެވި ބޭފުޅުން. ރާއްޖޭގެ ކޮންމެ ރަށެއް ބެއްލެވިޔަސް އެހެން ހުރިހާ މުއައްސަސާއެއްގައި ތިބޭނީ ތައުލީމީ މީހުން. ނަމަވެސް ގިނަ ގާޒީންނަކީ ގްރޭޑް 3 ގެ ފެންވަރު.

00:46 ކުރީގެ ރައީސް ނަޝީދު

ހަތް ވަނަ ދުވަހު ވަރަށް ގިނަ ސިފައިން ބުނި ބަޑި ގުދަން ހުޅުވައިދޭށޭ. އޭރުން ދާދި ފަސޭހައިން ހުރިހާ ފުލުހުން ހައްޔަރުކޮށްލެވޭނެ... ކުރަން ހުރި ވަރަށް ގިނަ ކަންކަން އެބަހުރު ހާއްސަކޮށް ޝަރުއީ ނިޒާމް. އަދު އިންސާފު ގާއިމު ކުރާ ފަނޑިޔާރުގެތަކެއް ގާއިމު ކުރުން. މިއަދާ ހަމައަށް ވެސް ވަނީ ގާނޫނު އަސާސީ ބުނާ ގޮތަށް އެކުލަވާ ނުލެވި. ދަށު ކޯތްތަކުގައި އެތިބީ ނޫ ގާނޫނޫ އަސާސީގެ ދަށުން ރައީސް މައުމޫން ލައްވާފައި ތިބި މީހުން...

00:42 ކުރީގެ ރައީސް ނަޝީދު

މިތާކު އަބަދަކު ގިނައިނެއް މީހުނެއް ނުތިބޭނެ. އެކި ކަންކަމުގައި އެކި މީހުން ތިބެނެ. އަޅުގަނޑުގެ އަމާޒަކީ ރާއްޖޭގެ ކަންކޮޅުތަކުން މިތަނުން މީހުން ޖަމާވަމުން ދިއުން. އަޅުގަނޑަށް ޔަގީން އަޅުގަނޑުމެން މިއެދޭ އިންތިހާބު ލަސްތަކެއް ނުވެ ލިބޭނެ. އެ ތާރީހު ލަސްތަކެއް ނުވެ ސާފުވެގެންދާނެ. އެ އިންތިހާބު ބާއްވާ ދުވަހު އިތުރތު ޖޯޝަކާއެކު ތިބޭފުޅުން ތި އެދިވަޑައިގަންނަވާ ގޮތަށް އަލުން ރުކުރުވާލާނެ.

00:42 ކުރީގެ ރައީސް ނަޝީދު

އަޅުގަނޑު ދަންނަވާލާނީ ތި ދިވެހިންނާއި މި ދިވެހިންނަށް ވުރެ ވަކި ކެރޭ އިންސީންނެއް މި ދުނިޔޭގައި ނެތް ކަން. ޑިމޮކްރެސީ ގެނައީ އަޅުގަނޑުމެން އެންމެންގެ ހިތްވަރުން. ގިނަ ޕާޓީތަކުގެ ސިޔާސީ ނިޒާމް ނުގެނެވޭނެ ކަމަށް ބުނި. އެކަމަކު ރާއްޖޭގެ ވެރިކަމަކީ ހެޔޮ ނިޔަތުގައި، ހެޔޮ ގޮތުގައި ކުރެވެން އޮތް ކަމެއް... އަޅުގަނޑު ދަންނަވާލާނީ ތި ދިވެހިންނާއި މި ދިވެހިންނަށް ވުރެ ވަކި ކެރޭ އިންސީންނެއް މި ދުނިޔޭގައި ނެތް ކަން. ޑިމޮކްރެސީ ގެނައީ އަޅުގަނޑުމެން އެންމެންގެ ހިތްވަރުން. ގިނަ ޕާޓީތަކުގެ ސިޔާސީ ނިޒާމް ނުގެނެވޭނެ ކަމަށް ބުނި. އެކަމަކު ރާއްޖޭގެ ވެރިކަމަކީ ހެޔޮ ނިޔަތުގައި، ހެޔޮ ގޮތުގައި ކުރެވެން އޮތް ކަމެއް.

00:29 ކުރީގެ ރައީސް ނަޝީދު

އަޅުގަނޑުމެން ސުލްހަވެރި ކަމާއެކުގައި، އަޅުގަނޑުމެން ގަބޫލު ކުރަންޖެހޭނެ. މިތާނގައި ނުތިބެވެނެ ކިތަންމެ ބޭފުޅުންނެއް ތިބޭނެ. މުޅި ރޭ ނުތިއްބެވޭ ބޭފުޅުންނަށް އަޅުގަނޑު ދަންނަވަން މާދަމާ ހެނދުނު އަވަހަށް މތަނަށް އައުމަށް. އަދި ތިއްބަވާ ބޭފުޅުން ވެސް ސުލްހަވަރިކަމާއެކު ތިބުމަށް. އަދި އެއްވެސް ނޭދެވޭ ކަމެއް ނުކުރުމަށް ވަރަށް އާދޭހާއެކު ދަންނަވަން. އަޅުގަނޑުމެންނަކީ ސުލްހަވެރި ސިޔާސީ ހަރަކާތް ހިންގާ ބައެއް. އަޅުގަނޑުމެން ކަންކަން ހިންގަން ޖެހޭނީ ވެސް އެމަގުން. ދިފާއީ ބާރުތަކަށް އަޅުގަނޑު ދަންނަވަން ސުލްހަވަރިކަމާއެކު ތިބި ފަރާތްތަކަށް ބާރުގެ ބޭނުންކޮށްގެން އެނޫން ގޮތަކަށް ވެސް ނުބެހުމަށް. މިތާ ތިބި ފބޭފުޅުނަށް އަޅުގަނޑު ދަންނަވަން މިމައިދާނުން ނުދިއުމަށް. މިތާނގައި އުފާ ފާޅު ކުރުން ނޫން ކަމެއް ނުކުރުމަށް. އަޅިގަނޑު ތިބޭފުޅުންނަށް ސާފުކޮށްދޭން ޖެހޭނެ. އަޅުގަނޑު ޖެހޭނެ މިރޭ އެނބުރިދާން. އަދި މާދަމާ އެނބުރި އާދެވޭނެ އެ ވަގުތުތައް އަޅުގަޑަށް މުހިންމުވާނެ. އަޅުގަނޑު ކުރާން ހުރި އެތައް ކަމަށް. ޖިސްމާނީ ގޮތުން އަޅުގަނޑު ނެތްނަމަވެސް އަޅުގަނޑު ހުރި ކަމަށް ތިބޭފުޅުން ގަބޫލު ކުރައްވާނެ

00:28 ކުރީގެ ރައީސް ނަޝީދު:

އަންނަ އާދިއްތަ ދުވަހު ފެށޭ މަޝްވަރާތައް އަވަހަށް ނިމި އަންނަ ހަފްތާތެރޭގައި އިންތިޚާބުގެ ތާރީޚް އެނގިގެންދާނެ ކަމަށް އުއްމީދުކުރެވޭ. އަޅުގަނޑުމެންގެ މަސައްކަތަށް ނުހަނު ކާމިޔާބު ލިބެމުން އެބައާދޭ. އިންޑިއާގެ ފޮރިން ސެކްރެޓަރީ އެހެން ހުރިހާ ޕާޓީތަކާ ވާހަކަދެއްކުމަށް ފަހުގައި ވިދާޅުވީ އަވަސް އިންތިޚާބެއް 2013 ގެ ކުރިން ބޭއްވުމަށް އިންޑިއާ ސަރުކާރު ފުރިހަމަ އަށް ތާއީދުކުރާކަން. އަދި އެ ބޭފުޅާ ވިދާޅުވީ ސަރުކާރުގެ ފަރާތުން ޑރ. ވަހީދު އަވަސް އިންތިޚާބަކަށް ވަޑައިގަންނަވަން ވިދާޅުވުމުން އަޅުގަނޑުމެންނަށާއި ރައްޔިތުންނަށް ވަރަށް ބޮޑު ހިތްހަމަޖެހުމެއް ލިބޭނެ ކަމަށް. އެ ކަމާ ބެހޭގޮތުން ވާހަކަތައް ދެއްކުމަކީ ރަނގަޅު ކަމެއް ކަމަށް އަޅުގަނޑުމެން ވެސް އެބަ ގަބޫލުކުރަމުން ދަން. އަޅުގަނޑުމެންނަށް ރޭގެ ވަގުތުތައް ނިމެމުން ދިޔަ އިރު އާޒިމާ ޝަކޫރު ބަޔާނެއް ދިން ތަން ފެނުނު. އެއަށް ފަހު އަޅުގަނޑުމެންނަށް ކިތަންމެ އިރަކު މަޑުކޮށްގެން ތިބެން ޖެހުނީ އެ ބަޔާނުގައި އޮތް އެއްޗެއް ދެނެގަތުމުގެ މަސައްކަތުގައި.

00:25 ކުރީގެ ރައީސް ނަޝީދު

ނަޝީދު: އަޅުގަނޑުގެ އުންމީދަކީ ރާއްޖޭގެ ހުރިހާ ރަށަކުން ވެސް މާލެއަށް މީހުން އައުން. މިއަންނަ އާދިއްތަ ދުވަހު އަވަސް އިންތިހާބު ތާރީހު ކަނޑައެޅުމަށް ހުރިހާ ޕާޓީތަކުން އިށީންނާނެ ކަމަށް އަޅުގަނޑަށް މައުލޫމާތު ލިބިފައިވަނީ. މަޖިލިސް ހުޅުވުމުގެ ކުރިން އިންތިހާބު ބޭއްވޭނެ ތާރީހު ކަނއަޅޭނެ ކަމީ އަޅުގަނޑު ހިތުގައި ޝައްކު ހިނގާ ކަމެއް ނޫން. އިންތިޚާބެއް ބޭއްވުން އެއީ އަޅުގަނޑުމެން ބޭނުންވި ގޮތް. އެ އިންތިޚާބެއް އޮންނާނެ ދުވަހެއް އެނގެންދެން އަޅުގަނޑުމެންގެ މަސައްކަތް ކުރިއަށް ގެންދަން މި ތިބީ ނިންމައިގެން.

00:21 ނަޝީދު:

މި ކަމުގައި އަޅުގަނޑުމެނަށް ކާމިޔާބު ލިބެމުން އެބަ އާދޭ. އިންޑިޔާގެ ފޮރިން ސެކްރެޓެރީ ވިދާޅުވީ އަވަސް އިންތިހާބެއް ބޭއްވުމަށް އިންޑިޔާ ތާއީދު ކުރާ ކަމަށް. އަދި ވަހީދު އަވަސް އިންތިހާބާއްވާން އިއުލާން ކޮށްފިނަމަ ހިތްހަމަ ޖެހުމެއް ލިބޭނެ ކަމަށް. މިހާރު އުފެދިފައިވާ ސަރުކާރާ އަޅުގަނޑުމެން ބައިވެރިވުމަށް ބައެއް ފަރާތްތަކުން ބާރުއެޅި. އަޅުގަނޑުމެން ބޭރުގެ ފަރާތްތަކަށް ކަންކަން އޮޅުންފިލުވައިދިނުން. ވެރިކަން ބަދަލުވީ ގާނޫނު އަސާސީގައިވާ ގޮތުގެ މަތިންކަން ބޭރު ދުނިޔެ އަށް މިހާރު ވަނީ ވަރަށް ބޮޑަށް ސާފުވެފައި. ރައްޔިތުންނަށް ވެސް އެކަން ވަނީ ސާފުވެފައި.

00:13 ކުރީގެ ރައީސް ނަޝީދު:

މިރޭވެސް މާދަމާވެސް މި ސުލްހަވެރި ހަރަކާތެއް ހުއްޓައެއ ނުލާނެ. ރާއްޖޭގެ ރައްޔިތުން ބޭނުން ވަނީ އަވަސް އިންތިހާބެއް. އެ އިންތިހާބުގެ ތާރީހާއި އެކަމާ ގުޅޭ ކަންކަން ސާފު ކުރުމަށް. އަޅުގަނޑަކީ މި ރާއްޖޭގައި ޑިމޮކްރެސީ އާއި އިންސާނީ ހައްގުތައް ރައްކާތެރިކުރަން މަސައްކަތްކުރަމުން އައި މީހެއް. މިހާރު ވެސް މި ކުރަނީ، އަދިވެސް ކުރާނަން! ރާއްޖޭގެ ރައްޔިތުން ތިބީ ރައްޔިތުންގެ ބައިވެރިވުމާ އެކު އޮންނަ ވެރިކަމެއް ނޫނީ ބޭނުންވާ ގޮތަކަށް ނޫން. ރައްޔިތުން މި ދަނީ މި ރާއްޖެ މިނިވަންކަމުގެ މަގަށް ފައްކާކުރަމުން.

00:13

ކުރީގެ ރައީސް ނަޝީދު ވާހަކަފުޅު ދައްކަވަން ފަށައިފި.

23:58 ޑރ. ޑީޑީ

ޑރ. އިބްރާހިމް ދީދީ: އެމްޑީޕީއަކީ ރާއްޖޭގެ ކުރިމަގު. އަވަސް އިންތިހާބަކަށް އަޅުގަނޑު ގޮވާލަން. މިހާރު ވެސް އަވަސް އިންތިހާބެއް ބޭއްވުމުގެ ފެހި ސިގުނަލް ލިބެން ފަށައިފި. އިންސާފު ވެރި ފަނޑިޔާރުގެއަކަށް ކުރަންޖެހޭ މަސައްކަތް ކުރުމަށް ގޮވާލަން. އަޅުގަނޑުމެންނަކީ ރާއްޖޭގައި އެންމެ ފުރަތަމަ ޑިމޮކްރެޓިކް ވެރިކަމެއް ކުރި މީހުން. އަޅުގަނޑު ގަބޫލު ކުރާ ގޮތުގައި އަދިވެސް ރައީސުލް ޖުމްހޫރިއްޔާއަކީ ރައީސް ނަޝީދު، އަޅުގަނޑު ގަބޫލު ކުރާ ގޮތުގައި މި ޕާޓީގެ ވެރިކަމެއް ނުވެއްޓޭ. 2008 ގައި ވޯޓް ދީފައި ވަނީ ތިން އަހަރު ވެރިކަމެއް ކުރާކަށް ނޫން.

23:57

ތ. ވަންދޫ ކައުންސިލްގައި ހިމެނޭ މިނިވަން މެބަރު އެމްޑީޕީއާ ގުޅިއްޖެ ކަމަށް އެމްޑީޕީގެ މުޒާހަޜާގައި އިއުލާންކޮށްފި.

23:38 މުހައްމަދު ތޯރިގު:

މުހައްމަދު ތޯރިގު: ރާއްޖޭގައި އިންތިހާބެއް ދެމަސް ދުވަހުގެ ތެރޭގައި ބޭއްވެންޖެހޭނެ. މަޖިލީހުގެ ރައީސާއި އިލެކްޝަން ކޮމިޝަނާ ގުޅިގެން މާދަމާ ވެސް ރިޔާސީ އިންތިހޔާބު ބާއްވަން އަޅުގަނޑު ގޮވާލަން... ވަހީދަކީ ފިނޑިއެއް. ރައީސް ނަޝީދު ފަދައިން ކުރިމަތިލައްވާކަށް ނުކެރޭނެ.

23:36 މުހައްމަދު ތޯރިގު

މުހައްމަދު ތޯރިގު: ސިފައިންނާ ފުލުހުން ވަނީ ފައިސާގައި ހިފައިފައި. އެފަރާތްކަށް އަޅުގަނޑު ދަންނަވަނީ އެޖަރީމާ ހިނގީ ސިފައިންނާ ފުލުހުން ގުޅިގެނޭ. މި އެއްވުމެއް ބާއްވާތީ ސިފައިންގެ އެއްވުމެއް ދައްކާލި އިރު ޖުމްހޫރީ މައިދާނަށް އެއްވި ވިއްސަކަށް ފުލުހުން ކޮންޓްރޯލެއް ނުކުރެވުނޭ! ފުލުހުންނާ ސިފައިންގެ މުއައްސަސާ ވަނީ ހަލާކޮށްލާފައި.

23:36

މިހާރު ވާހަކަފުޅު ދައްކަވަނީ މަނަދޫ ދާއިރާގެ މެންބަރު މުހައްމަދު ތޯރިގު

23:30 މެންބަރު އަބްދުﷲ އަބްދުއް ރަހީމް:

މެންބަރު އަބްދުﷲ އަބްދުއް ރަހީމް: މި މުޒާހަރާގައި ބައިވެރިވުމަށް ބޮޑު ތިލަދުން މަތިން 35 ދޯނި އެބައާދޭ. މާދަމާ ދެބަނޑޮސް ދޭތެރެއަށް ވަންނާނެ. އެމީހުން އައުމުން މިހާރު މިއޮތް ސަރުކާރެއް ނޯންނާނެ. އެހެންވީމާ އޭގެ ކުރިން އަވަހަށް އިންތިހާބު ބާއްވާނެ ތާރީހު ދެއްވާ. މާޗް އެއް ވަނަ ދުވަހު ރައްޔިތުންގެ މަޖިލީހަކަށް ރައީސް ވަހީދެއް ނުވައްދާނަން.

23:27 މެންބަރު އަބްދުﷲ އަބްދުއް ރަހީމް

މެންބަރު އަބްދުﷲ އަބްދުއް ރަހީމް: މިއީ މައުމޫނު ހިންގަމުންދާ ޖަރީމާއެއް. އެ ޖަރީމާގައި ބައިވެރި ނުވުމަށް އަޅުގަނޑު ނުކުތީ ވެސް.

23:26

މުޒާހަރާގެ ތެރެއަށް ގެނައި ކުނާތައް އަޅައިގެން ބައެއް މީހުން މިހާރު އޮށޯވެއްޖެ. ބައެއް މީހުން ތިބީ ސްޓޭޖް ފުރަގަހުގައި. އަނެއް ބަޔަކު ޕާކުތެރޭގައި. ބައެއް މީހުން މިހާރު ވެސް ނިދާފައި އެބަތިބި.

23:25

މެންބަރު އަބްދުﷲ އަބްދުއް ރަހީމް: އަޅުގަނޑު ވެސް ދިޔައީ ޑރ. ވަހީދާ ބައްދަލުވާން. ދިޔައިމާ ބައްދަލެއް ނުކުރެއްވި. ބަޣާވާތަކުން ވެރިކަން ވައްޓާލަން އުޅޭ ކަމަށް ބުނެފާނެތީ ބައްދަލު ނުކުރީ.

23:22 މެންބަރު އަބްދުﷲ އަބްދުއް ރަހީމް

މެންބަރު އަބްދުﷲ އަބްދުއް ރަހީމް: އިންތިހާބުގެ ނަޖީޖާ ވަރަށް ސާފު. ރައީސް ނަޝީދު ދޮޅުލައްކައަށް ވުރެ ގިނަ ވޯޓް ރައީސް ނަޝީދު ހޯއްދަވާނެ. އަޅުގަނޑަކީ މީހުން ހައްޔަރު ކުރަން ތާއީދު ކުރާ މީހެއް ނޫން. އެކަމަކު ރައީސް ވަހީދު ކުޑަގޮޅިއަށް ލާފައި ހުއްޓާލާނީ. ހަމަސް ފަހުން އެއީ "ޖަލު ވަހީދު".

23:19

މެންބަރު އަބްދުﷲ އަބްދުއް ރަހީމް: އަޅުގަނޑު ދަންނަވާލާނީ މިއަދު ދައުލަތުގެ މާލިއްޔަތުގެ މައްސަލަ. ޣައިރު ގާނޫނީ ސަރުކާރެއް ކަމަށްވުމުން ފައިބައިގެން ދަމުން ބުނާނެ ތިމަންނަމެގެން އެއްވެސް ކަމެެއް ތަހުގީކޮށްގެން ނުވާނެ. ރައީސް ނަޝީދު ފައިބައިވަޑައިގެންނެވި އިރު ހަޒާނާގައި 257 މިލިޔަން ޑޮލަރު ހުންނާނެ. އަޅުގަނޑުމެންނަށް އޮތީ ދަރިން ދަރަނީގެ ތެރެއަށް ގަނބާލުންތޯ؟ ނޫނީ އިންތިހާބަކަށް ދިއުންތޯ؟ ލޮނު ޒިޔާރަތް ކޮޅުގައި މި ގޮވަނީ އިންތިހާބު އަވަސް ކުރާށޭ! އަޅުގަނޑުމެން މިތިބީ ކެތްމެދުވެފައި ރައީސް ނަޝީދު ވެރިކަމަށް ގެންނަން.

23:17 މެންބަރު އަބްދުﷲ އަބްދުއް ރަހީމް:

މެންބަރު އަބްދުﷲ އަބްދުއް ރަހީމް: އަޅުގަނޑަކީ އެންމެ ފަހުން އެމްޑީޕީއާ ގުޅުނު މެންބަރު، ރައީސް ނަޝީދަށް ވުރެ އިންސާފުވެރިއަކު ދެނެއް މިގައުމަކުން ފާޅެއް ނުވާނެ. އަޅުގަނޑުމެނަށް އެނގޭ އެމަނިކުފާނު ގައުމަށްޓަކައިވީ ގުރުބާނީ އާއި އޮހޮރުވާލި ދާ. އެހެންވި ދޮޅުލައްކައަށް ވުރެ ގިނަ ސަޕޯޓަރުން ތިބީ. އެމަނިކުފާނަށް ދޮޅުލައްކައަށް ވުރެ ގިނަ ވޯޓު ދޭނެ.

23:15 މެންބަރު އަބްދުﷲ އަބްދުއް ރަހީމް

މެންބަރު އަބްދުﷲ އަބްދުއް ރަހީމް: ރާއްޖޭގެ މިނިވަންކަން އެންމެފަހުން ގެއްލުނީ ފެބުރުއަރީބ 7ގައި، މިނިވަންކަން ގެއްލުނީ ފުލުހުންނާ ސިފައިންގެ ސަބަބުން. ރައްޔިތުން އެދޭ ސަރުކާރެއްވ އެކުލަވައި ނުލަނީ މިތަނުން ހިނގައެއް ނުގަންނާނެ. ވަހީދުގެ ސަރުކަރާކާ އަޅުގަނޑުމެން ގަބޫލެއް ނޫން. ވޯޓަކަށް ވަޑައިގަންނަވާ. ތިބޭފުޅުންނަކަށް ވޯޓެއް ނުދޭނެ.

23:14

މިހާރު ވާހަކަފުޅު ދައްކަވަނީ މެންބަރު އަބްދުﷲ އަބްދުއް ރަހީމް

23:03 އަބްދުލް ޣަފޫރު

އަބްދުލް ޣަފޫރު: ކުޅުދުއްފުށީ މީހަކު ހައްޔަރުކޮށްފިނަމަ އެ ހައްޔަރު ކުރަނީ އަޅުގަނޑު. އެމްޑީޕީ އަބަދުވެސް މަސައްކަތް ކުރާނީ ރައްޔިތުންގެ ހައްގުގައި. އަޅުގަނޑުމެން ޖީއެސްޓީ ނެގުމުން އާސަންދައިގެ ދަށުން ހިލޭ ބޭސް ކުރެވެމުން ދަނީ. އަޅުގަނޑުމެން ތިން ވިޔަފާރިވެރިންނަށް ވިކިގެން ނުތިބޭނެ. އަޅުގަނޑުމެން ދިވެހި ރައްޔިތުންގެ ފައިސާއަކު ނުޖެހޭނަން. އަޅުގަނޑުމެންގެ ފަތިފުށެއް ނޯންނާނެ. ބަޣާވަތް ކުރި އެންމެން ނެރެ ސާފުކުރަން ގޮވާލަން. މޫސާ އަލީ ޖަލީލު ފުލުހަކަށް ހާޒިރެއް ނުކުރޭވެނެ. ރައީސް ނަޝީދު އަބަދުވެސް ހުންނަވާނީ އަޅުގަނޑުމެނާއެކުގައި

23:01

މިހާރު ވާހަކަފުޅު ދައްކަވަނީ މެންބަރު އަބްދުލް ޣަފޫރު

23:00

މުޒާހަރާގެ ބައިވެރިން ނިދުމަށް 1،000 ކުނާ ގެންނަ ކަމަށް މުޒާހަރާގައި އިއުލާންކޮށްފި.

22:42 ޑރ. މުސްތޮފާ ލުތުފީ

ދެވަނަ އަށް އެމީހުން ރާވާފައި އޮތް ގޮތަކީ ރައީސް ނަޝީދު އިސްތިއުފާ ދެއްވައިފި ނަމަ ޝަރީއަތަށް ގެންދާނީ. އޭރުން އެމްޑީޕީ މީހުން ވަރަށް ކަންތައް ހިންގާނޭ ދެން ތަޅާ ތިރި އަރުވާލާނީއޭ. އަދި އެ މީހުންނަށް ޓެރަރިޒަމްގެ ގާނޫނުގެ ދަށުން އަދަބުދީ ދުވަސް ދުއްވާލާނީއޭ. އަޅުގަނޑު ޑރ. ވަހީދަށް ދަންނަވާލާނީ ތިޔައީ ރައްޔިތުންގެ ގޮނޑިއެކޭ އިސްތިއުފާ ދެއްވާށޭ

ޑރ. މުސްތޮފާ ލުތުފީ ޗާންސެލާ ޑރ. މުސްތޮފާ ލުތުފީ

ޗާންސެލާ ޑރ. މުސްތޮފާ ލުތުފީ: ބަޑި ޖައްސާފައި އިސްތިއުފާ ދެން މަޖުބޫރު ކުރީ، އެ ބަޑި ޖެއްސީ އަޅުގަނޑުމެންގެ ގައގައި. އަޅުގަނޑުމެން ދޫކޮށްލައިފިޔާ މާދަމާވެސް ބަޑި ޖައްސާނެ. އެއް ގޮތަކަށް ވެސް ދޫކޮށްލައިގެން ނުވާނެ. ދަރިންގެ ދަރިންނަށްތަކައި ގައުމަށްޓަކައި ވަތަނަށްތަކައި މިކަން ކުރަން ޖެހޭނެ. މިކަން ކޮށްފައި ވަނީ ވަރަށް ބޮޑަށް ރޭވިގެން ހެކިތަކުން ފާހަގަ ކުރެވެނީ ދެގޮތަކަށް.

އަޅުގަނޑަށް ފެންނަ މަންޒަރުތަކުން ފާހަގަކުރެވެނީ މިކަން ރޭވީ ދެ ގޮތަކަށް. އެއް ގޮތަކީ ރައީސް ނަޝީދަށް އިސްތިއުފާދޭން މަޖުބޫރުކުރީމަ އިސްތިއުފާނުދެއްވީމަ ހަދާނީ ޑިފެންސްގެ ދޮރު ހުޅުވާލާފައި ފުލުސް އޮފީހުގެ މަތިން އެއްޗެހި ވައްޓާލާފައި ރައްޔިތުންނަށް އެ ތަންތަން ދޫކޮށްލާނީ ރައީސަށް ނުރައްކާކުރަން. އެހެން ހެދި ނަމަ ދިވެހިރާއްޖޭގައި ބޮޑު ލޭއޮހޮޮރުވުމަކަށް ހިނގައިދާނެ. ދެން ހަދާނެ ގޮތަކީ މިލިޓަރީ ވެރިކަމެއް ގެންނާނީ. އެ ގޮތަށް މި ގައުމު ބާއްވާނީ އެތައް ދުވަހެއް ވަންދެން. ނަސީބަކުން ރައީސްގެ ވިސްނުންފުޅު ތޫނުކަމުން އެ އަނދަވަޅުން ރާއްޖެ ސަލާމަތްކުރެއްވީ.

22:25 ޗާންސެލާ ޑރ. މުސްތޮފާ ލުތުފީ

ޑރ. މުސްތޮފާ ލުތުފީ: ގައްދާރުންގެ ބަޔަކު މިއުޅެނީ ވެރިކަމެއް ނަގައިެގެން. އަޅުގަނޑުމެން ވެރިކަމާ ހަވާލުވީ މަތިވެރި ވިސްނުމަކާއެކު އެ ވިސްނުމުގެ ނާރެހަކީ ރައްޔިތު މީހާ، އިންސާނާ. މަގުމަތަކުގައި ބިއްޖެހިފައި ތިބި ޒުވާނުންނަށްޓަކައި.

22:24

މިހާރު ވާހަކަ ދައްކަވަނީ ގައުމީ ޔުނިވާސިޓީގެ ޗާންސެލާ ޑރ. މުސްތޮފާ ލުތުފީ

އާދަމް ނަސީރު، ކުރީގެ ޑިޕިއުޓީ ސްޓޭޓް މިނިސްޓަރު އާދަމް ނަސީރު، ކުރީގެ ޑިޕިއުޓީ ސްޓޭޓް މިނިސްޓަރު

ދިއްދޫ އާދަމް ނަސީރު: ދޯނިފަހަރު އައިސް މިތިބީ އިންތިހާބު ބާއްވާނެ ތާރީހު ބަލާ، އަޅުގަނޑުމެން ގޮވާލަނީ އަވަސް ތާރީހެއް ދިނުމަށް. އަޅުގަނޑުމެން ނެތިން މަގުމަތިން ސަރުކާރު ވައްޓާލާކަށް. އިންތިހާބު ބާއްވާނެ ތާރީހެއް ނުދެނީސް ފުރައިގެން ނުދާނެ. މި ބައިބޯ ލަސްކަރު މިތަނުން ގުޑާލާނީ އިންތިހާބު ބާއްވާނެ ތާރީހެއް ދިނުމުން،..

އިންތިހާބު ބާއްވާނެ ތާރީހެއް ނުދެނީސް ފުރައިގެން ނުދާނެ. މި ބައިބޯ ލަސްކަރު މިތަނުން ގުޑާލާނީ އިންތިހާބު ބާއްވާނެ ތާރީހެއް ދިނުމުން،

މީކާއީލް، ވިލާ އިންޓަނެޝަނަލް ހައި ސްކޫލް މީކާއީލް، ވިލާ އިންޓަނެޝަނަލް ހައި ސްކޫލް:

ވިލާ އިންޓަނެޝަނަލް ހައި ސްކޫލްގެ ކެޕްޓަން މީކާއީލް އެ ސްކޫލްގެ ޗެއާމަން ގާސިމް އިބުރާހިމަށް ފާޑު ކިޔާ ވާހަކަ ދައްކަވަނީ.

ޤާސިމް ވިދާޅުވެފައިވަނީ ކަލޭމެން މުއްސަނދިނުވީ ކަލޭމެން ކަންނެތް ކަމުން ކަމަށް. ދަންނަވަންތޯ ޤާސިމް އިބްރާހިމަކީ ކަންނެތް މީހެއް. ވިލާ އިންޓަނޭޝަނަލް ހައި ސްކޫލްގެ ހުރިހާ ދަރިވަރުން ބަޣާވާތާ ދެކޮޅޭ،

22:00 އިބްރާހިމް ރަޝީދު:

އިބްރާހިމް ރަޝީދު: މިއީ ތާރީހު ބަދަލު ކޮށްލާނެ އެއްވުމެއް. ހުރިހާ އެންމެން ވެސް ސުލްހަވެރިކަމުގައި އިށީނދެލާއިގެން ތިބުމަށް އެދެން. އަޅުގަނޑުމެން އިންތިޒާރު ކުރަނީ އިންތިހާބު ބާއްވަން ދޭނެ ތާރީހަކަށް

21:56 މުހައްމަދު ރަޝީދު:

އައްޑޫ އަށް ކަޅު ރެއެއް ގެނައީ އެމްޑީޕީ މީހުންނެއް ނޫން. އެކަން ކުރި މީހުން އިންސާފުގެ ކުރިމައްޗަށް ގެންނަން ގޮވާލަން. 70 މީހުން އައްޑޫން ހައްޔަރު ކުރި، އަނިޔާވެސް ކުރި ނުކުރޭތޯ؟ އެއެންމެ ވަގުތުން ދޫކޮށްލުމަށް އަޅުގަނޑު ގޮވާލަން. މމިވަގުތު ވެސް އައްޑޫ ވިދާ ބަބުޅަނީ ރަން ރީނދޫ ކުލައިން . އަޅުގަނޑު ހައްޔަރު ކުރެވިދާނެ. މަރާވެސް ލެވިދާނެ. ތިޔަބޭފުޅުންނަށް ހީވޭތޯ އަޅުގަނޑު ތަނެއްގައި ހުޅުޖަހާފާނެހެން؟ އިބުރާއަށް އަޅުގަނޑު ދަންނަވާލަނީ ވަޑައިގަންނަވާށޭ، އަޅުގަނޑު ބަންދުކޮށްގެނޭ އެމީހުންނަށް ކަންތައްތަކެއް ކުރީ. ދެން ވަޑައިގެންފިއްޔާ އަޅުގަނޑުމެންގެ އަތް މަތީގައި ގެންގުޅޭނަން. ފުލުހުން އަޅުގަނޑުމެން ބިޑިއަޅުވައިގެން ހައްޔަރުކޮށްގެން ގެންދިޔަ އިރު އަނިޔާކުރި.

21:32 އަލީ ވަހީދު:

މުސާ އަލީ ޖަލީލު ފުލުސް އޮފީހަށް ދަމަންޏާ އެބުނެވެނީ ރާއްޖޭގެ ކާބަފައިން ޤައުމު ދިފާޢު ކުރުމަށް ކުރި މަސައްކަތުގެ ނަތީޖާއެއް ނެތޭ! ބްލެޓަކުން ވެރިކަމެއް ނުކުރެވޭނެ. ވެރިކަން ކުރެވޭނީ ވޯޓުން. ﷲ އަކުބަރު ކިޔާފައި ޤައުމުގައި ފިތުނަ އުފައްދާ މީހުންނަކީ މުނާފިޤުން

އަލީ ވަހީދު އަލީ ވަހީދު:

އަލީ ވަހީދު: އެމްޑީޕީ ރުޅައެއް ނުލެވޭނެ. އެމްޑީޕީން ސެއްޅިއެއް ވެސް ނުގެންދެވޭނެ. ރައީސް ނަޝީދު ބޭނުންފުޅުވި ނަމަ ބަޣާތްވާތް ކުރި ދުވަހު ބަޑި ވެސް ޖެހޭނެ. އެކަމަކު ވެރިކަމުގެ ޖާހު ދޫކޮށްލެއްވީ. އެއީ ލީޑަރުންނަކީ

ހަސަން ސައީދާއި ޖަމީލަށް ދަންނަވަން ބޭނުންވަނީ މުޅި އުމުރު ތި ހޭދަކުރައްވަނީ އެޕޮއިންޓެޑް މަގާމްތަކުގައޭ. އިލެކްޓެޑް މަގާމަކަށް ވަޑައެއްނުގެންނެވެއޭ

21:25 އަލީ ވަހީދު:

އަލީ ވަހީދު: އަވަސް އިންތިހާބަކަށް ދާންވީ. ރައްޔިތުން ނިންމާ ކޮންމެ ނިންމުމަކަށް އެމްޑީޕީން ތާއީދު ކުރާނެ. މީހުން މަރާފައި ކުރެވޭނެ ވެރިކަމެއް ނޯންނާނެ. އިދިކޮޅު މީހުން މަރާފައި ކުރެވޭނެ ވެރިކަމެއް ވެސް ނޯންނާނެ.

21:22 އަލީ ވަހީދު

ޖޫން ޖުލައިގެ ވިއްސާރައާއެކު އަޅުގަނޑުމެން އިންތިހާބެއް ގެންނާނަން. ފޭރިގެންފައިވާ ވެރިކަން ހޯދާނަން. ޕީޕީއެމްއަކީ މި ރާއްޖޭގެ މާޒީ. އެމްޑީޕީއަކީ މި ރާއްޖޭގެ އެންމެ ޒުވާން ޕާޓީ، މުސްތަގުބަލު

21:15

ތޮއްޑޫ ދާއިރާގެ މެންބަރު އަލީ ވަހީދު: ވެރިކަމަށް އެރުމާއެކު ޖީއެމްއާރް ބާލާނެ ކަމަށް ބުނި އެކަމަކު ޖީއެމްއާރު އަދިވެސް އެބައޮތް. އެހެންވީމާ މިނިވަންކަމާއި އިސްތިގުލާލޭ ކިޔައިގެން ވާހަކަދައްކާނެ ކަމެއް ނެތް.

21:14 ތޮއްޑޫ ދާއިރާގެ މެންބަރު އަލީ ވަހީދު:

ތޮއްޑޫ ދާއިރާގެ މެންބަރު އަލީ ވަހީދު: މި ދުސްތޫރުގެ އެންމެ ބޮޑު ބާރަކީ ވެރިޔަކު ކަނޑައެޅުމުގެ އިހުތިޔާރު އެކަމުގައި ވަލިއްޔުމް އަމުރަކީ ރައީސް ނަޝީދު ކަމަށް ރައްޔިތުން ނިންމާފައި. ރައީސް ނަޝީދު އަޒުލު ކުރެވޭނީ ރައްޔިތުންގެ މަޖިލީހުން. އެކަމަކު ފުލުހުންނާއި ސިފައިން ބަޔަކު ކުރި ކަމެއްގެ ސަބަބުން ގާނޫނު އަސާސީ އޮތީ ކޯމާއެއްގައި.

21:12 ތޮއްޑޫ ދާއިރާގެ މެންބަރު އަލީ ވަހީދު:

ތޮއްޑޫ ދާއިރާގެ މެންބަރު އަލީ ވަހީދު: މި މުޒާހަރާގެ ތެރެއަށް ފުލުހުންނާ ސިފައިންނަށް ވަދެގަންނާކަށް ނުކުރޭނެ. އަޅުގަނޑު ގޮވާލަނީ ހުރިހާ އެންމެން މި މައިދާނަށް ވަޑައިގަންނަވާށޭ!

21:10 ތޮއްޑޫ ދާއިރާގެ މެންބަރު އަލީ ވަހީދު:

ތޮއްޑޫ ދާއިރާގެ މެންބަރު އަލީ ވަހީދު: ވަހީދު، [ތަފާތު ނަންންތައް ބޭނުން ކުރެއްވި] ވެރިކަން އަޅުގަނޑުމެން ނިންމާނަން. އަޅުގަނޑުމެން އިންތިޒާރު ކުރަނީ މާޗް އެއްވަނަ ދުވަހަށް. އެދުވަހަށް ނުނިންމައިފިނަމަ ވަހީދު ފަހާ ދުވާނަން.

21:09

ތޮއްޑޫ ދާއިރާގެ މެންބަރު އަލީ ވަހީދު ވާހަކަފުޅު ދައްކަވަން ފައްޓަވައިފި

އަލްހާން ފަހުމީގެ ކޮއްކޮ، ނޫރުބާން އަލްހާން ފަހުމީގެ ކޮއްކޮ، ނޫރުބާން:

މިހާރު މިފެންނަނީ ބޮޑު މަންޒަރު، ބޭނުންވަނީ އިންތިހާބަކުން ގާއިމްކުރާ ވެރިކަމެެއް. 2013 ގެ ކުރިން އިންތިހާބެއް ބާއްވަން. ޕީޖީ ޣާފިލުވެ ކަންމަތީ ނުހުންނަވާ. އަޅުގަނޑުމެންގެ ގައިން އޮހޮރުނު ލޭގެ ބަދަލު ދޭށޭ!

އަޅުގަނޑުމެން މި ތިބީ އެއްވެސް ގޮތަކަށް ބާޣީ ސަރުކާރު ވައްޓާކަށެއް ނޫނޭ. އަޅުގަނޑުމެން މި އުޅެނީ އިންސާފު ހޯދަން

20:55

އެމްޑީޕީގެ މުޒާހަރާއަކީ ސުލްހަވެރި އެއްވުމެއް ކަމަށް ފުލުހުން ގަބޫލު ކޮށްފި. އެ އެއްވުމަށް އެއްވެސް ފަރާތަކުން ގޯނާކޮށްގެން ނުވާނެ ކަމަށް ފުލުހުން ބުނެފި ކަމަށް ކުރީގެ ސަރުކާރުގައި ރައީސް އޮފީހުގެ އަންޑަ ސެކްރެޓަރީ އިބްރާހިމް ރަޝީދު (ހޯރަ އިއްބެ) އިއުލާން ކޮށްފި. ފުލުހުންގެ ބަޔާން: ފުލުހުންގެ ބަޔާން: އެމްޑީޕީން މިއަދު ބާއްވާ މުޒާހަރާއަށް ދެކޮޅު ހެދުމުގެ ގޮތުން އެއްވެސް ފަރާތަކުން އެއްވެސް ޢަމަލެއް ނުހިންގުމަށް މޯލްޑިވްސް ޕޮލިސް ސަރވިސްއިން އިލްތިމާސް ކުރަން. އެ މުޒާހަރާއަކީ ސުލްޙަވެރި މުޒާހަރާއެއް ކަމަށާއި، އެ މުޒާހަރާ ހިނގަމުންދާނީ، މުޒާހަރާ ކުރިއަށް ގެންދިއުމަށް ކަނޑައަޅާފައިވާ ސަރަޙައްދުގައިކަމަށް އެމްޑީޕީން ވަނީ ފުލުހުންނަށް ޔަޤީންކަން ދީފައި. ވީމާ މި ދެންނެވި ސުލްޙަވެރި މުޒާހަރާއަށް ދެކޮޅު ހެދުމުގެ ގޮތުން އެއްވެސް ފަރާތަކުން އެއްވެސް ޢަމަލެއް ނުހިންގުމަށް މޯލްޑިވްސް ޕޮލިސް ސަރވިސްއިން އިލްތިމާސް ކުރަން.

20:53

މުޒާހަރާގައި މިހާރު ވާހަކަ ދައްކަވަނީ އެމްޑީޕީގެ ނައިބު ރައީސް އަލްހާން ފަހުމީގެ ކޮއްކޮ، ނޫރުބާން

20:49 މަޑަވެލީ ދާއިރާގެ މެންބަރު، އަހުމަދު ނާޒިމް:

މަޑަވެލީ ދާއިރާގެ މެންބަރު، އަހުމަދު ނާޒިމް: އަޅުގަނޑުމެން ތިބި ތަނަށް ރުޖޫއަ ވާނަން. އެކަން ކުރާނީ ރައްޔިތުންގެ ވޯޓުން. ވިޔަފާރިވެރިންގެ އަތްދަށަކު ނުވާނަން. ތިރީހަކަށް ފުލުހުންގެ އެހީއެއް ނުހޯދާނަން. އަޅުގަނޑުމެންގެ ރައީސުލްޖުމްހޫރިއްޔާ، މި ޕާޓީގެ ލީޑަރަކީ ފަހަތަށް ޖެހޭނެ ބޭފުޅެއް ނޫން. ޕާޓީގެ އެންމެ އިސް ލީޑަރަށް ކިޔަމަން ވަނީ ރައްޔިތުން ދެކެ އެ މަނިކުފާނު ލޯބިވާތީ. އެއްލައްކަ ރުފިޔާ، އައިޑީ ކާޑުން ބޭސް ކުރެވޭނެ ގޮތް ހަދައި ދިނީތީ.

20:45

މަޑަވެލީ ދާއިރާގެ މެންބަރު، އަހުމަދު ނާޒިމް: އަޅުގަނޑުމެން އެދޭގޮތް ނުހަދައިފިނަމަ އަޅުގަނޑުމެން މިތާ ތިބޭނަން. އަޅުގަނޑުމެން އެދެެނީ ބަގާވާތް ގެނައި ވިޔަފާރިވެރިންނަށް ރައްޔިތުން ތިބި ގޮތް މި މައިދާނުން ސާފުވާނެ ކަމަށް. އަޅުގަނޑުމެން އަބަދުވެސް މުޒާހަރާ ކުރާނަން. ތިނަދޫގައި ވަރަށް ގިނަ މީހުން މުޒާހަރާ ކުރަމުން އެބަދޭ. ޕީޕީއެމްގެ ލިސްޓަކަށް އެއިން އެއްވެސް މީހަކު ހައްޔަރުކޮށްގެން ނުވާނެ. އަޅުގަނޑާއި ގަސަމާ މިތިބީ އެއެންމެންގެ ފަހަތުގައި. މި ޕާޓީ ފަހަތަކަށް ނުޖެހޭނެ. އަޅުގަނޑުގެމެންގެ 34 ޕާލަމެންޓް މެންބަރުން ނުކުމެ ޖައްސާނަން.

20:42

މަޑަވެލީ ދާއިރާގެ މެންބަރު، އަހުމަދު ނާޒިމް: ބަޣާވަތް ކުރި ސަބަބު ސާފުވާން ޖެހޭ. މިއީ ވިޔަފާރިވެރިންގެ މަދުބަޔަކު، ސަރުކާރު ސިޔާސަތު މުށުތެރެއަށް ނުގެންދެވިގެން ކުރި ކަމެއް. ރައީސް ނަޝީދު ވެރިކަމަށް ވަޑައިގަތީ މަހުޖަނަކަށް ވިކިގެނެއް ނޫން.

20:41

ކުރީގެ ރައީސް މުހައްމަދު ނަޝީދު އަނެއްކާވެސް މުޒާހަރާގެ ތެރެއަށް ވަޑައިގެންފި

20:37

މަޑަވެލީ ދާއިރާގެ މެންބަރު، އަހުމަދު ނާޒިމް: އަޅުގަނޑު ދަންނަވާލަނީ ރާއްޖޭގައި ތިބި ލޮލަށް ނުފެންނަ ސިޔާސީ މީހުންނަށް ދިވެހި ރައްޔިތުން ތިބި ގޮތް. އަޅުގަނޑުމެންނަކީ ސުލްހަވެރި ބައެއް. އަޅުގަނޑުމެން މާދަމާވެސް އަނެއް ދުވަހުވެސް މިކަން ކުރިޔަށް ގެންދާނަން. އަޅުގަނޑުމެންގެ ޑިމާންޑަކީ، އަޅުގަނޑުމެން ރައްޔިތުން ބޭނުންވާ ވެރިކަން ގެނެސް ދުވަހެއް. ސީދާ އިންތިހޔާބު ބާއްވާނެ ތާރީހެއް ބުނަން. އެހެންނޫނީ ޖެހޭނީ މުޅި ރާއްޖެ މަދަނީ ބަސްނޭހުމެއްގެ ތެރެއަށް ގެންދަން.

20:31

މަޣުރިބު ނަމާދާއި އިޝާ ނަމާދަށް މެދު ކަނޑައިލި އެމްޑީޕީގެ ބޮޑު މުޒާހަރާއަށް އަނެއްކާވެސް މީހުން ވަނީ ޖަމާވެފައި. މިހާރު ގެނެސް ދެމުންދަނީ ރައީސް ނަޝީދުގެ ސަރުކާރު ބަދަލު ކޮށްލުމާ ބެހޭ ރިޕޯޓެއް.

20:18

ހޯރަފުށީ ދާއިރާގެ މެންބަރު އަހުމަދު ރަޝީދު (ރާއްޖެ ޓީވީގައި) : ހައްޔަރުކޮށްފައިވާ އެންމެން ދޫކޮށްލުން، އަލުން ގާނޫނީ އިމުގެ ތެރެއަށް ޑރ. ވަހީދު ވަނުމަކީ އަޅުގަނޑުމެންގެ ޑިމާންޑެއް.

20:15

ތިމަރަފުށީ މުސްތޮފާ (ރާއްޖެ ޓީވީގައި) ގާނޫނު އަސާސީއަށް އިސްލާހު ގެންނަން އުޅެނީ ބަޣާވަތް ކުރި މީހުން ސަލާމަތް ވާން ޖާގައެއް ހޯދަނީ. އިންތިހާބެއް ބާއްވަން ގާނޫނު އަސާސީ އިސްލާހު ކުރުމަށް ޖާގައެއް ނެތް، އެއީ ހީލަތެއް. ބަޣާވާތު ސަރުކާރު އައި ދުވަހު ބުނަމުން ދިޔައީ ޓެރަރިޒަމޭ، އެހެންވީމާ ކުރީގެ ރޯލް އަލުން ކުޅެން ފެށީ. އަޅުގަނޑުމެންނަށް އެނގޭ ބަޣާވަތުގެ އެންމެން.

20:10

ތިމަރަފުށީ މުސްތޮފާ: މުޒާހަރާ ކުރަން ނުކުތީ އެމްޑީޕީގެ ތާއީދު ދައްކާލުމަށް މުޒާހަރާގައި 25000 މީހުން ހިމެނޭނެ. މިތާނގައި ނިދާނީ ވެސް މިތާގައި ކައިބޯ ހަދާނީ ވެސް. އަޅުގަނޑުމެން އެނދެނީ މިނިވަން އިންތިހާބެއް ބޭއްވުމަށް އެއްބަސްވުމަށް. އެހެން ނޫނީ މިކަން ހުއްޓައެއް ނުލާނަން. ޔަގީން އެމީހުން އެއްބަސްވާނެ، އެމީހުން މުއްދަތެއް މިހާރު ވެސް ކިޔާ. އެކަމަކު އަޅުގަނޑުމެން ބޭނުން ވަނީ ޖުލައި ، ސެޕްޓެމްބަރުގައި އިންތިހާބު ބޭއްވުން. އަޅުގަނޑުމެން ހަތަރު ޝަރުތެއް ހުށަހަޅަން އެއްކަމަކީ ސަރުކާރު ބަދަލުވުމަށްފަހު ހައްޔަރުކޮށްފައިވާ އެންމެން ވަގުތުން ޝަރުތަކާ ނުލައި ދޫކޮށްލުން. އެހެން ޝަރުތުރުތައް ފަހުން އިއުލާން ކުރާނެ. މި ބަޣާވާތުގައި ހިމެނޭ މީހުންގެ މައްޗަށް އަޅުގަނޑުމެން ޝަރީއަތް ކުރާނަން.

ޑރ. ޖަމީލް

ހޯމް މިނިސްޓަރު، ޑރ. ޖަމީލް: ރާއްޖޭގައި އަމަންއަމާންކަން ގާއިމްކުރުމުގައި ސަރުކާރަށް އެއްބާރުލުން ދިނުމަށް ރާއްޖޭގެ ރައްޔިތުންނަށާއި ސިޔާސީ ފަރާތްތަކަށް އަޅުގަނޑު އިލްތިމާސް ކުރަން. ރާއްޖޭގައި އަމަންއަމާންކަމާއި ސުލްހަ މަސަލަސްކަން ގާއިމްކުރުމަށް ސަރުކާރުން އޮތީ ވަރަށް ސާބިތުކަމާއެކު. އެކަމުގައި ސަރުކާރަށް އެއްބާރުލުން ދިނުމަށް ރައްޔިތުންނާއި ސިޔާސީ ފަރާތްތަކަށް އަޅުގަނު ގޮވާލަން

ރާއްޖޭގެ ރައްޔިތުންނަށް ޔަގީންކަން އަރުވަން ބޭނުންވަނީ ރާއްޖޭގެ ހުރިހާ ރައްޔިތުންގެ އަމަންއާންމުކަމާއި ސުލްހަ މަސަލަސްކަން ގާއިމް ކުރުމުގައި ސަރުކާރު ވަރަށް ސާބިތުކަމާއި އެކީ ދެމިއޮތްކަން. އަމަންއަމާންކަން ގާއިމްކުރުމަށް ސަރުކާރަށް އެއްބާރުލުން ދިނުމަށް ރައްޔިތުންނާއި ސިޔާސީ ފަރާތްތަކަށް ގޮވާލަން

18:19 ޕޮލިސް މީޑިޔާ:

ޕޮލިސް މީޑިއާ: މިއަދުގެ އެމްޑީޕީން ފެށި މުޒާހަރާގެ ކަންތައްތައް ބެލެހެއްޓުމަށް ހަރަކާތްތެރިވާ ކޮމާންޑަރުންނާ ކޮމިޝަނާ ރިޔާޒު ވަނީ ބައްދަލުކުރައްވާފައި. މިއަދު މެންދުރު ފަހު ފުލުހުންގެ މައިމަރުކަޒުގައި އޮތް ބައްދަލުކުރެއްވުމުގައި ކޮމާންޑަރުންގެ ކިބައިން ސީޕީ އެދިވަޑައިގެންފައި ވަނީ ފުލުހުންގެ ހަރަކާތްތައް ޕްރޮފެޝަނަލްކޮށް ބެހެއްޓުމުގައި ހުރިހާ ކޮމާންޑަރުން ވެސް މަސައްކަތް ކޮށްދެއްވުމަށް.

18:10

އަލްހާން ފަހުމީ: އަޅުގަނޑުމެން މި ނިންމާލަނީ މަޣުރިބު ނަމާދަށް. ނަމާދަށް ހަމައެކަނި މި މެދުކަނޑާލަނީ ވާހަކަ ދެއްކުން. އަޅުގަނޑުމެންގެ މުޒާހަރާ ކުރިޔަށްދާނެ. މިތާނގައިވެސް ނަމާދު ކުރެވޭނެ. މިއީ މާތް ރަސްކަލާނގެ ބިން، އަޅުގަނޑުމެން ނުކުމެ މިތިބީ ބާޣީ ސަރުކާރާ ދެކޮޅަށް އަޅުގަނޑުމެން އެނބުރި ދާނީ މިކަން ކޮޅެއްގައި ޖައްސާ ނިންމާފައި.

އިބުރާ

އިބުރާހިމް އިސްމާއިލް (އިބުރާ): ވެރިކަމާއިގެން އުޅެންވާނީ ރައްޔިތުންގެ ވޯޓް އަތުލެވޭވަރުގެ މީހުން. ޣައިރު ގާނޫނީ އަމުރޭ ކިޔާއިރު ކުރީގެ ސަރުކާރުން ކުރި ޣައިރު ގާނޫނީ އަމުރެއް ބުނެއް ނުދެވެެއޭ.

މިތަނުން މިއަދު ގޮތެއް ނިންމަންޖެހޭނެ. އަޅުގަނޑުމެން ދެން ދާންވީ ނަމާދަށް. ނަމާދަށް ފަހު އަންނަންވީ.

18:06

އިބުރާހިމް އިސްމާއިލް (އިބުރާ): އަޅުގަނޑު ދަންނަވާނީ އެންމެ ފުރަތަމަ ގައުމޭ، އޭގެ ފަހުންނޭ ސިޔާސީ ކުޅިވަރު ކުޅޭނީ. މިކަން ކޮށްފައޭ ހުއްޓާލާނީ. އަޅުގަނޑު ބުނަން އޮތީ [ހުތުރު ބަސްތަކެއް] ވަހީދު އަޅުގަނޑުމެން މިކަމެއް ނުހުއްޓާނަން އިންތިހާބު ބާއްވާނެ ދުވަހެއް އިއުލާން ނުކުރަނީސް.

18:04 ލޮނު ޒިޔާރަތްކޮޅުން

އިބުރާހިމް އިސްމާއިލް (އިބުރާ): މަގުރިބު ނަމާދު ވަގުތު ޖެހުމުން ނަމާދަށް މިސްތިކަށް ދިއުމަށްފަހު އެންމެން އެނބުރި އައުމަށް އިއުލާން ކޮށްފި.

18:00

އިބުރާހިމް އިސްމާއިލް (އިބުރާ): ރާއްޖޭގައި ހުރިހާ ރަށެއްގައި މި އަޑު އުފުލަމުން އެބަދޭ. މިއީ މީހުންގެ ބާރަކީ. މި ކަމުގައި ބައިވަރިވަނީ ހުރިހާ ޕާޓީއެއްގެ އެންމެން. ރައްޔިތުން ހޮވާ ވެރިކަމާ ވިރާސީ ރަސްކަން ފިޔަވައި ދެން ކިޔަނީ ޣައްދާރުވެރި ބައިގަނޑެކޭ. ވަހީދަށާ އޭނާގެ ބައިވަރިންނަށް ބުނަން އޮތީ ކަލޭމެން ހުރޮހާ އލތނ ރައްޔިތުންނަށް ޖަވާބުދާރީވާން ޖެހޭނޭ، ވަފާތެރި ސިފައިންނާއި ފުލުހުން ލަދު ގަންނަވައިފި.

17:57

އިބުރާހިމް އިސްމާއިލް (އިބުރާ): އިންތިހާބު ކުރި ސަރުކާރު ބަޑީގެ ތުނޑު ޖައްސާ އިންގިލާބު ކުރި ރޭ އަޅުގަނޑު ބުނިން މިކަން ކޮޅެއްގައި ނުޖެހެނީ މާ ރީއްޗެއްކޮށް ވާހަކައެއް ނުދެއްކޭނޭ. އަޅުގަނޑު އެދުވަހު އައި ރުޅން ތަންކޮޅެއް ވެސް މައިތިރިއެއް ނުވޭ. މިއަދު މިތާ މިތިބީ ދިވެހި ރައްޔިތުން. ހަމައެކަނި މާލޭގައި އުޅޭ މީހުނެއް ނޫން.

17:55

ޑރ. ފަރަހަނާޒު ފައިސަލްގެ މެސެޖެއް މުޒާހަރާގައި އިއްވައިފި.

17:51

ސަރަނގު އާދަމް މަނިކު، މުޒާހަރާގައި: މިއަދަކު ބިރެތް ނެތް، ޖަރީމާ ހިންގާފައި އަޅުގަނޑުމެންގެ ބޮލުގައި ނާޅުވައްޗޭ. ވަހީދު ހައްދަވަންވީ ގޮތަކީ އަޅުގަނޑުމެން މަގުމައްޗަށް ނުނުކުންނާނެ ގޮތަކަށް އިސްތިއުފާ ދެއްވާފައި އިންތިބު ބާއްވާން. ކެރެންޏާ އިންތުހާބު ވާއްވަންވީ މޮޅުވި މީހެއްގެ ފަހަތުގައި ތިބޭނަން. މިއަދު ބޭނުން ވަނީ ޣައިރު ގާނޫނީ ސަރުކާރުން އިންތިހާބު ބާއްވާނެ ތާރީހެއް ދިނުމަށް.

ސަރަނގު އާދަމް މަނިކު

ސަރަނގު އާދަމް މަނިކު، މުޒާހަރާގައި: 23 ޑިސެމްބަރު މުޒާހަރާ ކުރި މީހުން ހީކުރީ ވަރަށް ގިނަ ބައެކޭ. އެ މުޒާހަރާގައި ބައިވއރިވި މީހުން މިހާރު މިތިބީ އަޅުގަނޑާއެކު މިތާގައި. ކިތަންމެ ހުރަސް އެޅިއަސް ރައްޔިތުން ބޭނުން ވަނީ މިނިވަންކަން. އެކަމަކަށް ޑރ. ވަހީދަކަށް ހުރަހެއް ނޭޅޭނެ. އަޅުގަނޑު މިދަންނަވަނީ ވަަހީދު ވެސް މިމަންޒަރު ބައްލަވާށޭ. މިކަމެއް ނުހުއްޓުވޭނެ. އަޅުގަނޑުމެންގެ އުންމީދުތަކަށް ފުރުސަތު ނުދޭނަމަ މިހެން މަޑުމަޑަކުން ނުތިބޭނެ.

މިތާނގައި މިތިބީ އަންނަނަން ބޭނުންވި ކޮންމެ 100 މީހުންގެ ތެރެއިން އެކަކު. އަނެއް ބައި މީހުން ވަނީ ބިރު ދައްކާ ހުރަސްތައް ކުރިމަތި ކުރުވުމުގެ ސަބަބުން ނާދެވިފައި

މުސްތޮފާ، މުޒާހަރާގައި

މުޒާހަރާއަށް ވަޑައިގެން ކުރީގެ ރައީސް މުހައްމަދު ނަޝީދު ވެސް މުޒާހަރާ މައިދާނުގައި އިށީނދެ ވަޑައިގެން އެބައިންނެވި.

ގެއަށް ނުދާތީ ފޭރިގަތް ވެރިކަން އަނބުރާ ރުޖޫއަ ނުކުރާހާ ހިނދަކު. އަޅުގަނޑުމެން ގެއަށް ދާންވާނީ އަޅުގަނޑުމެން އަތު ފެރުގަތް ވެރިކަމާއެކު

17:31

މުސްތޮފާ: ވަހީދު އިސްތިއުފާ ދެއްވާފައި ހަމަ މިހާރު ގާނޫނު އަސާސީއަށް ރުޖޫއަވާންވީ. އާޒިމާއަކީ ބަންޑާރަ ނައިބެއް ނޫން. ތަކުރާރުކޮށް މި ގޮވާލަނީ ވެރިކަން ރުޖޫއަ ނުކުރަނީސް ގެއަށް ނުދާތި، ދެވަނަ ގޮތަކީ ވަހީދު އިސްތިއުފާ ދޭން. އަޅުގަނޑުމެން ބޭނުން ވަނީ ޖޫން މަހު އިންތިހާބަކަށްދާން.

ހޯރަ އިއްބެ

ތިމަރަފުށީ މުސްތޮފާ: ރާއްޖޭގެ މީޑިއާއިން މި ހަރަކާތް ލައިވް ކޮށްދޭން ޖެހޭނެ. މިއޮތީ ރައްޔިތުން އެއްވެފައި. އަޅުގަނޑުމެން ދާނީ ފޭރިގަތް ވެރިކަން އަނބުރާ ދިނުމުން. އަޅުގަނޑު ނުގޮވާލާނަން އިންތިހާބަކަށް. އަޅުގަނޑު ގޮވާލަނީ ފޭރިގަތް ވެރިކަން އަނބުރާ ދިނުމަށް

މުޒާހަރާގެ މަންޒަރު ވަގުތުން އެމްބީސީގެ ޓީވީއެމް އިން ގެނެސް ދިނުމަށް ގޮވާލަން. ވަގުތުން މިމަންޒަރުތައް ދައްކަން ފަށާ.

17:15 ފުލުހުންގެ ބަޔާން:

ފުލުހުންގެ ބަޔާން: އެމްޑީޕީން މިއަދު ބާއްވާ މުޒާހަރާއަށް ދެކޮޅު ހެދުމުގެ ގޮތުން އެއްވެސް ފަރާތަކުން އެއްވެސް ޢަމަލެއް ނުހިންގުމަށް މޯލްޑިވްސް ޕޮލިސް ސަރވިސްއިން އިލްތިމާސް ކުރަން. އެ މުޒާހަރާއަކީ ސުލްޙަވެރި މުޒާހަރާއެއް ކަމަށާއި، އެ މުޒާހަރާ ހިނގަމުންދާނީ، މުޒާހަރާ ކުރިއަށް ގެންދިއުމަށް ކަނޑައަޅާފައިވާ ސަރަޙައްދުގައިކަމަށް އެމްޑީޕީން ވަނީ ފުލުހުންނަށް ޔަޤީންކަން ދީފައި. ވީމާ މި ދެންނެވި ސުލްޙަވެރި މުޒާހަރާއަށް ދެކޮޅު ހެދުމުގެ ގޮތުން އެއްވެސް ފަރާތަކުން އެއްވެސް ޢަމަލެއް ނުހިންގުމަށް މޯލްޑިވްސް ޕޮލިސް ސަރވިސްއިން އިލްތިމާސް ކުރަން. މި މުޒާހަރާ ކުރިއަށްދާ ވަގުތު އަމަން އަމާންކަން ބެލެހެއްޓުމަށް ފުލުހުން އަޅަންޖެހޭ އެންމެހާ ފިޔަވަޅުތައް އަޅަމުންދާނެއެވެ. އަދި އަމަން އަމާންކަން ބެލެހެއްޓުމުގައި ދިވެހި ސިފައިންވެސް ފުލުހުންނަށް އެހީތެރިކަން ފޯރުކޮށްދެމުން ދާނެ. ވުމާއެކު އަމަން އަމާންކަން ބެލެހެއްޓުމާއި ސުލްޙަ މަސަލަސްކަން ޤާއިމް ކުރުމުގައި ހުރިހާ ރައްޔިތުންގެ އެހީތެރިކަމާއި އެއްބާރުލުން ދިނުމަށް މިސަރވިސްއިން އިލްތިމާސް ކުރަން.

17:09 ލޮނު ޒިޔާރަތްކޮޅުން

އަހުމަދު އަބްދުﷲ، މުޒާހަރާގައި: އަޅުގަނޑުމެން މިދަނީ ދިގު ދެމިގެންދާ މުޒާހަރާއަކަށް. އަޅުގަނޑުމެން ބޭނުން ވަނީ އިންތިހާބު ބާއްވާނެ އަވަސް ތާރީހެއް. ސުލްހަވެރި ސިޔާސީ ހަރަކާތް ހިނގާނީ މިހެން، އަޅުގަނޑުމެން މި ދައްކަދެނީ އަދިވެސް އެގޮތްތައް. ހުރިހާ އެންމެން ވެސް ހަރުއަޑު އިންތިހާބު ބާއްވާން ގޮވާލާ. ރައްޔިތުންގެ ބުނަން ފުރުސަތު ދީ

އިބުރާހިމް ރަޝީދު (ހޯރައިއްބެ)

މިހާރު ވާހަކަ ދައްކަވަނީ އިހަވަންދޫ ދާއިރާގެ މެންބަރު އަހުމަދު އަބްދުﷲ

ނަމާދު ވަގުތު ޖެހުމުން ހުރިހާ ބޭފުޅުން ވެސް މިސްކިތަށް ވަޑައިގަތުމަށްފަހު އަލުން މުޒާހަރާއާ ގުޅިވަޑައިގަތުމަށް އެދެން. ދަރުބާރުގޭގެ މާލަތަން ހިފާފައިވަނީ މުޒާހަރާގެ ބޭނުންތަކަށް

17:00 ހެންވޭރު ޕާކު ތެރެއިން

އެމްޑީޕީގެ މުޒާހަރާ ކުރިޔަށްދާއިރު ޕާޓީގެ ބޭނުންތަކަށް ދަރުބާރުގޭގެ ހުރިހާ މާލަމައް ހިފާފައިވާ ކަމަށް ވަނީ މުޒާހަރާގައި އިއުލާން ކޮށްފައި. ނަމާދު ވަގުތުތަގައި އެ މާލަންތައް ބޭނުން ކުރެވޭނެ ކަމަކަށް ނުބުނޭ.

16:57

އެމްޑީޕީގެ މުޒާހަރާގައި މިހާރު ވާހަކަފުޅު ދައްކަވަނީ ދާންދޫ ދާއިރާގެ މެންބަރު، މުހައްމަދު ރިޔާޒު. އޭނާގަ ވާހަކަފުޅުު ބިނާވެފައި ވަނީ ހަތެއް ފެބުރުއަރީގައި ވެރިކަން ބަދަލުވި ހާދިސާގެ މައްޗަށް

16:42 ސުނާމީ ބިނާ ސަރަހައްދުން

މިހާރު ވާހަކަ ދައްކަވަނީ ހޯރަފުށީ ދާއިރާގެ މެންބަރު އަހުމަދު ރަޝީދު. އޭނާ ވިދާޅުވީ އަވަސް ރިޔާސީ އިންތިހާބެއް ބާވަން ޖެހޭ ކަމަށް.