މަޓާޓޯ މޯލްޑިވްސް ޓްރެވަލް އެވޯޑްސް 2018 ގެ ގާލާގެ ލައިވް ކަވަރޭޖަށް މަރުހަބާ!
މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ)އިން 2012 ވަނަ އަހަރުން ފެށިގެން ކޮންމެ އަހަރު ބާއްވަމުން އަންނަ މޯލްޑިވްސް ޓްރެވަލް އެވޯޑްސްގެ މި އަހަރުގެ ގާލާ އޮންނަނީ ޕެރެޑައިސް އައިލެންޑް ރިސޯޓުގައި. މިއީ ޓްރެވަލް އެވޯޑްސްގެ ފުރަތަމަ ގާލާވެސް އޮތް ތަން.
މިރޭގެ ގާލާގައި މުޅި ރާއްޖޭގެ ޓޫރިޒަމް ދާއިރާގައި ފާހަގަކޮށްލެވޭ ފަރާތްތަކަށް އިނާމު ދިނުން އޮންނާނެ. އޭގެ ތެރޭގައި ރިސޯޓުތަކާއި ލިވްއަބޯޑާއި އެއާލައިންތަކުގެ އިތުރުން އެހެން ފަރާތްތަކަށްވެސް އެވޯޑު ދޭނެ.
މީގެ އިތުރުން މި އަހަރުގެ ޓްރެވަލް އެވޯޑްސްގެ ޕީޕަލްސް އެޑިޝަނުގެ ދަށުން، ދާއިރާއިން ފާހަގަކޮށްލެވޭ ފަސް މީހަކަށް އެވޯޑު ދޭނެ.
