ދައުލަތަށް ގިނަ ދުވަހު ހިދުމަތް ކުރެއްވި ނިޝާން އިއްޒުންދީންގެ އިއްޒަތުގެ ވެރިޔާ އަބްދުއްސައްތާރު މޫސާ ދީދީ އަވަހާރަވުމާ ގުޅިގެން، ގައުމީ ދިދަ ތިން ދުވަހަށް ބައިދަނޑިއަށް ތިރިކުރުމަށް ރައީސުލްޖުމްހޫރިއްޔާ ނިންމަވައިފި އެވެ.
ރައީސްގެ އެ ނިންމުން އިއުލާން ކުރެއްވީ ރައީސް އޮފީހުގެ ސްޕޯކްސްޕާސަން އިބްރާޙިމް މުއާޒު އަލީ މިރޭ ކުރެއްވި ޓްވީޓެއްގަ އެވެ.
މުއާޒު ވިދާޅުވެފައި ވަނީ އަބްދުއްސައްތާރުގެ އާއިލާއަށް ރައީސް ތައުޒިޔާ ވިދާޅުވެފައިވާ ކަމަށެވެ.
NIIV Abdusatthaaru Moosa Didi avahaaravumaa gulhigen, aailaa ah Raeesuljumhooriyyaa thauziyaa vidhaalhuvejje. pic.twitter.com/Pi0m4efNNP
— Ibrahim Muaz Ali (@SpokespersonMV) November 27, 2015
އަބްދުއްސައްތާރު މޫސާދީއަކީ ރާއްޖެ އިނގިރޭސީންގެ އަތްދަށުން މިނިވަން މަސައްކަތް ކުރެއްވުމުގައި ބޮޑު ހިއްސާއެއް އަދާކުރެއްވި ބޭފުޅެކެވެ. ރާއްޖެ މިނިވަންވި ދުވަހު- 26 ޖުލައި 1965ގައި- އެ އެއްބަސްވުމުގައި ސޮއި ކުރެއްވި ގަލަންކޮޅު ވެސް އިބްރާހިމް ނާސިރު ހަދިޔާ ކުރެއްވީ އަބްދުއްސައްތާރު މޫސާ ދީދީ އަށެވެ.
ދިވެހިންނާއި އާންމުތަނެއްގައި އެންމެ ފަހުން އަބްދުއްސައްތާރު ވާހަކަފުޅުދެއްކެވީ ރާއްޖެ އަށް މިނިވަންކަން ލިބުމުގެ އެގްރިމެންޓްގައި އޭރުގެ ބޮޑުވަޒީރު އިބްރާހިމް ނާސިރު ސޮއި ކުރެއްވި ގަލަންކޮޅުގެ ނަކަލު ނެރުނު ރަސްމިއްޔާތުގަ އެވެ.