މުޅި ދުނިޔޭގެ ފަތުރުވެރިކަން ހުއްޓި ރާއްޖޭގެ އިގްތިސާދު މަރުވި

ކޮވިޑަކީ މުޅި ދުނިޔެއަށް ފެތުރުފައިވާ ބަލިމަޑުކަމެއް ކަމަކަށްވެ މުޅި ދުނިޔެ ބިރުވެރިކަމެއްގެ ތެރެއަށް ވައްޓާލި

މާލެ ތެރެއިން ފުރަތަމަ ކޮވިޑް ކޭސް ފެނި ރައްޔިތުން ވޭނީ ދިގު ފުރަބަންދަކަށް ދާން މަޖުބޫރުވި

ފުރަބަންދާ އެކު އެތައް އާދަތަކާއި ދިރިއުޅުން އެ ފުށްމިފުށަށް ޖެހި އުންމީދުތައް އެކީ ގެއްލިދިޔަ

ސަފާރީ "ރޭޕް ކޭސް" އާ އެކު ޖިންސީ ގޯނާގެ ސަގާފަތުގެ ވާހަކަ އަލުން ދައްކަން ފަށައި، އެ މައްސަލަ ހައްލުކުރަން ސަރުކާރަށް ޕްރެޝަރުތައް ކުރިމަތިކުރުވި

ކޮވިޑުގެ ހަމަ ހިމޭންކަމަށް ފަހު ރާއްޖެ އަލުން ހަލަބޮލިވި. ބޯޑަރު އަލުން ހުޅުވި ޓޫރިޒަމަށް އުންމީދު ގެނައި. ދަރިވަރުން އެނބުރި ސުކޫލްތަކަށް ދިޔަ. ކޮވިޑުގެ ތެރޭގައި އެންމެ ހަރަކާތްތެރި މިނިސްޓަރު އަލީ ވަހީދު ވަކިކުރުންވީ ބޮޑު ސަޕްރައިޒަކަށް.

ދިވެހިން ނިއު ނޯމަލްގެ ދިރިއުޅުމަށް އެނބުރެން ފެށި. މި އާ ދިރިއުޅުމުގައި ދިވެހިންނަށް އޮތީ މާސްކު އެޅުން. ކޮވިޑުގެ ތެރޭ ސަރުކާރުން ކުރި ހަރަދުތަކުގެ ބިތު ފަންގި ނެގި އެތައް ކަމެއް ފަލީހަތްވި.

އަންހެނުންނާއި ކުޑަކުދިންނަށް ޖިންސީ ގޯނާކުރުމުގެ މައްސަލަތަކުގެ އަޑުގަދަވެ ރައްޔިތުން މަޖިލީހުން އެކަން ހައްލުކުރަން ތާރީހީ ފިޔަވަޅެއް އެޅި.

ކޮވިޑުގެ ނުރައްކަލަށް ބީރު ކަންފަތެއް ދެއްވަމުން ގެންދެވި ދުނިޔޭގެ އެންމެ ބާރުގަދަ ލީޑަރަށް ވެސް އެ ރޯގާގެ ވޭން ތަހައްމަލު ކުރަން ޖެހިވަޑައިގަތް. އަނބިމީހާ ރޭޕްކުރުމާ ދެކޮޅަށް ހައިކޯޓުގެ ވަރުގަދަ ނިންމުމެއް އައި.

މަރުވެފައިވާ އިގްތިސާދު އަލުން ދިރުވުމަށް އަންނަ އަހަރަށް ސަރުކާރުން އާ ލަޑުދަނޑިތަކަކާ އެކު ރެކޯޑު ބޮޑު ބަޖެޓެއް މަޖިލީހަށް ހުށަހެޅި. އަދި ޓްރަމްޕްއަށް ނާކާމިޔާބުވެ އެމެރިކާގެ 46 ވަނަ ރައީސްއަކަށް ބައިޑެން ވެވަޑައިގަތް.

ބަލިމަޑުކަމާ އެކުވެސް ރާއްޖެއިން ފަތުރުވެރިކަމުގައި އާ ލަނޑުދަނޑިތަކެއް ހާސިލްކޮށް ދުނިޔެއަށް ނަމޫނާ ދެއްކި. އިގްތިސާދަށް ދިރުން ލިބި އުންމީދުތައް އާވި. އަހަރު ނިންމާލީ އިންސާފު ގާއިމްވާނެ ކަމުގެ އުންމީދާ އެކު.