ވަން ޕްލަސް އިން ފޭސް އަންލޮކް ތައާރަފްކުރީ ހުސްވި އަހަރު ނިމެނިކޮށް ނެރުނު ވަންޕްލަސް 5ޓީ އާއެކުއެވެ. އޭގެ ފަހުން ވަން ޕްލަސް 5 އަށްވެސް އެ ފީޗާ ތައާރަފްކުރިއެވެ.
ވަން ޕްލަސް އިން މިހާރު މަސައްކަތް ކުރަނީ ވަން ޕްލަސް 3 އަދި 3ޓީ އަށް ފޭސް އަންލޮކް ތައާރަފް ކުރުމަށެވެ.
ވަން ޕްލަސް އިން އިއުލާނުކޮށްފައިވާ ވަން ޕްލަސް 6 ވެސް މިއަހަރުގެ ދެވަނަ ކުއާޓަރު ނިމުމުގެ ކުރިން ބާޒާރަށް ނެރުމަށް ވަނީ ތައްޔާރުވެފައެވެ.
ވަން ޕްލަސްގެ ގްލޯބަލް ޑިރެކްޓާ ކާލް ޕެއި ވިދާޅުވީ 3ޓީ އަދި 3 އަށް ފޭސް އަންލޮކް ތައާރަފްކުރަނި ގިނަ ކަސްޓަމަރުންގެ އެދުމުގެ މަތިން ކަމަށެވެ.
ވަން ޕްލަސް އިން އަންނީ ގަތްގަނޑަކަށް "އަހަރު ދެކޮލު" އާ ފޯނެއް ތައާރަފް ކުރަމުންނެވެ. އެގޮތިން މިދިޔަ އަހަރުުގެ ޖޫންމަހި ވަން ޕްލަސް 5 ތައާރަފް ކުރުމަށްފަހު އޮކްޓޯބަރު މަހު ވަނީ 5 ޓީ ތައާރަފް ކޮށްފައެވެ.
މީގެ ކުރިން ވަން ޕްލަސް ފާހަގަވެފައި ވަނީ ފަހުގެ ޓެކްނޮލަޖީ އެކުލެވޭ، އަގުހެޔޮ ފޯނު ތަކެއްގެ ގޮތުގައި ނަމަވެސް އެންމެ ފަހުން މި ބްރޭންޑު ވެސް މިހާރު މިވަނީ އަގުބޮޑު ފޯނުތަކުގެ ލިސްޓުން ޖާގަ ހޯދައިފަ އެވެ.