"ޗައިނާ މޯލްޑިވްސް ފްރެންޑްޝިޕް ބުރިޖް"ގެ މަސައްކަތް ކަނޑައަޅާފައި ތާރީޚަށް ނިންމާނެ ކަމުގެ ޔަގީންކަން ޗައިނާ ސަރުކާރުން ތަކުރާރުކޮށް ދީފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
"ކަނޑައެޅިފައިވާ ތާރީހަށް ބުރިޖްގެ މަސައްކަތް ނިންމާ ސަރުކާރާ ހަވާލުކުރާނެ ކަމުގެ ޔަގީންކަން ޗައިނާ އިން ވަނީ ދީފައި،" ހައުސިން މިނިސްޓަރު ވިދާޅުވި އެވެ.
Raees Yameen China ah kurevvevi furamaana dhathurufulhugai, CMFB ge masakkai kanda elhifaivaa thaareekhah nimmaa sarukaaraa havaalu kuravvaane kamuge yageenkan China sarukaarun thakuraaru kohdhevvi.
— Dr.Mohamed Muizzu (@MMuizzu) December 9, 2017
ހުޅުމާލެ - މާލެ ބުރިޖުގެ މަސައްކަތް ކުރަނީ ޗައިނާގެ ސީސީސީސީ ކުންފުނިންނެވެ. އެ ކުންފުނިން މިދިޔަ މަހު ބުނެފައި ވަނީ މަސައްކަތުގެ 67 ޕަސެންޓް ނިމިފައިވާ ކަމަށެވެ.
އެ މަަސައްކަތް ނިންމުމަށް ތާވަލުކޮށްފައި ވަނީ އަންނަ އަހަރުގެ ޖުލައި 26 އަށެވެ.
ބުރިޖު އެޅުމަށް ޖުމްލަ 300 މިލިއަން ޑޮލަރު (4626 މިލިއަން ރުފިޔާ) ޚަރަދުވެ އެވެ. އެ ފައިސާގެ ތެރެއިން 100 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 170 މިލިއަން ޑޮލަރު ޗައިނާ އިން ދޭނީ ލޯނު އެހީގެ ގޮތުގަ އެވެ. އެ ލޯނުގެ އިންޓްރެސްޓަކީ ދެ ޕަސެންޓެވެ. ބުރިޖް އެޅުމަށް ދިވެހި ސަރުކާރުން 30 މިލިއަން ޑޮލަރު ޚަރަދުކުރާނެ ކަމަށް ފައިނޭންސް މިނިސްޓްރީ އިން ވަނީ ބުނެފަ އެވެ.