މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ 31 ވަނަ އަހަރީދުވަހުގެ ކޭކް ފެޅުމާއި ދިދަ ނެގުމުގެ ރަސްމިއްޔާތު ބާއްވައިފިއެވެ.
މިއަދު އެމްޕީއެލްގެ ބޭރުގައި މިކަމަށްޓަކައި ބޭއްވި ރަސްމިއްޔާތު ޝަރަފުވެރި ކޮށްދެއްވީ އެމްޕީއެލްގެ ސީއީއޯ އިބްރާހިމް އަބްދުލް ރައްޒާގް ހަލީމް އެވެ. އެ ރަސްމިއްޔާތުގައި އަހަރީ ދުވަހުގެ ކޭކް ފެޅުމުގައި ހަލީމް އާއެކު އެމްޕީއެލްގެ ސްޓާފުންވެސް ވަނީ ބައިވެރިވެފައެވެ.
މި ރަސްމިއްޔާތުގައި ވާހަކަ ދައްކަވަމުން އެމްޕީއެލްގެ އޭސީއީއޯ ރާބިހް މުހައްމަދު ވިދާޅުވީ، އެމްޕީއެލްގެ މަސައްކަތް އެންމެ ފުރިހަމަކޮށް އެންމެ ރަނގަޅަށް ކުރިޔަށްގޮސްފައިވަނީ ރައީސް ޔާމީންގެ މި ވެރިކަމުގެ ދުވަސްވަރުގައި ކަމަށެވެ.
ރާބިހް ވަނީ އެމްޕީއެލްއަށް 31 އަހަރު ފުރުމުގެ މުބާރަކް ބާދީ ހުރިހާ މުވައްޒަފުންނަށް އަދާކޮށްފައެވެ.