ހުޅުމާލޭ އިމާރާތެއްގެ ހަތް ވަނަ ބުރިން ބިދޭސީއަކު ވެއްޓި މިރޭ މަރުވެއްޖެ އެވެ.
ފުލުހުންގެ މީޑިއާ އޮފިޝަލަކު 'ސަން'އަށް ވިދާޅުވީ މަރުވެފައި ވަނީ 35 އަހަރުގެ ބަންގްލަދޭޝްގެ ރައްޔިތެއް ކަމަށެވެ. އޭނާ މަރުވީ އޭޑީކޭ އައިސީޔޫގައި ފަރުވާ ދެމުންދަނިކޮށް، މިއަދު އިރުއޮއްސި 6:30 އެހާކަންހާއިރު އެވެ.
އެ މީހާ ވެއްޓުނު އިމާރާތަކީ އަމިއްލަ ކުންފުންޏެއް ކަމަށްވާ އެކްޕާޓްސް މޯލްޑިވްސްއިން އިމާރާތް ކުރަމުންދިޔަ ތަނެކެވެ. ފުލުހުން ބުނީ އޭނާ ވެއްޓެން މެދުވެރިވި ސަބަބު އަދި ނޭނގޭ ކަމަށާއި އެ މައްސަލަ ތަހުގީގު ކުރަމުންދާ ކަމަށެވެ. \
އިމާރާތް ކުރާއިރު ރައްކާތެރިވުމުގެ ގޮތުން ސޭފްޓީ ބެލްޓް އެޅުމަކީ އިމާރާތް ކުރުމާ ބެހޭ ގަވާއިދުގެ ދަށުން ލާޒިމް ކަމެކެވެ.