މ. ލައިޓް ސިގްނަލް ގޭގައި މަރުވެފައި ތިއްބައި ފެނުނު ދެ މަފިރިންގެ ހަށިގަނޑުން ނެގި ސާމްޕަލްތައް ޓެސްޓު ކުރުމަށް ރައްޖެއިން ބޭރަށް ފޮނުވަން ނިންމައިފިއެވެ.
ނިދާ ނުހޭލައިގެން ވަދެ ބެލި އިރު މި މަހުގެ އަށް ވަނަ ދުވަހު މަރުވެފައި ތިއްބައި ފެނިފައި ވަނީ ތ. ވިލުފުށީ، ގާސިމް ޝާހިދު، 47، އަދި ރަޒީނާ އިބްރާހިމް، 42، އެވެ.
ފުލުހުންގެ މީޑިއާ އޮފިޝަލް ވިދާޅުވީ އެ ދެ މީހުންގެ ހަށިގަނޑުން ނެގި ސާމްޕަލްތައް ރާއްޖެއިން ތަހުލީލުކުރިއިރު އެއްވެސް މައްސަލައެއް ފާހަގަނުކުރެވޭ ކަމަށާއި ރާއްޖެއިން ބޭރަށް އެ ސާމްޕަލްތައް ފޮނުވައިގެން ތަހުލީލުކުރަން ނިންމާފައިވާ ކަމަށެވެ.
އެ ދެ މީހުންގެ ހަށިގަނޑުގެ ބޭރުފުށުން އެއްވެސް ޒަޚަމެއް ނުވަތަ އަނިޔާގެ ނިޝާނެއް ފެންނަން ނެތް ކަމަށް ފުލުހުން ވަނީ ބުނެފައެވެ.