ހ. ސޯސަންފުލާވާގައި ރޯވި އަލިފާންގަނޑު ފެތުރުމުގެ ކުރިން އަލިފާންގަނޑު ކޮންޓްރޯލްކޮށްފި އެވެ.
ހ. ސޯސަންފުލާވާގައި ރޯވި އަލިފާންގަނޑު ފެތުރުމުގެ ކުރިން އަލިފާންގަނޑު ކޮންޓްރޯލްކޮށްފި އެވެ.
ހ. ސޯސަންފުލާވާ ގޭގައި ރޯވި އަލިފާންގަނޑު، ސިފައިންނާއި ފުލުހުންގެ މަސައްކަތުން ނިއްވާލާއިިފި އެވެ. އަލިފާންގަނޑު ކޮންޓްރޯލު ކުރެވުނީ ބައިގަޑިއެއްހާއިރުގެ މަސައްކަތުންނެވެ.
އެ ހާދިސާގައި އެއްވެސް މީހަކަށް ގެއްލުމެއް ނުވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)އިން ބުންޏެވެ. ނަމަވެސް އަލިފާން ރޯވި އިމާރާތަށް ގެއްލުންތަކެއް ވަނީ ވެފަ އެވެ. އެގޮތުން އިމާރާތުގެ އެންމެ މަތީ ބުރީގައި ހިނގި އެ ހާދިސާގައި އެތަނުގައި ހުރި ލަކުނޑިތަކެއް އަނދައިފައިވެ އެވެ.
އަލިފާނުގެ ހާދިސާ ހިނގި ފަންގިފިލާގައި ބަޔަކު ދިރިނޫޅެ އެވެ. އެ އިމާރާތުގެ އެންމެ މަތީ ބަޔަކީ ޑެކު އަޅައިގެން ހަދާފައިވާތަނެއް ކަމަށްވެ އެވެ. އެ ހާދިސާގައި އިމާރާތުގައި ރެނދުލާފައިވާ ކަމަށް އެ ސަރަހައްދުގައި ތިބި ސަންގެ ނޫސްވެރިން ބުންޏެވެ.
ސޯސަންފުލާވާގައި ހިނގި އަލިފާނުގެ ހާދިސާއާ ގުޅިގެން، އެހީތެރިކަން ބޭނުންވާ ފަރާތްތަކަށް އެހީތެރިކަން ފޯރުކޮށްދޭނެ ކަމަށް ނެޝަނަލް ޑިޒާސްޓާ މެނޭޖުމަންޓް ސެންޓަރުން ބުންޏެވެ.
އަލިފާން ރޯވެފައިވާ ގެއަށް މެދުކެނޑުމެއް ނެތި ފެން ހޮޅިން ސިފައިން ދަނީ ފެން ޖަހަމުން. މިހާރު ކޮންމެ ވެސް ވަރަކަށް އަލިފާންގަނޑު ކޮންޓްރޯލްވެއްޖެ. އަލިފާންގަނޑެއް ނުފެނޭ. އެކަމަކު ކޮންމެ ވެސް ވަރަކަށް ދުން އަރަމުންދޭ.
އަލިފާން ރޯވި އިމާރާތުން މީހުން ހުސްކޮށް، ޖެހިގެން ހުރި އިމާރާތްތަކުގައި ދިރިއުޅޭ މީހުންނަށް ރައްކާތެރިކަމުގެ ފިޔަވަޅުތައް ދަނީ އަޅަމުން. މަންޒަރު ބެލުމަށް އެ ސަރަހައްދަށް މީހުން ޖަމާ ނުވުމަށް ސިފައިންނާއި ފުލުހުން ދަނީ އިލްތިމާސް ކުރަމުން.
އަލިފާން ރޯވެފައި ވަނީ ހ. ސޯސަން ފުލާވާގޭގެ ހަ ވަނަ ފަންގިފިލާގައި.