ޕްރެޒިޑެންޓްސް ކަޕްގެ ފައިނަލުގައި ކްލަބު އީގަލްސް އާއި ޓީސީ ސްޕޯޓްސް ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!
ގައުމީ ފުޓްބޯޅަ ދަނޑުގައި މިއަދު ހަވީރު ކުޅޭ އެ މެޗަށް ދެ ޓީމު ނުކުންނަ އިރު:
- މި އަހަރު ފެނިގެންދާނީ ޕްރެޒިޑެންޓްސް ކަޕްގެ މުޅިން އާ ޗެމްޕިއަނެއް.
- މިއީ ޓީސީ ޕްރެޒިޑެންޓްސް ކަޕްގެ ފައިނަލަކަށް ނުކުންނަ ފުރަތަމަ ފަހަރު.
- މިއީ މި އަހަރު ޓީސީ ކުޅޭ ދެ ވަނަ ފައިނަލް. މި އަހަރުގެ އެފްއޭ ކަޕްގައި ފައިނަލުގައި ވާދަކޮށް، ޓީސީ ބަލިވެފައި ވަނީ ކްލަބު ވެލެންސިއާ އަތުން.
- އީގަލްސް އިން ވަނީ ކުރިން ޕްރެޒިޑެންޓްސް ކަޕްގެ ފައިނަލެއް ކުޅެފައި. 2014 ވަނަ އަހަރުގެ ފައިނަލުގައި ނިއު ރޭޑިއަންޓް ސްޕޯޓްސް ކްލަބު އަތުން އީގަލްސް ބަލިވީ 1-0 ލަނޑުން.
- އީގަލްސް އާއި ޓީސީގައި ވެސް ޒުވާން ގިނަ ކުޅުންތެރިންތަކެއް ހިމެނޭ.
- ޕްރެޒިޑެންޓްސް ކަޕްގެ ފައިނަލަށް އީގަލްސް ދަތުރުކުރީ ސެމީގެ ފުރަތަމަ މެޗުގައި ޔުނައިޓެޑް ވިކްޓަރީ އަތުން މޮޅުވެގެން.
- ޕްރެޒިޑެންޓްސް ކަޕްގެ ފައިނަލަށް ޓީސީ ދަތުރުކުރީ ސެމީގެ ދެވަނަ މެޗުގައި ވަރުގަދަ މާޒިޔާ ސްޕޯޓްސް އެންޑް ރެކްރިއޭޝަން ކްލަބު އަތުން މޮޅުވެގެން.
