ދިވެހިރާއްޖެއަށް 2008 ވަނަ އަހަރުގެ ސާފް ޗެމްޕިއަންޝިޕް ކާމިޔާބުކޮށްދިން އޭރުގެ ގައުމީ ޓީމުގެ ކުޅުންތެރީންނާއި މިހާރުގެ ގައުމީ ޓީމާ ދެމެދު ކުޅޭ ހާއްސަ ފުޓްބޯޅަ މެޗުގެ ލައިވް ކަވަރޭޖަށް މަރުހަބާ!
- މެޗުގައި ހާއްސަ މެހެމާނެއްގެ ގޮތުން ބާސާގެ ކުރީގެ ކެޕްޓަން ޒަވީ ހެނާންޑޭޒް.
- 2008 ވަނަ އަހަރުގެ ސާފްޗެމްޕިއަންސް ޓީމުގައި ހާއްސަ މެހެމާނެއްގެ ގޮތުން އާޖެންޓީނާގެ ކުރީގެ ކެޕްޓަން ރޮބާޓޯ އަޔާލާ.
- ކުރީގެ ކުޅުންތެރީންގެ ޓީމަށް އިރުޝާދު ދޭނީ ރާއްޖެއަށް ތަށި ހޯދައިދިން ކޯޗު ޖޯސެފް ޔަންކޭ.
- މެޗުގެ ހާއްސަ ސަޕޯޓަރުންގެ ގޮތުގައި ކުޅުދުއްފުށީ ސަޕޯޓަރުން.
- މެޗުގެ ރެފްރީކަންކުރާނީ ކުރީގެ ފީފާ ރެފްރީ އަދި ރައްޔިތުންގެ މަޖިލީހުގެ ވިލުފުށި ދާއިރާގެ މެންބަރު ރިޔާޒް ރަޝީދު.
- އެސިސްޓެންޓެއްގެ ގޮތުގައި ރާއްޖޭގެ ތާރީޚުގައި ފުރަތަމަ ފަހަރަށް ފީފާ ވޯލްޑް ކަޕް މެޗެއްގައި އޮފިޝަލްކަން ކުރި އެސިސްޓެންޓް ރެފްރީ މުހައްމަދު ސައީދު ހަރަކާތްތެރިވާނެ.