ކެބެޖަކީ އެއްމެ އާއްމުކޮށް ލިބެން ހުންނަ އެއް ތަރުކާރީ އެވެ. އަދި އެއީ އެހާވަރަށް ފައިދާ ހުރި ތަރުކާރީ އެއްވެސްމެ އެވެ. ކެބެޖުން ލިބޭ ފައިދާތަކުގެ ތެރޭގައި:
ދިފާއީ ނިޒާމު ވަރުގަދަކޮށްދޭ
އިންފެކްޝަންތަކާ ހަނގުރާމަ ކުރާ އެންޓިއޮކްސިޑެންޓްސް ގިނަ އަދަދަކަށް އުފައްދާ މާއްދާއެއް ކެބެޖުގައި އެކުލެވިގެންވެ އެވެ. އެހެންކަމުން ކެބެޖު ކެއުމުން ހަށިގަނޑުގެ ދިފާއީ ނިޒާމުގެ މަސައްކަތް ފަސޭހަވެ އެވެ.
ހަންގަނޑުގެ ޒުވާންކަން ދަމަހައްޓައިދޭ
ކެބެޖުގައި ގިނަ އަދަދަކަށް ބީޓާ ކެރޮޓިން އާއި ވިޓަމިން ސީ އެކުލެވިގެންވެ އެވެ. އޭގެ ސަބަބުން ހަށިގަނޑުގައިވާ ސެލްތަކަށް ގެއްލުންދޭ މާއްދާއެއް ކަމަށްވާ ފްރީ ރެޑިކަލްތަކުން ހަށިގަނޑު ރައްކާތެރިކޮށްދެ އެވެ. އެހެންކަމުން ކެބެޖަކީ ހަންގަނޑުގެ ޒުވާންކަމާއި އުޖާލާކަން ދަމަހައްޓައިދޭ ތަރުކާރީއެކެވެ.
ލޮލުގެ ދުޅަހެޔޮކަމަށް
ކެބެޖުގައި ހިމެނޭ ބީޓާ ކެރޮޓިން އަކީ ކެޓެރެކްޓްސް ފަދަ ލޮލުގެ ބަލިތަކުން މީހާ ސަލާމަތްކޮށްދޭ މާއްދާއެކެވެ.
ހަކަތަ ލިއްބައިދޭ
ކެބެޖުގައި ގިނަ އަދަދަކަށް ވިޓަމިން ބީ އެކުލެވިގެންވެ އެވެ. ވިޓަމިން ބީ އަކީ ކާނާއިން ހަކަތަ ލިބިގަތުމަށް ހަށިގަނޑަށް އެހީތެރިވެދޭ މާއްދާއެކެވެ. އަދި ކެބެޖުގައި އެކުލެވޭ އައޮޑިންއަކީ ހަށިގަނޑުގެ މަސްތައް ހެދިބޮޑުވުމަށް މުހިއްމު މާއްދާއެކެވެ.
މައުލޫމާތު: ހެލްތްޑައިޖެސްޓް