ލިބިފައިވާ ޖިންސީ އަނިޔާތަކަކާ ގުޅިގެން އައިޖީއެމްްއެޗުގެ އަސީޔޫގައި ފަރުވާ ހޯދަމުން ދަނިކޮށް ނިޔާވި، ގދ. ތިނަދޫ، ތޭންކް، ޒިޔާދާ ނައީމުގެ ހަށިގަނޑު، ޕޯސްޓްމޯޓަމް ހެދުމަށް ފަހު މިރޭ މާލެ ގެނެވޭނެ ކަމަށް ފުލުހުން ބުނެފި އެވެ.
ޕޯސްޓްމޯޓަމް ހެދުމަށް ޒިޔާދާގެ ހަށިގަނޑު އިންޑިއާ އަށް ގެންދިޔައީ މި މަހުގެ ދެވަނަ ދުވަހު އެވެ.
ޕޯސްޓްމޯޓަމް ހެދުމަށްފަހު ޒިޔާދާގެ ހަށިގަނޑު މާލެ ގެނައުމަށް ހަމަޖެހިފައި ވަނީ މިރޭގެ ވަގުތެއްގައެވެ.
Postmortem Hedhumaffahu Maruhooma Ziyaadha Naeem ge Hashigandu Mireyge Vagutheggai Male' Genaumah Hamajehifaivaa Vaahaka Dhannavan
— Maldives Police (@PoliceMv) January 5, 2016
އޭނާގެ މައްޗަށް ކުރާ ކަށުނަމާދު މާދާމަ މެންދުރު ނަމާދަށް ފަހު އާސަހަރާ މިސްކިތުގައި އޮންނާނެ އެވެ.
ޒިޔާދާ ނިޔާވި މައްސަލަ ފުލުހުން ކުރިން ބަލަމުން އައީ ޖިންސީ އަނިޔާކުރި މައްސަލައެއްގެ ގޮތުގައެވެ. ނަމަވެސް އެމައްސަލަ މިހާރު ބަލަމުން ދަނީ މަރުގެ މައްސަލައެއްގެ ގޮތުގައެވެ.
އެ މައްސަލައިގައި ޒިޔާދާއަށް ޖިންސީ އަނިޔާ ކުރި ކަމުގެ ތުހުމުތުގައި ފުލުހުން ވަނީ އޭނާގެ ފިރިމީހާ އިބްރާހިމް ޝާހު، 40، ހައްޔަރުކޮށްފައެވެ.