ކުޑަކުދިންނާއި ބޮޑެތި މީހުންނަށް ވެސް ކަމުދާނެ ރަހަ މީރު މިލްކްޝޭކެއް ތައްޔާރުކޮށްލަމާ ހިނގާށެވެ.
ބޭނުންވާ ތަކެތި:
- 1/2 ލީޓަރ ވެނީލާ އައިސް ކްރީމް
- 2 ޖޯޑު ކިރު
- 4 މޭޒުމަތީ ސަމްސާ ޕީނަޓް ބަޓަރ
- 3 މޭޒުމަތީ ސަމްސާ މާމުއި
- ވިޕްޑް ކްރީމް (ބޭނުން ނަމަ)
ތައްޔާރުކުރާނޭގޮތް:
- މިކްސަރ ގެ ޖަގަށް އައިސް ކްރީމް، ކިރު، ޕީނަޓް ބަޓަރ އަދި މާމުއި އެޅުމަށްފަހު ރަނގަޅަށް ގިރާލާށެވެ.
- މިލްކްޝޭކް އަޅަންވީ ތަށި ތަކުގެ އެތެރޭގައި ސަމްސަލެއް ބޭނުންކޮށްގެން ރީތި ޑިޒައިނަކަށް މާމުއި ކޮޅެއް ހާކާލުމަށްފަހު މިކްސްޗަރ އަޅާލާށެވެ. އަދި ބޭނުން ކަމުގައި ވާނަމަ މައްޗަށް ވިޕްޑް ކްރީމް އަޅާށެވެ.
ނޯޓު: މަތީގައިވާ މިންގަނޑަށް ތަކެތި ބޭނުންކުރާނަމަ 4 ތަށި މިލްކްޝޭކް ހެދޭނެއެވެ.
-- މައުލޫމާތު: ޔަމީ އީޒީ މީލްސް އެވްރިޑޭ