ދިވެހިބަހުގެ އެކެޑަމީއާއި ދިވެހިރާއްޖޭގެ އިސްލާމީ ޔުނިވަސިޓީ (އައިޔޫއެމް) ގުޅިގެން ކުރިއަށް ގެންދިޔަ ދިވެހިބަހުގެ ކޯސް ނިންމައިލައިފިއެވެ.
ދިވެހިބަހުގެ އެކެޑަމީން ބުނީ ދައުލަތުގެ އިދާރާތަކުގެ މުވައްޒަފުން ދިވެހިބަހަށް އަހުލުވެރިކުރުމަށް ދިވެހިބަހުގެ އެކެޑަމީން ކުރިއަށްގެންދާ 'ދިވެހިބަސް ހެޔޮ ގޮތުގައި ބޭނުންކުރަން ދަސްކޮށްދޭ ކޯސް' މިފަހަރު ކުރިއަށް ގެންދިޔައީ އައިޔޫއެމްގެ އެދުމުގެ މަތީން ކަމަށެވެ.
މި ކޯސް ކުރިއަށް ގެންދިޔައީ މިމަހުގެ 24އިން ފެށިގެން އިއްޔެގެ ނިޔަލަށް އިސްލާމީ ޔުނިވަސިޓީގައެވެ.
އައިޔޫއެމްގެ މުވައްޒަފުންނަށް ކުރިއަށް ގެންދިޔަ ދިވެހިބަހުގެ ކޯސް ނިންމުމުގެ ރަސްމިއްޔާތު -- ފޮޓޯ/ ދިވެހިބަހުގެ އެކެޑަމީ
އައިޔޫއެމްގެ މުވައްޒަފުންނަށް ޚާއްސަކޮށްގެން 10 ގަޑިއިރަށް އެ ޔުނިވާސިޓީގައި ކުރިއަށް ގެންދިޔަ އެ ކޯހުން ޖުމްލަ 19 ބައިވެރިން ވަނީ ސެޓްފިކެޓް ހާސިލްކޮށްފައެވެ.
އެ ކޯހުގައި މައިގަނޑު ގޮތެއްގައި ކިޔަވައިދީފައި ވަނީ ދިވެހިބަހުގެ ގަވާއިދާއި، ކުށެއް ނެތި ރީތި އިބާރާތުން ލިޔާނެ ގޮތާއި، އޮފީސްތަކުގައި އާންމުކޮށް ލިޔާ ލިޔުންތައް އިބާރާތް ކުރާނެ ގޮތުގެ އިތުރުން ދިވެހިބަހުން ރީތިކޮށް މުއާމަލާތުކުރާނެ ގޮތްތައް ކަމަށް ދިވެހިބަހުގެ އެކެޑަމީން ބުންޏެވެ.
އެ ކޯހުގައި ކިޔަވައިދެއްވީ ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް އާޓްސްގެ ލެކްޗަރާ އަޒީޒާ އަފީފެވެ.