ޓެކްސް އެޕީލް ޓްރައިބިއުނަލަށް ބޭފުޅުން އައްޔަންކުރުމަށް ޓަކައި ހަތަރު ނަމެއް ދިރާސާކުރުމަށް ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް މިއަދު ފޮނުވައިފިއެވެ.
އެ ޓްރައިބިއުނަލްގެ ހަތަރު މަގާމެއް މިވަގުތު އޮތީ ހުސްކޮށެވެ. މެމްބަރުކަމަށް ކުރިމަތިލާން އާންމުކޮށް ހުޅުވައިލުމުން 13 ބޭފުޅުންވަނީ އެ ކަަމަށް ކުރިމަތިލައްވައިފައެވެ.
އެ ކަމަށް ކުރިމަތިލީ މެމްބަރުންނަކީ:
- ހަސަން ޒުހައިރު މުޙައްމަދު، ގ. މާވަރުލު
- އައިޝަތު އާދަމް، ރިވެލި/ ރ. އަލިފުށި
- އިބްރާހިމް ޝަރީފް، ގ. އަލްޝާ
- ޝިފްޒާ އަބްދުލްގައްޔޫމް، ގަސްދޮށުގެ/ ގއ. ނިލަންދޫ
- އަހްމަދު ސައީދު، މ. ފަތްކޯޅި (ހުޅަނގުބައި)
- އަބްދުﷲ އަބްދުލްހަކީމް އަޒާން ޕެލަސް/ ޅ. ނައިފަރު
- މުޙައްމަދު އަމީން ޒާހިރު، ނީލާ/ ސ. ހިތަދޫ
- މުޙައްމަދު ފާރިސް ޠާހާ، ހ. ސޯސަން
- އަބްދުލް ޣަނީ މުޙައްމަދު، ހ. ހޯސްސައިޑް
- އަހްމަދު އަލީ، ހުޅުމާލެ ފްލެޓް 1-ޖީ-108
- އަލީ ރިޒާ އިސްމާއިލް، ހުޅުމާލެ ހިޔާ 2-13-3
- ފާތިމަތު ޝަފީނާޒް، ހުޅުމާލެ ގޯތި 11،021
- މަޖީދު އަލީ، މަތަރެސްމާގެ/ ގއ. ދާންދޫ
މި ބޭފުޅުންގެ ނަންފުޅުތައް ހާމަކޮށް ރައީސް ޑރ. މުޙައްމަދު މުއިއްޒުވަނީ މީގެން ހަތަރު ބޭފުޅަކު ކަނޑައަޅުއްވައިދެއްވުމަށް އެދިވަޑައިގެންފައެވެ.
ޓެކްސް އެޕީލް ޓްރައިބިއުނަލްގެ ހަތަރު ގޮނޑިއެއް ހުސްވީ އެއް މެންބަރަކު ފިޔަވާ ދެން ތިބި ހުރިހާ މެންބަރުން އޯގަސްޓު މަހުގެ 26ވަނަ ދުވަހު މަގާމުން ވަކިކުރުމުންނެވެ.
އެހެން އެ ކަން ކުރީ ޓްރައިބިއުނަލްގައި ބޮޑެތި މައްސަލަތަކެއް ހުރިކަމަށް ބުނެ ރައްޔިތުންގެ މަޖިލީހަށް ހުށަހެޅި މައްސަލަ ދިރާސާކުރުމަށް ފަހުގައެވެ.
ޓެކްސް އެޕީލް ޓްރައިބިއުނަލްގެ ރައީސް ހިމެނޭ ގޮތަށް އިތުރު ތިން މެންބަރުން ވަނީ ވަކިކޮށްފައެވެ. އެއީ:
- ޓެކްސް އެޕީލް ޓްރައިބިއުނަލްގެ ރައީސް މުހައްމަދު މުނައްވަރު އަލީ
- ޓެކްސް އެޕީލް ޓްރައިބިއުނަލްގެ ނައިބު ރައީސް ހުސެއިން
- ޒައިދާން ޖަލީލް
- ޓެކްސް އެޕީލް ޓްރައިބިއުނަލްގެ މެންބަރު ޚަދީޖާ ނައީމް
- ޓެކްސް އެޕީލް ޓްރައިބިއުނަލްގެ މެންބަރު އަހުމަދު އަޝްރަފް
މިއީ މިދިޔަ ރައީސް އިބްރާހީމް މުހައްމަދު ޞާލިޙުގެ ސަރުކާރުގައި އައްޔަނުކޮށްފައިވާ ބޭފުޅުންނެވެ.
ޓެކްސް އެޕީލް ޓްރައިބިއުނަލްގެ މެންބަރުންގެ ތެރެއިން ވަކިކުރުމަށް ނިންމާފައިނުވާ ހަމައެކަނި މެންބަރަކީ އިސްމާއިލް ސާޖިދެވެ.