ކުޅުދުށްފުށީ ސިޓީގައި ބިދޭސީއެއްގެ އަތުން ފޭރުނު ދިވެހި އަންހެނަކު ހައްޔަރުކޮށްފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، ކުޅުދުށްފުށީގައި ބިދޭސީ ފިރިހެނެއްގެ އަތުން ދިވެހި އަންހެނަކު ފޭރުނު މައްސަލައެއް މިއަދު ހަވީރު އެ ޚިދުމަތަށް ރިޕޯޓުކޮށްފައި ވާކަމަށެވެ.
ނަމަވެސް، ބިދޭސީ ފިރިހެން މީހާގެ އަތުން ފޭރިފައިވާ ތަކެތީގެ ތަފްސީލު ފުލުހުން ހާމަކޮށްފައެއް ނުވެއެވެ.
ފުލުހުން ބުނީ، މި މައްސަލައިގައި ފޭރުނު އަންހެން މީހާ އެ ޚިދުމަތުގެ ބެލުމުގެ ދަށަށް ގެނެވިފައި ވާކަމަށެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންވެ.
ވައްކަމާއި ފޭރުމުގެ މައްސަލަތައް އިންތިހާއަށް އިތުރުވަމުން އަންނައިރު، މިފަދަ ހާދިސާތަކުގައި ބޮޑެތި އަދަދު ތަކުން ވެސް ފައިސާ ފޭރިފައި އެބަ ހުއްޓެވެ.
އެފަދަ މައްސަލަތައް މަދުކުރުމަށް ފުލުހުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން، މިދިޔަ ބުދަ ދުވަހު ވެސް ވަނީ ޓީވީއަކާ ސައިކަލެއް ވަގަށް ނެގި މީހެއްގެ ބަންދަށް 15 ދުވަސް ޖަހައިފައެވެ.