ވޯލްޑް ކަޕުގެ 30 ވަނަ މެޗުގެ ލައިވް ބްލޮގް: ދެކުނު ކޮރެއާ 2 - 3 ގާނާ

މެޗުގެ އިތުރު ވަގުތުގެ ތެރޭގައި ގާނާގެ ކުޅުންތެރިއަކަށް އަނިޔާވެގެން ކުޅުން މެދު ކަނޑާލާފައި އޮތް. މިއާއެކު ކޮރެއާ ޓީމުގެ ކުޅުންތެރިންނާއި އޮފިޝަލުން ނިންމީ އެ ވަގުތު ރެފްރީ ދޭނެކަމަށް.

އިތުރު ވަގުތުގެ ފަހު މިނެޓު ހަމަވެ 25 ސުކުންތު ހިނގިފަހުން، ކޮރެއާ އަށް ވަނީ ކޯނަރެއް ލިބިފަ. އެހެންނަމަވެސް ވަގުތު ހަމަވީ ކަމަށް ނިންމައި ރެފްރީ ވަނީ މެޗު ނިންމާލާފަ. މިއާއެކު ކޮރެއާގެ ކުޅުންތެރިންނާއި ކޯޗު ވެސް ވަނީ ހިތްހަމަ ނުޖެހުން ފާޅުކޮށްފަ.

ހިތްހަމަ ނުޖެހުން ފާޅު ކުރުމުގެ ތެރޭގައި ކޮރެއާގެ ކޯޗަށް ރެފްރީ އާއި މުހާތަބު ކުރެވުނު ގޮތުން ރެފްރީ ވަނީ ކޯޗަށް ރަތް ކާޑު ދައްކާފަ.

މި މެޗުންވީ ބައްޔާއެކު މުބާރާތުގައި ކުރިއަށް ދިއުމަށް، ކޮރެއާ އަށް ވަނީ އަމިއްލަ ބާރު ގެއްލިފަ.

ގާނޭގެ ތިންވަނަ ލަނޑަށްފަހު ކޮރެއާ އަށް ގާނާގެ އޭރިއާ ތެރެއިން ގިނަ ފުރުސަތުތަކެއް ލިބިފައިވޭ. އެހެންނަމަވެސް ބޯޅަ ފޮނުވާލަން ލިބޭ ކުޅުންތެރިން ބޯޅަ ފޮނުވާލުމުގައި ލަސް ކުރާތީ، ފުރުސަތުތަކުގެ ބޭނުން އެންމެ ރަނގަޅަކަށް ނުހިފޭ.

މެޗުގައި މިހާތަނަށް ކޮރެއާ އިން 16 ހަމަލާއެއް އުފައްދާފައިވޭ. ގާނާއިން އުފެއްދީ ހަތް ހަމަލާއެއް.

67 ވަނަ މިނެޓު: ގާނާއިން އަނެއްކާވެސް ލީޑު ނަގައިފި. ގިޑިއޯން މެންސާ އޭރިއާ ތެރެއަށް ހުރަސް ކޮށްދިން ބޯޅައެއް ގޯލުގެ ތެރެއަށް ވައްދާލައިގެން ގާނާއަށް ދެވަނަ ފަހަރަށް ލީޑު ނަގައިދިނީ މުހައްމަދު ކޫޑުސް. މިއީ މި މެޗުގައި އޭނާ ޖެހި ދެވަނަ ލަނޑު.

ކޮރެއާ އިން މިނެޓެއްގެ ތެރޭގައި ދެވަނަ ލަނޑެއް ޖަހައި ނަތީޖާ ހަމަހަމަ ކޮށްފި. މިއީ ޖޭ ކިމް ނަގައިދިން ހުރަހަކުން އަނެއްކާވެސް ޗޯ ގޫ ސަންގް ކާމިޔާބު ކޮށްދިން ލަނޑެއް. މިއީވެސް ޗޯ ބޮލުން ފޮނުވާލި ހަމަލާ އަކުން ކާމިޔާބު ކުރި ލަނޑެއް.

ގާތްގާތުގައި ޖެހި ދެ ލަނޑާއެކު ގާނާއިން ފުރަތަމަ ހާފު ނިންމާލައިފި. މި ހާފުގައި ކޮރެއާ އިން ފަސް ހަމަލާއެއް އުފައްދާފައި ވާއިރު، ގޯލާއި އަމާޒުވާ ގޮތަށް ހަމަލާއެއް ފޮނުވާލެވިފައެއް ނުވޭ. ގާނާއިން މެޗުގައި ލަނޑު ޖެހީ އެޓީމުން ހަމަ އެކަނި ފޮނުވާލި ދެ ހަމަލާ ގޯލާއި އަމާޒު ކޮށްލައިގެން.

މި މެޗުގައި ވެސް ގާނާއިން ދެ ލަނޑު ޖަހާފައި ވާއިރު، މިއީ 2006 ވަނަ އަހަރުގެ ވޯލްޑް ކަޕަށްފަހު ގާނާއިން ވޯލްޑް ކަޕުގައި ޖެހި ޖެހިގެން ދެ މެޗެއްގައި ދެ ލަނޑު ޖެހި ފުރަތަމަ ފަހަރު.

ގާނާއިން މެޗުގެ 24 ވަނަ މިނެޓުގައި ލަނޑެއް ޖަހައި ލީޑު ނަގައިފި. މި ލަނޑު އެޓީމަށް ކާމިޔާބު ކޮށްދިނީ ސަލީލޫ. މިއީ ހިލޭ ޖެހުމަކުން ތަނަވަސްވި ފުރުސަތެއްގައި އޭނާ ކާމިޔާބު ކުރި ލަނޑެއް.

21 ވަނަ މިނެޓު: މެޗުގެ ފުރަތަމަ ރީނދޫ ކާޑު ގާނާގެ ޑެނިއެލް އަމާޓީ އަށް.

މެޗުގައި ދެ ޓީމުން ބޭނުންކުރާނެ ފުރަތަމަ 11.