އިޤްތިޞާދީ ހީނަރުކަމުން އަރައިގަންނަން އެންމެން އެކުގައި މަސައްކަތް ކުރުމަށް އެމްޑީއޭގެ ރައީސް އަދި ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަހްމަދު ސިޔާމް މުހައްމަދު އިލްތިމާސް ކުރައްވައިފިއެވެ.
ސިޔާމް މިއަދު ކުރެއްވި ޓްވީޓެއްގައި ވިދާޅުވީ, އިޤްތިޞާދީ ހީނަރުކަމުގެ ސަބަބުން ކުރިމަތިވަމުން އަންނަ ދަތި އުނދަގޫތަކުން އަރައިގަތުމަށް އެންމެން އެކީގައި މަސައްކަތް ކުރަން ޖެހޭ ކަމަށެވެ.
ދުނިޔެއަށް ކުރިމަތިވެފައިވާ އިޤްތިޞާދީ ހީނަރުކަމުގެ ސަބަބުން ދިރިއުޅުމަށް ކުރިމަތިވަމުން އަންނަ ދަތި އުނދަގޫތަކުން އަރައިގަންނަން އެންމެން އެކުގައި މަސައްކަތް ކުރުމަށް އިލްތިމާސް ކުރަން!
— Ahmed Siyam Mohamed, MP (@Sun_Siyam) November 16, 2022
ކޮވިޑާ ގުޅިގެން ކުރިމަތިވި ގޮންޖެހުންތަކުން އަރައިނުގަނެވިގެން އުޅެނިކޮށް ޔޫކްރެއިން އާއި ރަޝިޔާއިން ފެށި ހަނގުރާމައާ ގުޅިގެން ދުނިޔޭގެ ގިނަ ގައުމުތަކެއްގެ އިގްތިސާދަށް ވަނީ އަސަރުކޮށްފައެވެ. އެ ގައުމުތަކުގެ ތެރޭގައި ރާއްޖެ ވެސް ހިމެނެއެވެ.
އިޤްތިޞާދީ އަނދަވަޅެއްގެ މަލަމަތީގައި ރައްޔަތިން ތިބިއިރު މުދަލާއި ޚިދުމަތުގެ އަގުން ޓެކްސް ބޮޑުކުރުމަށް އެދި ސަރުކާރުން ރައްޔިތުންގެ މަޖިލީހަށް ހުށަހެޅި ބިލް މިއަދު ވަނީ ފާސްކޮށްފައެވެ.