އާރްޓީއެލްގެ ޚިދުމަތް ރަސްމީކޮށް ފެށުމުގެ ޖަލްސާގެ ލައިވް ކަވަރޭޖް

އެމްޓީސީސީ މިއޮތީ ރައީސްގެ ވައުދުތައް ފުއްދަން މެކުހަށް ޖަހާފައި. އަޅުގަނޑު އެދެނީ ދިވެހި ރައްޔިތުން ވެސް ރައީސް ޞާލިހާއެކު މެކުހަށް ޖެހުމަށް

އާރްޓީއެލް ފެރީތަކުގައި ހުންނާނީ މަތިންދާ ބޯޓުންގައި ވެސް ހުންނަ ފަދަ ފަސޭހަ ގޮނޑިތަކެއް

އާރުޓީއެލް ގެނެސްދިން ބޮޑު ބަދަލާ، ފަސޭހައާއެކު އެކީ ލިބުނު މާބޮޑު އެހެން އިތުބާރަކާ ޔަޤީންކަމެއް. އެޓީމްގެ ބުރަ މިންނެތް އެޚުލާސްތެރި މަސައްކަތް ނުވިނަމަ، މިރޭގެ މިޖަލްސާ ބާއްވަން އަދި އިތުރު ހަ މަސް ބޭނުންވާނެ. އެކަމަށް އާޒިމްއަށާއި، އެމްޓީސީސީގެ މުޅި ޓީމަށް ހިފެހެއްޓުމެއް ނެތި ޝުކުރާ ސާބަސް ދަންނަވަން. އަޅުގަނޑުމެންގެ މި ޖަޒީރާ ރާއްޖެ ތަޞައްވުރަށް، އަމަލީ ސިފަ ގެނައުމުގާ ޓީމް އެމްޓީސީސީއިން ކުރައްވަމުން އެގެންދަވަނީ ، ބުރަ އެކަމަކު އިތުބާރުހުރި މަސައްކަތެއް

ރަށްރަށުގެ މެދުގާ ކުރިން އޮތް ދުރުކަމާ، ހުސްކަމާ ފޫހިކަން، މަޑުމަޑުން ނައްތާލާނެ ވަޞީލަތަކީ، ދެއިރު ދެދަޅައަށް ލަފާ ފުރައިގެންދާ، މާގަޔާވާ އާރުޓީއެލް ކަމުގާ ވާނެ

އުތުރުގެ އިޤްތިޞާދީ މައިދޮރޯށީގެ ގޮތުގާ ހަނިމާދޫ ހުޅުވާލެވުނު ނަމަ، މިސަރަހައްދުގެ 8000 ޓޫރިސްޓް އެނދު، ބާވާނެތާ މިހާރު ކިތަންމެ ދުވަހެއް. ބޮޑުތިލަދުންމައްޗަށް މިގެންނަ ބޮޑު ބަދަލު، މިހާތަނަށް ނައިސް އޮތް އެންމެ އަސާސީ ސަބަބަކީ، ހަނިމާދޫ އަށް ވެފައި އެއޮތް ގޮތް. އެހެން ނަމަވެސް އިރާދަކުރެއްވިއްޔާ އެބަދަލު އަންނާނީ، އަދި ގެންނާނީ، މިހާރު ބޮޑު ތިލަދުންމައްޗަށް މިގެންނަ ބޮޑު ބަދަލާއެކު.

ހަނިމާދޫ އެއަރޕޯޓަށް، ދެންވާނީ ކުރިން ވީގޮތެއް ނޫން. އެ މަޝްރޫޢަށް ބޭނުންވާ، 1.2 ބިލިއަން ރުފިޔާ ހަމަޖެހިއްޖެ. ކޮންޓްރެކްޓްގައި ސޮއިކޮށް މަސައްކަތް ހަވާލުކުރެވިއްޖެ. ހަނިމާދޫގާ މިހާރު އޮތް 2.1 ކިލޯ މީޓަރުގެ ރަންވޭ، ދެން ބަދަލުވާނީ 46.2 ކިލޯމީޓަރުގެ ރަންވޭ އަކަށް. އެއީ އޭޝިއާގެ އިރުމައްޗާ، ދެކުނު އިރުމަތީ އޭޝިއާއިން، ސީދާ ފްލައިޓް އޮޕަރޭޓް ކުރެވޭނެ ރަންވޭއެއް. އަދި މެދުއިރުމައްޗާ، އިރުމަތީ އެފްރިކާ، ބޮޑު ތިލަދުންމައްޗާ ގުޅުވާދޭނީ އެ ރަންވޭއިން. ރަންވޭއަށް އަންނަ ތަރައްޤީ، ޓާމިނަލަށް ނުގެނެސް، ހަނިމާދޫ އިންޓަނޭޝަނަލެއް ނުވާނެ.

ރަަށްތައް ގިނަޔަސް، އުޅަނދު ތަކުގެ އަދަދު މައްޗަސް، މިކަމުގާ ފަސްޖެހި ލަސްކުރެވޭކަށް ނެތް. ސަބަބަކީ ބޮޑުތިލަދުންމައްޗަށް ގެނެވުނު މިބޮޑު ބަދަލު، ހަމަހަމަ ކަމާއެކު، މުޅިރާއްޖެއަށް ނުގެނެސް، މާނަވީ ބަދަލެއް، ރާއްޖެއަށް އަންނާން ނެތުން. ރައްޔިތުން ފުދުންތެރި ވެވޭނީ ހެލިފެލިވެ ފުރާ ދުއްވިގެން. ގޮސް އައިސް ވެވިގެން. އާރުޓީއެލްގެ ޖީބަށްލުއި، އަރާމު ބާރު ދުވެއްޔަކީ، އިޤްތިޞާދީ ޙަރަކާތް އެތައް ގުނައެއް އިތުރުވާނެ ކަމެއް.

ކުުރިއަށް އޮތް އަހަރުގެ ތެރޭގާ އާރުޓީއެލްގެ އުޅަނދު ފަހަރުން، މުޅިހުވަދޫ އެކުގާ އަމުނާ ގަތާލުމަށް ކުރަންޖެހޭ ކަންކަން ފެށިއްޖެ. ހަމައެއާއެކު، އާރްޓީއެލް އީކުއެޓަރ ހުރަސްކޮށް، ފުވައްމުލަކާ އައްޑޫ، އަދި ހުވަދޫ އެކުގާ ގުޅުވާލެވޭނެ. ބޮޑުތިލަދުންމަތީގެ މިބޮޑު ބަދަލާ އެއްގޮތަށް، މުޅިރާއްޖޭގެ ހުރިހާ ރަށެއް ގުޅާލުމަށް ބޭނުންވާ އިތުރު 65 މިފަދަ ޒަމާނީ އުޅަނދު، ބަނުމުގެ ކޮންޓްރެކްޓް ހަވާލު ކުރެވި، އެމަސައްކަތް ހިނގަމުން އެބަދޭ

ގެއްލިދިޔަ އެތަނަވަސްކަމާ، ފުދުންތެރި އަމިއްލަ އިޤްތިޞާދު، ރާއްޖޭގެ ހުރިހާ ރަށަކާ އަތޮޅަކަށް އަންނަންޖެހޭ. އެބޮޑު ބަދަލު ފެށެނީ އާރުޓީއެލްގެ ވިއުގައިން. މިއަދު ބޮޑު ތިލަދުންމައްޗަށް ގެނެވިފައިވާ މިބޮޑު ބަދަލުން

އާރްޓީއެލް އުޅަނދެއްގެ ނަލަ ދުވެލީގައި، އަޅުގަނޑު ދިއްދޫއަށް މިއަދު މިއައީ މި ސަރަހައްދަށް، ބޮޑުތިލަދުންމައްޗަށް ބޮޑު ބަދަލުގެނުވާ ޒޯން 1 ގެ އާރްޓީއެލް ފެރީ ނިޒާމް ރަސްމީކޮށް އިފްތިހާުކުރުމުގައި ބައިވެރިވުމަށް. މިއީ އަޅުގަނޑަށް ލިބޭ އުފަލަކާއި ޝަރަފެއް