މާލޭގައި ދުއްވާފައި ދިޔަ ބަހަކާއި ސައިކަލެއް އެކްސިޑެންޓުވެ، މީހަކަށް އަނިޔާވެއްޖެއެވެ.
މި އެކްސިޑެންޓު ހިނގައިފައިވަނީ މިރޭ އިރާކޮޅު، އަމީނީމަގުގައި ހުންނަ ދިވެހިރާއްޖޭގެ އަޑުގެ އިމާރާތް ކައިރިންނެވެ.
ފުލުހުން ބުނީ މި އެކްސިޑެންޓު ހިނގިކަމުގެ ރިޕޯޓު ލިބިފައިވަނީ މިރޭ 18:10 ހާއިރު ކަމަށާއި އަނިޔާ ލިބުނު މީހާއަށް ހޮސްޕިޓަލުގައި މިހާރު ފަރުވާ ދެމުން އަންނަ ކަމަށެވެ.
އެހެންނަމަވެސް މި އެކްޑިސެންޓާ ގުޅޭ އިތުރު ތަފްސީލެއް ފުލުހުން ނުދެއެވެ.
ބެލެވޭ ގޮތުގައި ފަރުވާ ދެމުން އަންނަނީ ސައިކަލު ދުއްވަން އިން މީހާއަށެވެ.