ފެމެލީ ކޯޓުން، ރަމަޟާންމަހު ކާވެނި ކޮށްދޭ ގަޑިތައް ޢާއްމުކޮށްފިއެވެ.
އެ ކޯޓުން މިއަދު ޢާއްމުކުރި ޢިއުލާނެއްގައި ބުނީ، ރަމަޟާން މަހާއި ޝައްވާލު މަހުގެ ފުރަތަމަ ހަތް ދުވަހު ފެމިލީ ކޯޓުން ކާވެނިކޮށްދިނުމަށް ހަމަޖެހިފައިވަނީ، ހެނދުނު 09:30 އިން 12:30 އަށް ކަމަށެވެ.
ނުރަސްމީގަޑީގައި ރޭގަނޑު 21:30 އިން 23:00 އަށް ކާވެނި ކޮށްދޭން ހަމަޖެހިފައި ވާއިރު، ކޯޓުން ބޭރުގައި ކައިވެނި ކޮށްދޭން ހަމަޖެހިފައި ވަނީ ރޭގަނޑު 21:30 އިން 23:00 އަށެވެ.
ކޮވިޑާ ގުޅިގެން ފެމެލީ ކޯޓުން މިހާރު ކާވެނި ކޮށްދެނީ، ރަސްމީ ގަޑީގެ ތެރެއިން، ހެނދުނު 9:00 އިން 11:30 އަށެވެ. އަދި މެންދުރު ފަހު 1:00 އިން 1:30 އަށެވެ.
ނުރަސްމީ ގަޑީގައި ހަވީރު 4:00 އިން 21:30 އަށް ކާވެނި ކޮށްދޭ ގޮތަށް މިހާރު އޮންނައިރު، ކޯޓުން ބޭރުގައި ކައިވެނި ކޮށްދެނީ ހަވީރު 4:00 އިން ރޭގަނޑޫ 21:30 އަށެވެ.