ލަވަކިޔުންތެރިޔާ ކަމީލާ ކެބޭލޯގެ ފުރަތަމަ ފިލްމު "ސިންދްރެއްލާ" އަންނަ މަހު ސްޓްރީމްކުރާ ގޮތަށް ހަމަޖެހިއްޖެއެވެ.
އަންނަ މަހުގެ ތިން ވަނަ ދުވަހު އެމެޒޯން ޕްރައިމް އިން ސްޓްރީމްކުރުމަށް ހަމަޖެހިފައިވާ މި ފިލްމުގެ ރަސްމީ ޓްރެއިލާ ވަނީ މި މަހު އާންމުކޮށްފައެވެ. އެ ޓްރެއިލާއަށް ވަނީ އާންމުންގެ ތަރުހީބު ވެސް ލިބިފައެވެ. ސިންދްރެއްލާގެ ރޯލުން ކަމީލާ ފެނިގެންދާ މި ފިލްމުގެ ޓްރެއިލާ އިން ފެނިގެންދަނީ ސިންދްރެއްލާ އޭނާގެ އަމިއްލަ ކުޑަ ވިޔަފާރިއެއް ފަށައިގެން އުޅޭތަނެވެ. އަދި އޭނާގެ ދޮންމަންމައާ ދައްތައިގެން ނުފޫޒުގަދަ ތަންވެސް ޓްރެއިލާއިން ފެނިގެންދިޔައެވެ.
މި ފިލްމުގައި ޕްރިންސްގެ ރޯލު ކުޅޭނީ ޒުވާން އެކްޓަރު ނިކޮލަސް ގަލިންޒީއެވެ. ސިންދްރެއްލާ އަކީ ކުރިން ތިއޭޓާތަކުގައި އަޅުވަން ނިންމި ފިލްމެކެވެ.
މި ފިލްމަކީ ކޭ ކެނަން ޑައިރެކްޓްކޮށް ސްކްރީންޕްލޭ ލިޔުނު ފިލްމެކެވެ. އެ ފިލްމުގައި ގޯޑްމަދާގެ ރޯލުން ފެނިގެންދާނީ ބިލީ ޕޯޓާއެވެ.
އިޑީނާ މެންޒެލް ދޮންމަންމަގެ ރޯލުން ފެނިގެންދާއިރު ސިންދްރެއްލާގެ ދޮންމަންމަގެ އަންހެން ދަރިންގެ ރޯލުން ފެނިގެންދާނީ މެޑީ ބެއިލިއޯ އާއި ޗާލޮޓް ސްޕެންސާ އެވެ.