ކޮވިޑް19 އިން ރައްކާތެރިވުމަށް ޖަހާ ވެކްސިން ޖެހުމުގެ ހިދުމަތް ޓްރީޓޮޕް ހޮސްޕިޓަލުންވެސް ދަނީ ފޯރުކޮށްދެމުންނެވެ.
އެޗްޕީއޭ އާއި ގުޅިގެން އެ ހޮސްޕިޓަލުން ވެކްސިންގެ ހިދުމަތް ފޯރުކޮށްދޭއިރު، އެ ހޮސްޕިޓަލުގައި ވަނީ ހިދުމަތް ހޯދާ ފަރާތްތަކުގެ ރައްކާތެރިކަމަށް ހާއްސަ ފިޔަވަޅުތަކެއް އަޅައި، ކޮވިޑް-19 ވެކްސިން ޖެހުމަށް ހާއްސަ ކްލިނިކެއް ހުޅުވާފަ އެވެ.
ޓްރީ ޓޮޕް ހޮސްޕިޓަލުން ބުނީ ވެކްސިން ޖެހުމުގެ މަސައްކަތުގައި އެ ހޮސްޕިޓަލުން ބައިވެރި ވަނީ، ކޮވިޑް ވެކްސިން ޖެހުމަކީ ރާއްޖޭގައި ކޮވިޑް-19 ފެތުރުން ކޮންޓްރޯލްކޮށް އާންމު ސިއްހަތާއި ރައްކާތެރިކަމަށް އެޅޭނެ އެންމެ މުހިންމު އެއް ފިޔަވަޅު ކަމުގައި ދެކިގެން ކަމަށެވެ.