ހާއްސަ އޮފާތަކާއެކު ސެމްސަންގްއިން އެންމެ ފަހުން ނެރުނު ގެލެކްސީ އެސް 21+ 5ޖީ އަދި އެސް 21+ އަލްޓްރާ 5ޖީ ޕްރީއޯޑާ ކުރަން އުރީދޫއިން ހުޅުވާލައިފި އެވެ.
އުރީދޫއިން ބުނީ ޕްރީއޯޑަރަށް ގަންނަ ކޮންމެ ސެމްސަންގް ގެލެކްސީ އެސް 21+ ސީރީޒްގެ ފޯނަކާއެކު ކޮންމެ މަހަކު ދެ ޖީބީ ހިލޭ ޑޭޓާ، ހަ މަސް ދުވަހަށް ލިބޭނެ ކަމަށެވެ.
ހަމައެއާއެކު ޕްރީއޯޑާ ކުރާ ކޮންމެ ސެމްސަންގް ގެލެކްސީ އެސް 21+ އަކާއެކު ސްމާޓް ޓެގް އަދި ގެލެކްސީ ފިޓް 2 ފިޓްނަސް ބޭންޑްއެއް ލިބޭނެ އެވެ. އަދި ޕްރީއޯޑާ ކުރާ ކޮންމެ ސެމްސަންގް ގެލެކްސީ އެސް 21+ އަލްޓްރާއަކާއެކު ލިބޭނީ ސްމާޓް ޓެގަކާއި ގެލެކްސީ ބަޑްސް ލައިވް ޕްލަސްއެކެވެ.
އުރީދޫއިން ގެލެކްސީ އެސް21+ ސީރީޒްގެ ފޯނުތައް ވިއްކާ އަގަކީ؛
- ސެމްސަންގް ގެލެކްސީ އެސް 21+ (256 ޖީބީ): 22،799ރ
- ސެމްސަންގް ގެލެކްސީ އެސް 21+ އަލްޓްރާ (256 ޖީބީ): 27،399ރ
ގެލެކްސީ އެސް 21 ސީރީޒްގެ ޕްރީއޯޑާ ހާއްސަ އޮފާގެ އިތުރުން އީ ސިމް އަޕްގްރޭޑް ވެސް މުޅިން ހިލޭ ލިބޭނެ އެވެ.
މިއަދު ޕްރީއޯޑަރަށް ހުޅުވާލި ސެމްސަންގް ގެލެކްސީ 21+ ސީރީޒްގެ ފޯނުތައް އުރީދޫގެ އީ ކޮމާސް ޕްލެޓްފޯމް މޫލީ މެދުވެރިކޮށް ވެސް ޕްރީއޯޑާ ކުރުމުން ރާއްޖޭގެ ކޮންމެ ހިސާބަކަށްވެސް މުޅިން ހިލޭ ގެންގޮސްދޭނެ އެވެ.