ވަރު ބައި އެޓްމޯސްފިއާ ރިސޯޓްގެ ރާ ރައްކާ ކުރާ ގުދަނުގައި ރޯވެވެއްޖެ އެވެ.
އެމްއެންޑީއެފްގެ އިންފޮމޭޝަން އޮފިސަރު، މޭޖާ އިބްރާހިމް އާޒިމް ވިދާޅުވީ އެ ހާދިސާގެ މައުލޫމާތު ލިބުނީ މެންދަމު 2:48 އެހައިކަންހާއިރު ކަމަށެވެ.
އޭނާ ވިދާޅުވީ މިރޭ 4:18 އެހައިކަންހާއިރު، ފަޔާ ޓީމަށް ރިސޯޓަށް ދެވުނުއިރު ރީތިރަށް ރިސޯޓުން ޕަމްޕެއް ގެނެސްގެން އަލިފާން ނިއްވުމުގެ މަސައްކަތް ކުރިއަށް ދިޔަ ކަމަށެވެ. ނަމަވެސް އޭރުވެސް އަލިފާން ކޮންޓްރޯލް ކުރެވިފައިނުވާވާތީ އަލިފާން ކޮންޓްރޯލް ކުރުމުގައި އެމްއެންޑީއެފްގެ ފަޔާ ޓީމުން ހަރަކާތްތެރިވާން ފެށިއެވެ.
ގަޑިން 4:33 އެހައިކަންހާއިރު އަލިފާން ކޮންޓްރޯލް ކޮށްފައިވާ ކަމަށް ވެސް އާޒިމް ވިދާޅުވި އެވެ.
މި ހާދިސާގައި އެއްވެސް މީހަކަށް ގެއްލުން ލިބުނުކަން ނުވަތަ ނޫންކަން މިހާތަނަށް އެނގިފައެއް ނުވެ އެވެ.