ބ. ފުޅަދޫ ބަނދަރު ތަރައްގީކުރުމުގެ މަޝްރޫއުގެ މަސައްކަތުގެ 50 ޕަސެންޓް ނިމިފައިވާކަމަށް އެމްޓީސީސީން ބުނެފިއެވެ.
ފުޅަދޫ ބަނދަރު ހެދުމުގެ މަސައްކަތް ޕްލޭނިންގް މިނިސްޓްރީން އެމްޓީސީސީއާ ހަވާލުކުރީ މި އަހަރުގެ ޖުލައި މަހުގަ އެވެ.
މަޝްރޫއުގެ ބްރީފް:
- 51،861 ކިއުބިކް މީޓަރަށް ބަނދަރު ފުންކުރުން
- 108 މީޓަރުގެ ބޭރު ތޮށި ލުން
- 302 މީޓަރުގެ ސަރަހައްދެއްގައި ރިވެޓްމަންޓް ޖެހުން
- 223 މީޓަރުގެ އެތެރެ ތޮށި ލުން
- މޫރިންގ ބްލޮކްސް ލުން
- ޕޭވްމަންޓް ހެދުން
ގާތްގަނޑަކަށް 48.2 މިލިއަން ރުފިޔާ ހަރަދުވާ އެ މަޝްރޫއު ނިންމުމަށް ހަވާލުކޮށްފައި ވަނީ 390 ދުވަހުގެ މުއްދަތެކެވެ.
އެމްޓީސީސީން މިއަދު ބުނީ އެ މަޝްރޫޢއުގެ ތެރެއިން ބަނދަރު ފުންކުރުމުގެ 93 ޕަސެންޓް މަސައްކަތް މިހާރު ނިމިފައިވާ ކަމަށެވެ.