ކޮރޯނާވައިރަސް، ކޮވިޑް-19 ޖެހިގެން ރާއްޖެއިން ފުރަތަމަ ފަހަރަށް މީހަކު މަރުވެއްޖެ އެވެ. މިއަދު ހަވީރު މާލެއިން މަރުވި 83 އަހަރުގެ އަންހެނެއްގެ ސާމްޕަލް ޓެސްޓް ހެދިއިރު ކޮވިޑަށް ޕޮޒިޓިވްވެފައިވާކަން ވަނީ ކަށަވަރުވެފަ އެވެ.
މަރުވި މީހާ އަކީ، ކޮވިޑް ޖެހުނު މީހެއްގެ ފަސްޓް ކޮންޓެކްޓަށް ވުމުން ޓެސްޓް ހަދަން އޭނާގެ ސާމްޕަލް ނަގާފައިވާ މީހެކެވެ. އޭނާ މަރުވީ އެ ބައްޔަށް ޝައްކުވެގެން ސާމްޕަލް ނަގާފައި ވަނިކޮށެވެ. މީގެ އިތުރުން، އެ މީހާ ދިރިއުޅުނު ގެވެސް ހުރީ ކަރަންޓީނުގައިކަން ވެސް އެނގިފައިވެ އެވެ.
އެކަން ހާމަކުރުމަށް އެންއޯއީސީއިން މިރޭ ޕްރެސްކޮންފަރެންސެއް ބާއްވަން ވަނީ ހަމަޖެހިފަ އެވެ.