މި މަހުގެ ފުރަތަމަ ދުވަހު ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ ރަންވޭ މޫވްމަންޓްސް ރިކޯޑު މިންވަރަކަށް އިތުރުވެ، 226 އަށް އަރައިފި އެވެ.
އެމްއޭސީއެލްއިން ބުނީ ޑިސެމްބަރު 1 ވީ އާދީއްތަ ދުވަހު ޖުމްލަ 226 ރަންވޭ މޫވްމަންޓްސް ވީއައިއޭއިން ރިކޯޑު ކުރެވިފައިވާ ކަމަށެވެ.
އޭގެ ތެރޭގައި ހިމެނެނީ:
- ޑޮމެސްޓިކް: 121
- އިންޓަނޭޝަނަލް: 102
- އެޑްހޮކް (ޝެޑިއުލް ނޫން ފްލައިޓްތައް): 3
މީގެ ކުރިން ވީއައިއޭގެ ރަންވޭ މޫވްމަންޓްސްގެ ރިކޯޑަކީ 219 އެވެ. އެއީ މިއަހަރުގެ ފެބްރުއަރީ މަހުގެ 24 ވަނަ ދުވަހު އެ ރަންވޭގެ މޫވްމަންޓްސް އަދަދެވެ.
އޭގެ ކުރިން އޮތް ރިކޯޑަކީ 2018 ގެ ޖެނުއަރީ 6 ވަނަ ދުވަހުގެ 214 ރަންވޭ މޫވްމަންޓްސް އެވެ.