ވިލިމާލޭ ފަޅުގައި އޮތް ތެޔޮ ބޯޓެއްގައި އަލިފާން ރޯވެ، ހަ މީހަކު ފިހިއްޖެއެވެ.
އެމްއެންޑީއެފްގެ ތަރުޖަމާނު ކެޕްޓަން އިބްރާހިމް އާޒިމް ވިދާޅުވީ ވިލިމާލެ ފަޅުތެރޭގައި އޮތް ތެޔޮ ބޯޓެއްގައި އަލިފާން ރޯވެގެން މިރޭ 10:40 ހާ އިރު އެމްއެންޑީއެފަށް ރިޕޯޓުކުރި ކަމަށާއި. އެމްއެންޑީއެފް ފަޔާ ޓީމުން ހަރަކާތްތެރިވަމުންދާ ކަމަށެވެ.
އަދި ފަޅުގައި އޮތް އިތުރު ދޯންޏެއްގައިވެސް އަލިފާން ހިފިކަމަށް އާޒިމް ވިދާޅުވިއެވެ.
"އަލިފާނުގެ ހާދިސާގައި ހަ މީހަކު ވަނީ ފިހިފައި. [އޭގެ އިތުރުން] އެމްއެންޑީފް ފަޔާ ފައިޓާއެއްގެ ބޯ ވަނީ ފަޅައިގެން ގޮސްފައި،" އާޒިމް ވިދާޅުވިއވެެ.
އެއާއެކު ޖުމްލަ ހަތް މީހަކަށް އަނިޔާވެ ހޮސްޕިޓަލަށް ގެންގޮސްފައިވާ ކަމަށް އާޒިމް ވިދާޅުވިއެވެ.