ބޮލީވުޑްގެ މަޝްހޫރު ތަރި ސޯނަމް ކަޕޫރު އޭނާގެ ފިރިހެނުންނާއި އެކުވެރީންނާއެކު ރާއްޖޭގައި ޗުއްޓީ ހޭދަކުރަމުން އެބަދެ އެވެ.
ސޯނަމް ކަޕޫރާއި ފިރިމީހާ އާނަންދު އަހޫޖާގެ އިތުރުން ސޯނަމް ކަޕޫރުގެ ކޮއްކޮ ރިއާ ކަޕޫރާއި އެކުވެރިއެއް ކަމަށްވާ ކަރަން ބުލާނާގެ އިތުރުން ގާތް އެކުވެރިން އެ ދަތުރުގައި ބައިވެރިވެ އެވެ.
ސޯނަމް ރާއްޖެ އައިސްފައިވަނީ އިއްޔެ އެވެ. ރާއްޖެ އައުމަށްފަހު ސޯނަމް ޗުއްޓީ ހޭދަކުރަނީ ސޮނެވާފުށީގަ އެވެ.
ސޯނަމް އާއި ރިއާ ވަނީ މީގެކުރީންވެސް އެކީގައި ޗުއްޓީ ހޭދަކޮށްލުމަށް ރާއްޖެ އައިސްފަ އެވެ.
މިފަހަރުގެ ދަތުރުގެ ވާހަކަ ސޯނަމް ވަނީ އޭނާގެ އިންސްޓަގްރާމް ސްޓޯރީއަށް ޕޯސްޓުކޮށްފަ އެވެ. އިންސްޓަގްރާމް ސްޓޯރީން އެންމެން އެކުގައި ވަގުތު ހޭދަ ކުރާ މަންޒަރު ފެނިގެންދެ އެވެ.
ރިއާ ވަނީ ސޮނެވާއަށް ގޮސް އެތަނުގެ ފޮޓޯއެއް އިންސްޓަގްރާމް އަށް ޕޯސްޓްކޮށްފައެވެ.
ސޯނަމް ކަޕޫރު މިއަހަރު ކައިވެނިކޮށްފައިވާއިރު އޭނާގެ ފިލްމެއް ވަނީ ދާދި ފަހުން ސްކްރީނަށް ނެރެފައެވެ. ދުލްކޭރު ސަލްމާން އާއެކު ލީޑް ރޯލުން ސޯނަމް ފެނިފައިވަނީ މިދިޔަ މަހުގައި ނެރުނު "ޒޯޔާ ފެކްޓާ" އިންނެވެ. އެ ފިލްމަކީ އަނޫޖާ ޗޯހާން ލިޔެފައިވާ ފޮތަކަށް ބިނާކޮށްފައިވާ ފިލްމެކެވެ.